Levítico 18:17 - La'aqtaqa Ñim Lo'onatac 'Enauacna 2013

¹⁷ Qataq saishet da huo'o ca huetapeeguet aca 'alo maye mashe nmate', qataq aca llale acamaye, huo'otaq aca laual maye llale ca llalec, huo'otaq aca llale, cha'aye 'eeta'am da maiche lalamaqte. Qaq ỹoqo'oye damaye ỹataqta sa ỹaỹamaxañi da qaỹo'ot.

Levítico 18:17 Referans Kwoze

Levítico 20:14

Qaq da huo'o ca ỹale da ỹauo'o lhua aca 'alo, qataq aca llale acamaye, nache caamaye ỹataqta qauem da ỹo'o't, qaq 'enauaque qome da nca'altraue'c qanqa'en da qaỹavigaxa't, yaqto' saishet qome da huo'o ca ỹe'enaxa't caamaye.

Amós 2:7

Qataq huetaiya' naqa'en na choxoraqpi, qataq saishet da ỹo'otec ca ỹaỹamaqchiguiñi lataxac nam qaica ca la'amaqchec. Qataq so nta'a qataq so ñalec qalaq lauatrapiguiñi' aso 'oonole 'alo, nache qaica ca 'enec naqa'en da qui'itta ỹe'enaxat.

Deuteronómio 27:23

Ỹataqta qauem qome ca talec nhuaxanaguec ca ỹale da lauañi' aca lachoro. Nache 'enauac qome na nhuo' le'ecpi, 'eeta': Aja', nache 'eetec.

Levítico 18:18

Qataq saishet qome da huo'o ca ỹe'egueeta'a da huaroneguet, huo'otaq da hue'eguet aca lqaỹa aca lhua, da huo'otaq ña nca'altauec aca maiche lhua, yaqto' saishet da npa'aguena't caamaye.