Levítico 17:9 - La'aqtaqa Ñim Lo'onatac 'Enauacna 2013

⁹ qalaxaye da saishet da iroua'a ye ñegueuo ñi npe'l da yaqto' ỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.

Levítico 17:9 Referans Kwoze

Levítico 17:4

qataq souaxat da saishet da iroua'a ye ñegueuo ñi npe'l da yaqto' lachetaqtaxanaqte maye ỹanot Ñim Nataxala', nache que'eca shiỹaxaua huo'o da lasouaxashet souaxat da icoraxatec ca ltago'q ca shiguiỹac. Nache camaye qaỹo'orauec, ca'ai qanqa'en ca lauo' le'ecpi.

Éxodo 20:24

Qauo'oche qome aca nca'atoxonaxalate 'alhua, nache qauachiỹalec acamaye cam Aỹem qaỹa'añiỹot qarachetaqtaxanaxache qaỹavigaxatta, qataq qanhuaachigui chegaqaigui nam shiguiỹacpi maye qaralamaxache, qagueta, huaca. Nache Aỹem ñanac qome da qami' sanema ca ichoxonnataxanaxa da huaña na 'alhuapi maye huaña da qaiuennate da ỹe'enaxat.

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

Levítico 3:7

Qaq da ỹaneuo ca qagueta llalec da lachetaqtaxanaxat da ỹanot Ñim Nataxala',

Levítico 17:8

Nataqa'en qonapega, na Israel le'ecpi qataq na chegaqauecpi maye qami' netaiguilo, da huo'o ca ỹaneuo ca lachetaqtaxanaxat maye qaỹavigaxatta, huo'otaq ca lỹa lachetaqtaxanaxat,

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»