Levítico 17:7 - La'aqtaqa Ñim Lo'onatac 'Enauacna 2013

⁷ Huaña, nache saishet da ỹe'eguelaxalec na Israel le'ecpi da ỹanot ca lachetaqtaxanaxat ca ỹaqa'a atamnaxala' maye ne'enaqtac, 'eeta'am na quetaq da lataxac, souaxat da ỹo'ottac da nquisheshaxac. Qaq 'era qome da nache 'eetai' lataxac da qoyecỹaxaqui, qataq ca qami' chegoxogueta.

Levítico 17:7 Referans Kwoze

1 Corintios 10:20

Da sheetega 'eeta': Na saishet da ỹauatton Ñim Lo'onatac 'Enauacna, namayepi da ivita da ỹauo'o na lachetaqtaxanaxat, nache ne'ena lachetaqtaxanaxat taỹot na lamaxashecpi maye saqcha'a so pa'aguenataxanaxaic, qaq saishet da nacheñi Ñim Lo'onatac 'Enauacna. Qaq aỹem saishet da saỹamaxaren da qami' qa'aitapegueua'a na lamaxashecpi so pa'aguenataxanaxaic.

Éxodo 34:15

Saishet qome da qanaỹamaxache' ye netalec yi'iye 'alhua, ten, qom qami' ỹauegalo da nataqa'en da qauo'oche de'era nquisheshaxac da natamnot na natamnaxala'pi, qataq da ỹanot aca lachetaqtaxanaqte nache nataqa'en qami' ỹanema da qollequi que'eca nachetaqtaxanaxat,

2 Crónicas 11:15

Nache so Jeroboán, ỹauo'o co'ollaxa so maiche ltaxaỹaxanaxanecpi da ilo'ogue so atamnaqa'pi da yaqto' qanatamnot som ne'enaqtacpi, qataq soua huaca llalqa maye maiche lo'onataqa somaye.

Deuteronómio 32:17

qataq da ỹanot na lachetaqtaxanaxat na saqcha'a qauemaicpi lma'na, nam atamnaxala'pi maye saq'en, qataq sa ỹauanapega co'ollaxa, nam dalaxaic atamnaxala'pi, qataq ñaq cheta'ague da yo'oq, maye so lta'alpi namayepi, saishet co'ollaxa da ỹo'oxoreetac.

Salmos 106:37

souaxat da ỹaneuo na llalecpi qataq ana llalepi, da yaqto' lachetaqtaxanaxat da ỹanot se'eso leguemaxaicpi atamnaxala'pi.

Apocalipsis 9:20

Qaq nam no'onañi shiỹaxauapi maye saishet da ilem so norec qataq so lmala'q qataq so 'eeta'am na quiquiaxaraic namayepi ñaq 'eetalec, saishet da ỹaxaañi da ỹo'ottac na qauem, qataq saishet da ỹaxaañi da ỹo'oxoreetac nam saq cha'api qauemaicpi, qataq nam lqui'ipi nam qanatameetacotpi maye saq 'en. Nachaqrata da nache queto'ot da ỹo'oxoreetac nam nqui'ipi maye saq 'en maye chegaqaigui na coma', qataq huo'o na 'epaq qataq huo'o na chegaqaigui na lcat le'enaxat oro qataq na lcat plata qataq na bronce. Ne'ena ne'enaqtacpi sanauaañi, qataq saishet da hua'aqa, qataq saishet da queuoỹapigui'.

Ezequiel 23:8

Qaq nache chegoqta'a co'ollaq hueta'a ye Egipto, nache nañaneguet da nquisheguetaxac, nache saishet da ỹaxaañi damaye. Qaq nache chegoqta'a co'ollaq ñaq qa'añole da qalota som lauañe'pi, qataq ipottac ana ltogue, nache iqataqchet so nnogotshec qataq ỹaneguet da quisheguetaxac.

Deuteronómio 31:16

Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.

Levítico 20:5

nache Aỹem maiche sataỹa'aguet camaye qataq ca llalaqpi, nache imeuo ñaqa'en, qataq lỹaueegue' 'enauac ca natameetacot ca atamnaxala' Moloc.

Éxodo 32:8

Yemayepi ỹataqta sanaỹaloxon da ca'ai da llec da ỹamaxasoxonaxac. Qataq ỹo'ot ñim le'enaqtac huaca ỹachegoxotaigui na nqachilliguishec oro, nache natameetacot, qataq ỹanot ana lachetaqtaxanaqtepi, nache 'eeta' da la'aqtac: ‹¡Israel 'iñi ñi qanatamnaxala'ai maye qami' nqateeguesopa ye Egipto!›

Éxodo 22:20

Qaq ca shiỹaxaua da ỹanot ca lachetaqtaxanaxat ca lỹa atamnaxala', qaq saishet da nacheñita Ñim Nataxala' da ỹanot, nache camaye qaỹalauat.

Efesios 2:2

Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.

2 Corintios 4:4

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

Juan 14:30

Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.

Juan 12:31

Nagui mashe ivita ye laloqo' da Ñim Lo'onatac 'Enauacna nmit na huetalec ana 'alhua, qataq da ỹamaqauec som damaxasoxonapec ana 'alhua.

Jeremías 3:1

Ñim Nataxala', 'enapec: «Ca 'oonolec ỹale da nalate' aca lhua, qaq acamaye da mashe nalate' camaye, qaq huaroneguet ca lỹa ỹale, nache ca hua'auchiguiñi lhua, saishet da ỹe'eguelaxa acamaye. ¡Cha'aye damaye ỹo'ot da lta'araic nayeloxo cam hueta'a 'alhua! Qalaxaye 'am Israel, qalota na 'ancachetague' shiỹaxauapi, ¡qaq nagui qalaq 'auauotaique da aỹem 'añe'eguelaxa! Qaq 'era da ỹa'aqtac, Aỹem Nataxala'.

Levítico 3:17

Qaq 'era qome da nache 'eetai' lataxac da qoyecỹaxaqui, qataq ca qaỹa'alquipi, qataq cam qami' chegoxogueta, na'aictaxa ca pa'aigue ca qoñiitaña ana 'alhua, qalaq saishet qome da qollequi ca lcheta qataq ca ltago'q ca shiguiỹac».

Levítico 17:8

Nataqa'en qonapega, na Israel le'ecpi qataq na chegaqauecpi maye qami' netaiguilo, da huo'o ca ỹaneuo ca lachetaqtaxanaxat maye qaỹavigaxatta, huo'otaq ca lỹa lachetaqtaxanaxat,

Salmos 106:39

Nache somayepi maiche na'aqchet ne'ena ỹo'otpi, qataq nquisheshigui nam ỹo'otpi.

Ezequiel 23:3

Qaq chegoqchiguiña co'ollaq ña qa'añolel se'esoua dos 'alo, nache nañaareguet da nquisheguetaxac, co'ollaq huaña ye Egipto nache nasheete' da qaipotta'ape naua ltete, qaq huaña nache deqat so nnogotshe'c.

Éxodo 22:19

Qaq 'enauac na shiỹaxauapi da huo'o ca hue'eguet ca shiguiỹac, nache qaỹalauat.

Éxodo 27:21

Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».