Levítico 17:4 - La'aqtaqa Ñim Lo'onatac 'Enauacna 2013

⁴ qataq souaxat da saishet da iroua'a ye ñegueuo ñi npe'l da yaqto' lachetaqtaxanaqte maye ỹanot Ñim Nataxala', nache que'eca shiỹaxaua huo'o da lasouaxashet souaxat da icoraxatec ca ltago'q ca shiguiỹac. Nache camaye qaỹo'orauec, ca'ai qanqa'en ca lauo' le'ecpi.

Levítico 17:4 Referans Kwoze

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Juan 10:9

Aỹem Nachaỹem lasom. Qaq ca Aỹem tateua'a, nache camaye nca'alec. Nache camaye 'eeta'am aca qagueta da pa'auo qataq da npa'aueeguesop aca laỹe', nache ỹanata ca aloq.

Juan 10:7

Nache So Jesús qaltaq ỹe'eguelaxalec da da'aqtaxan, 'eeta': –Ỹataqta 'eesa de'era qami' sa'axatema, 'eeta': Aỹem maye Nachaỹem lasom, maye Aỹem llegueuo ana qagueta.

Ezequiel 20:40

Qaq 'enauac qome na Israel le'ecpi da Aỹem ỹo'oxoren qom huaña añim qui'itta ñeqasoxonaxa, añim qaỹoqotcheguema qasoxonaxa ye Israel, maye netaigui ye ña'alhua. Qaq 'era da ỹa'aqtac Aỹem Nataxala'. Qaq huaña qome yemaye nache qami' saconegueta, qataq huaña yemaye da qami' shenapegalo da aỹem qaỹa'añiỹot aca qarachetaqtaxanaqchepi, qataq da aỹem qandoiua'a aca la'auaxana ala ca qa'añiguishequi, qataq 'enauac cam qauỹochiỹauga da aỹem qaỹa'añiỹot.›

Isaías 66:3

Qalaxaye nam ỹavigaxat na huaca lhuaraic da lachetaqtaxanaxat qalaq 'eeta'am ca ỹalauat ca shiỹaxaua, qataq na ỹan na qagueta llalec da lachetaqtaxanaxat qalaq 'eeta'am ca ipelecot na lqosot ca pioq, qataq cam ỹaneuo na ala na nañiguishec da lachetaqtaxanaxat qalaq 'eeta'am ca ỹaneuo na ltago'q aca cos late'e, qataq nam ỹavigaxat na lchenaxanaxat maye ama na laita da lachetaqtaxanaxat qalaq 'eeta'am nam ỹo'oxoreetac nam ne'enaqtac atamnaxala'pi. Namayepi maiche lca'aua'a da maiche llecỹaxac, qataq nqopita da ỹo'ottac dam ỹataqta seqaiga.

Génesis 17:14

Qalaxaye cam saishet da qaỹauo'o ca na'anaxat na lo'oc, nache camaye iuen da qaỹamaqauec qome, cha'aye qaica ca 'enec naqa'en da ñaỹamaxataxac.»

Romanos 5:20

Na namaxasoxonaxacpi co'ollaq huo'o, nache ỹo'ot da la'añaxac da ñe'etaxaloxo. Qaq na'aictaxa da ñe'etaxaloxo da huo'o da la'añaxac, qalaxaye da lsoxoyec Ñim Lo'onatac 'Enauacna napacalec damaye.

Romanos 5:13

Qaq co'ollaq saxanaxa da huo'o na namaxasoxonaxacpi, nache nale'ena da huo'o na nasouaxashetpi ana 'alhua, qalaxaye da qaica na namaxasoxonaxacpi, nache saishet da huo'o ca qaỹauo'o ca lasouaxashet da qoỹeetega sa ỹalaq.

Romanos 4:6

So David nataqa'en qomi' da'aqtaxanema da lamaxayec nam na'aictaxa da qaica ca ỹo'ot da huo'otaq taiguet da ỹaconeguet damaye. Ñim Lo'onatac 'Enauacna ỹapalaxat na lasouaxashet namayepi souaxat da huo'o da lpi'iỹaxac Ñimaye. 'Era da la'aqtac so David maye nanettalec ana nere maye huetalec na la'aqtacpi Ñim Lo'onatac 'Enauacna, 'eeta':

Salmos 32:2

Ỹataqta machiguiñi ca shiỹaxaua maye saishet da qauem ca 'eetapeguec, qataq Ñim Nataxala' saishet da huo'o ca ỹasaxalec lasouaxashet.

Levítico 20:18

Qaq da huo'o ca ỹale da hue'eguet aca 'alo da huo'o da na'axac, nache caamaye qaỹo'oldaue'c, ca'ai qanqa'en na lauo' le'ecpi.

Levítico 20:16

Qaq da huo'o aca 'alo da hue'eguet ca shiguiỹac, nache caamaye qaỹalaua't. Nache maiche lasouaxashe't da l-leuqa't.

Levítico 20:3

Nache Aỹem ỹataqta sataỹa'aguet qome que'eca shiỹaxaua, qataq so'orauec, ca'ai ñaqa'en ca lauo' le'ecpi, cha'aye ishepaxanaqchet ye atamnaqa' maye ỹanataqa', qataq ỹe'enai' da ỹataqta qui'itta ỹe'enaxat, souaxat da ỹanot ca llalec ca atamnaxala' Moloc.

Levítico 18:29

Qaq da qoñiita da huo'o ca ỹo'ot ne'ena qauemsat, nache camaye qaỹo'orauec, ca'ai qanqa'en ca lauo' le'ecpi.

Levítico 17:14

cha'aye na ntago'q, namaye chegaqaigui da lca'alaxa 'enauac na nca'altauec. Qaq ỹoqo'oye qami' shenapegalo da saishet da qollequi na ntago'q, cha'aye namaye chegaqaigui da nca'alaxa. Nache ca shiỹaxaua da chec, nache qaỹo'orauec, ca'ai qanqa'en ca lauo' le'ecpi.

Levítico 17:10

Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Levítico 7:18

Qaq da huo'otaq huo'o ca chec que'eca lapat maye ivirauga ca na'a'q tres, nache Ñim Nataxala' saishet da ỹaconeguet qataq qaica ca naigui naqa'en aca'aca nachetaqtaxanaqte, cha'aye mashe qauem. Qaq que'eca shiỹaxaua maye chec que'eca lapat, camaye nque'etaxangui qome ca lasouaxashet.

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

Éxodo 12:19

Qaq saishet qome da huo'o ca ỹaỹamaxattac aca lalecnaxanaqte que'ecaua siete na'axa'te. Cha'aye da huo'otaq huo'o ca chec aca nauole 'ayiiña maye huo'o ana lalegue, nache camaye qaỹo'orauec da yaqto' saishet da ỹalegoigui na Israel le'ecpi, na'aictaxa camaye da huo'otaq nachena na Israel le'ecpi, huo'otaq ca choche chegaqauec.

Éxodo 12:15

Qaq siete na'axa'te qome da qollequiitac ana nauole 'ayiiña maye sa qaỹauo'o anam lalegue maye ỹasheeraxachigui. Qaq ỹoqo'oye que'eca la'auaxanec na'a'q nache saishet da huo'otaq 'auaỹamaxattac nam lalegue maye ỹasheeraxachigui na ndaqñiguishec 'ayiiña que'eca 'arma'. Cha'aye da huo'o ca 'oonolec da qoñiita da huo'otaq chec aca nauole 'ayiiña maye qaỹauo'o aca lalegue maye ỹasheeraxachigui que'ecaua siete na'axa'te, nache camaye qaỹo'orauec da yaqto' saishet da ỹalegoigui na Israel le'ecpi.

Levítico 17:3

Da huo'o ca 'oonolec na Israel le'ecpi da ỹalauat ca huaca, qagueta huo'otaq quetaq, da huaña ca qanayeetaña, huo'otaq ca pa'aỹauec ca nanataqa',

Levítico 17:5

Ỹoqo'oye na Israel le'ecpi da huo'o ca ỹalauat ca shiguiỹac da huauga ca no'onaxa, nache iroua'a ca ntaxaỹaxanaxanec da huaña ye ñegueuo ñi npe'l, nache ỹaneuo da ỹanot Ñim Nataxala' da nachetaqtaxanaqte maye qanhuaachigui.

Levítico 17:9

qalaxaye da saishet da iroua'a ye ñegueuo ñi npe'l da yaqto' ỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Éxodo 30:38

Qaq da huo'o ca 'oonolec da ỹo'ot ca nchenaxanaxat da 'eeta'am naqa'en camaye da yaqto' maiche lalamaxat da nchenaxat, nache camaye qaỹo'orauec, ca'ai qanqa'en na lauo' le'ecpi.»

Levítico 3:2

Nache que'eca ỹaneuo aca lachetaqtaxanaqte, camaye nacheca ca ỹashel-lec na lqaic que'eca shiguiỹac, ime nache ipelecot na lqosot huaña naqa'en ye ñegueuo ñi npe'l maye huaña naxa da qanauane' Ñim Nataxala'. Qaq ñeua llalqa so Aarón maye ntaxaỹaxanaxanaqa, icoroto naua laỹel añi nca'atoxonaxalate ca ltago'q que'eca shiguiỹac.

Deuteronómio 21:8

Qaq 'Am Nataxala', 'auchoxoren qome na Israel le'ecpi maye 'aralamaxatpi, cha'aye mashe sogote co'ollaxa da 'ausouec, qataq saishet da lasouaxashet 'anqa'en da huecolde'c naua ltago'q ne'ena shiỹaxaua maye qaica ca ỹasouaxat. Qaq 'era qome da 'eetec da yaqto' saishet da qami' qanmaxaleguete da l-leuaxa que'eca shiỹaxaua,