Levítico 17:15 - La'aqtaqa Ñim Lo'onatac 'Enauacna 2013

¹⁵ Nache ca Israel le'ec huo'otaq ca chegaqauec, da chec ca lapat ca shiguiỹac leuaxaic, huo'otaq ca lalaatac ca shiguiỹac maye dequi'iỹapec, camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe. Qaq da ime, nache qui'itta.

Levítico 17:15 Referans Kwoze

Deuteronómio 14:21

Qalaxaye saishet qome da qollequi ca shiguiỹac leuaxaic, nacherata da qaỹa'añim da chec ca chegaqauec maye qami' netaiguilo, huo'otaq qaumiñiỹot ca lỹa chegaqauec maye chochaq queuoxoic, cha'aye Ñim Nataxala' maye Qanatamnaxala'ai, qami' iỹotaugalo da ỹataqta qami' lalamaqa'ate, ỹoqo'oye saishet da qauallicñiiguet na lche' aca late'e, ca quetaq llalec da qaỹa'añiiuaq.

Levítico 22:8

Qataq saishet qome da chec ca lapat ca shiguiỹac leuaxaic, huo'otaq ca lalaatac ca shiguiỹac maye dequi'iỹapec, ten qom saishet da qui'itta naqa'en da lataxac. Qaq 'era da ỹa'aqtac, Aỹem Nataxala'.

Éxodo 22:31

Qataq qami' maye qaiỹotaugalo da ỹataqta qami' ỹalamaqa'ate. Saishet qome da qollequi na lapat ca ltoc ca shiguiỹac maye dequi'iỹapec, nacherata da qauasaqaiỹot ca pioxoppi.»

Levítico 11:25

Qaq da huo'o ca ỹacoosop ca 'oonolec na shiguiỹacpi da mashe leuaxaic, nache saishet da qui'itta iviraigui ca pe. Ỹoqo'oye camaye iuen da iỹoi' caua alogo.

Apocalipsis 7:14

Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.

Ezequiel 44:31

Na ntaxaỹaxanaxanecpi qalaq saishet qome da chec ca camachaqca maỹo, huo'otaq ca shiguiỹac maye maiche ileu, huo'otaq ca icolaxattac co'ollaxa ca shiguiỹac maye dequi'iỹapec.

Ezequiel 4:14

Qaq huaña nache, sheeta': «'Agai, 'Am Nataxala' maye Ñatamnaxala', aỹem ỹataqta saỹauano' da sacootapigui ca nshepaxan, qataq saỹauano' da sachec ca lapat ca shiguiỹac leuaxaic, huo'otaq ca icolaxattac ca shiguiỹac maye dequi'iỹapec, qataq saỹauano' da she'eguen da sachec ca lapat nshepaxan.»

Levítico 15:5

Ỹoqo'oye camachaqca shiỹaxaua da ipoteua'a ca lmala' que'eca sa no'oita, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Números 19:21

Qaq 'era da qalapaxañi lataxac maye nache 'eetai' qome da qaỹo'ottac. Qaq que'eca shiỹaxaua maye qui'itta da lataxac maye dechegoxosoxona ca 'etaxat maye ishet da iỹouec ca nasouaxashet, camaye iuen qome da iỹoi' caua alogo. Qaq ca lỹa shiỹaxaua da ỹashelgui ca 'etaxat qui'itta maye iqui'itaxat da nataxac, camaye saishet da qui'itta'a ivitta'a da pe.

Números 19:19

Qataq que'eca shiỹaxaua maye qui'itta da lataxac, camaye ichegoxolec nataqa'en ca shiỹaxaua maye saishet da qui'itta da lataxac, ca na'a'q tres qataq ca na'a'q siete. Qaq ca na'a'q siete nache mashe qui'itta naqa'en que'eca shiỹaxaua, qalaxaye que'eca shiỹaxaua maye saishet da qui'itta da lataxac iuen da iỹoi' caua alogo qataq nachel, qalaxaye saxanaxa da qui'itta ivitta'a da pe.

Números 19:8

Qaq nataqa'en que'eca ỹavigaxat aca huaca, iỹoi' qome caua alogo qataq nachel, qalaxaye camaye saxanaxa da qui'itta ivitta'a da pe.

Levítico 15:21

Qataq camachaqca shiỹaxaua da ipoteua'a ca lmala' acamaye, nache iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 15:10

Qataq da huo'o ca ipoteua'a ca nogoxoshetpi maye nso'oolec que'eca ỹale, nache saishet da qui'itta ivitta'a da pe. Qataq ca shiỹaxaua da huo'otaq ỹache ca camachaqca que'eca nogoxoshetpi, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 7:24

Qataq ca lcheta ca shiguiỹac leuaxaic, huo'otaq ca lcheta ca shiguiỹac lalaatac ca lỹa shiguiỹac maye dequi'iỹapec, camaye nacherata da ishet da qaiuen da qaỹo'onataxana huo'otaq da huo'o ca macheca lỹa naigui qanqa'en, qalaxaye saishet qome da qollequi.

Levítico 11:40

Qaq ca chec na lapat que'eca shiguiỹac maye maiche ileu, camaye iuen da iỹoi' caua alogo, qalaxaye saishet da qui'itta iviraigui ca pe, qataq ca ỹacoosop camaye, iuen da iỹoi' caua alogo qalaxaye saishet da qui'itta iviraigui ca pe.

Éxodo 22:30

nache 'ena'am ca la'auaxanec llalec aca 'arelo huaca, qataq qagueta, qalaxaye 'aua'axaỹa'a da siete na'axa'te da neto'ot aca late'e, qaq ca na'a'q ocho nache Aỹem 'aỹa'anem.

Levítico 11:24

Qaq 'ena na saishet qome da qami' qui'itte' naqa'en: Ca shiỹaxaua da ỹasheleua'a ca shiguiỹac leuaxaic, nache camaye iviraigui ca pe da saishet da qui'itta.

Levítico 11:27

Nache 'enauac na shiguiỹacpi maye cuatro naua lapia'ate, qalaxaye dapiaxanalo naua lapia' lavi'illi, namayepi nataqa'en saishet da qui'itta. Qaq ca shiỹaxaua da ỹasheleua'a ca mashe leuaxaic ne'ena shiguiỹacpi, nache nataqa'en saishet da qui'itta iviraigui ca pe.

Levítico 11:28

Qaq ca ỹacoosop ca 'oonolec ne'ena shiguiỹacpi da mashe leuaxaic, nache nataqa'en saishet da qui'itta iviraigui ca pe. Qaq ỹoqo'oye camaye iuen da iỹoi' caua alogo.

Levítico 11:31

Qaq 'ena na shiguiỹacpiolec maye saishet da qui'itta. Qaq ca shiỹaxaua da ỹasheleua'a ca mashe leuaxaic ne'ena shiguiỹacpiolec, nache camaye saishet da qui'itta iviraigui ca pe.

Levítico 11:32

Qaq ca mashe leuaxaic ne'ena shiguiỹacpiolec maye saishet da qui'itta, da talec ca nogoxoshet 'epaq, nogoxot, nogoxoshet maye chegaqaigui na lo'oc na shiguiỹac, huo'otaq ca machaqca na no'onataxanaxatpi, nache camaye saishet da qui'itta iviraigui ca pe, qaq ỹoqo'oye camaye iuen da qaisheraxangui ca 'etaxat, qaq da ime nache qaltaq qui'itta.

Levítico 11:39

Qalaxaye da huo'otaq huo'o ca maiche ileu nam shiguiỹacpi maye ishet da qanallec, nache ca ipoteua'a camaye, nache saishet da qui'itta iviraigui ca pe.