Levítico 17:11 - La'aqtaqa Ñim Lo'onatac 'Enauacna 2013

¹¹ Cha'aye 'enauac na huo'o da lca'alaxa, namaye chegoqchigui na ltago'q da nca'altauec. Ỹoqo'oye qami' sanema da huaña añi nca'atoxonaxalate da Aỹem qaỹa'añiỹot ca ltago'q na shiguiỹacpi, qataq nache chegoqchigui camaye da sapalaxat ca qarasouaxashichi.

Levítico 17:11 Referans Kwoze

Hebreos 9:22

Qaq na namaxasoxonaxacpi ỹa'axat da naua ntago'q hua'c da ishet da ỹapalaxat na nasouaxashetpi maye chegaqaigui nam ỹotta'a't qaỹo'otpi. Qataq iuen da sanaqoto Ñim Lo'onatac 'Enauacna caua ntago'q da yaqto' ỹapalaxat na qarasouaxashetpi.

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

Romanos 3:25

Ñim Lo'onatac 'Enauacna namaxa ana 'alhua So Jesucristo da yaqto' qomi' ileualeguete. Da sepi'iỹaqa'a da So Jesús qomi' ileualeguete, nache Ñim Lo'onatac 'Enauacna ỹapalaxat na qarasouaxashetpi. 'Era da 'eetec da ỹachaxan Ñim Lo'onatac 'Enauacna da ỹataqta 'eesa. Qana'achec souaxat da lhualaxavic Ñimaye. Cha'aye nagui ỹapalaxat 'enauac nam qauem maye so'otaqtac co'ollaxa. Ñimaye ỹataqta no'on da lataxac qataq ỹaconeguet nam huo'o da lpi'iỹaxac So Jesús.

Marcos 14:24

Nache 'enapegalo', 'eeta': «Ne'enaua nachenaua na itago'q. Naamaye nachenaua naua chegoqchiguilo da Ñim Lo'onatac 'Enauacna ỹo'ot da naỹamaxataxac da qami' naỹamaxatto 'enauac da qoñiita. Ne'enaua itago'q naigui da qalota na qanca'alaxatec.

Génesis 9:4

Qalaxaye saqata da saishet qome da qolliqui, ca lapat maye ñaq huetagui na ltago'q, cha'aye naua ntago'q nachenaua naua huetaiguilo da achaalataxac.

Colosenses 1:14

ỹachegoxotchigui da l-leuaxa Somaye da qomi' nca'alaxatre'c, qataq da ỹapalaxat 'enauac na qarasouaxashetpi.

Mateo 26:28

Cha'aye nachenaua naua maiche itago'q qataq chegoqchiguilo naamaye da Ñim Lo'onatac 'Enauacna naỹamaxate' 'enauac da qoñiita. Ne'enaua itago'q chegoqchiguilo da qaỹapalaxat na qalota lasouaxashet na shiỹaxauapi.

Hebreos 13:12

Qaq nache 'eetec nataqa'en So Jesús co'ollaq qaỹalauat qalaq huaña ye pa'auec ye nỹecpi ye Jerusalén, da yaqto' chegoqchiguilo naua ltago'q da Ñim Lo'onatac 'Enauacna ỹapalaxat na lasouaxashetpi na shiỹaxauapi maye lalamaxatpi.

Efesios 1:7

Chegoqchigui da l-leuaxa So Cristo co'ollaq qaiuaxaneguet so npe'enaxaqui, da Ñim Lo'onatac 'Enauacna ỹapalaxat 'enauac nam qarasouaxashetpi qataq qomi' isoueeguesopa namayepi. Qaq de'era ỹo'ot souaxat da chochaq huañi lsoxoyec Ñimaye. Ỹachegoxotchigui dam lta'araic laỹaanec qataq lauattonaxanaxac,

Levítico 17:14

cha'aye na ntago'q, namaye chegaqaigui da lca'alaxa 'enauac na nca'altauec. Qaq ỹoqo'oye qami' shenapegalo da saishet da qollequi na ntago'q, cha'aye namaye chegaqaigui da nca'alaxa. Nache ca shiỹaxaua da chec, nache qaỹo'orauec, ca'ai qanqa'en ca lauo' le'ecpi.

Colosenses 1:20

Qataq nataqa'en ỹachegoxotchigui So Cristo da 'enauac nam huetalec ana 'alhua huo'o da l-lagaxayec. Qaq ỹo'ot de'era nlagaxayec, ỹachegoxotchigui naqa'en da l-leuaxa Somaye co'ollaq qaiuaxaneguet so npe'enaxaqui.

Romanos 5:9

Qaq nagui da mashe ỹapalaxat na qarasouaxashetpi Ñim Lo'onatac 'Enauacna da chegoqchigui da l-leuaxa So Cristo, nache ỹoqta 'itchiguiñi qone' da huo'o da qana'achecỹaxac So Cristo, cha'aye Somaye qomi' nca'alaxateeguesopa cam nhuaxanaguec na shiỹaxauapi maye ñaq naỹa'acna.

Levítico 8:15

Qaq so Moisés, nache ipelecot na lqosot se'eso huaca. Ime, nache ỹacona so laỹe' so ltago'q, nache ỹa'ayingui ana llaxaata, da yaqto' ỹa'ame'n naua lsheeneqa soua lcoue aso nca'atoxonaxalate, qaq so no'onañi ntago'q, nache icorot na pa'aguiñi asomaye. Qaq 'era da 'eetec da qui'itta naqa'en aso nca'atoxonaxalate, qataq nache huaña da qaỹapalaxat ca nasouaxashet.

1 Juan 2:2

Ñim Lo'onatac 'Enauacna ỹapalaxat na qarasouaxashetpi qataq 'enauac na lasouaxashetpi na shiỹaxauapi maye huetalec ana 'alhua, cha'aye So Cristo maiche chegoqtot da nañan da yaqto' qomi' ileualeguete.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Levítico 16:11

Nache ñi Aarón ỹa'auaxaañi da ỹaneuo ca huaca maye maiche lachetaqtaxanaxat sa imauaq da qaỹavigaxat yaqto' qaỹapalaxat na lasouaxashetpi, qataq na lasouaxashetpi na llalaqpi.

Levítico 1:5

Ime, nache ỹalauat, ipelecot na lqosot que'eca huaca llalec, huaña naqa'en ye lanataqa' Ñim Nataxala', qaq ñeua llalqa so Aarón maye ntaxaỹaxanaxanaqa da qaitaxaỹapegue' Ñimaye, nache ỹacoora ca ltago'q que'eca shiguiỹac nache icoroto naua laỹel añi nca'atoxonaxalate maye netaña ye ñegueuo ñi npe'l.

Levítico 17:12

Ỹoqo'oye qami' shenapegalo qataq na chegaqauecpi maye qami' netaiguilo, da qaica qome ca chec na lapat da ñaq huo'oi naua ltago'q.

Levítico 4:25

Ime, nache ca ntaxaỹaxanaxanec ỹa'ayingui ana llaxaata ca ltago'q ca quetaq maye nachetaqtaxanaxat maye sa imauaq da qaỹavigaxat, nache ỹa'ame'n naua lsheeneqa ñeua lcoue añi nca'atoxonaxalate da huo'o na qaỹavigaxat. Qaq que'eca no'onañi ntago'q, nache icorot na pa'aguiñi añi nca'atoxonaxalate.

Levítico 4:26

Nache ỹavigaxat 'enauac ca lcheta ca quetaq ỹachalec añi nca'atoxonaxalate, ỹe'enaxatchigui da ỹo'ot aca nachetaqtaxanaqte maye qanhuaachigui. Qaq da nache 'eetec de'era ca ntaxaỹaxanaxanec, nache qaỹapalaxat da npe'enaxac que'eca nataxala'.

Deuteronómio 12:23

Qalaxaye saishet da qollequi ca ltago'q, cha'aye na ntago'q chegaqaigui da nca'alaxa, qaq ỹoqo'oye saishet qome da qollequiỹa'ai' da lca'alaxa ca lapat.