Levítico 17:10 - La'aqtaqa Ñim Lo'onatac 'Enauacna 2013

¹⁰ Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Levítico 17:10 Referans Kwoze

Levítico 17:11

Cha'aye 'enauac na huo'o da lca'alaxa, namaye chegoqchigui na ltago'q da nca'altauec. Ỹoqo'oye qami' sanema da huaña añi nca'atoxonaxalate da Aỹem qaỹa'añiỹot ca ltago'q na shiguiỹacpi, qataq nache chegoqchigui camaye da sapalaxat ca qarasouaxashichi.

Deuteronómio 12:23

Qalaxaye saishet da qollequi ca ltago'q, cha'aye na ntago'q chegaqaigui da nca'alaxa, qaq ỹoqo'oye saishet qome da qollequiỹa'ai' da lca'alaxa ca lapat.

Deuteronómio 12:16

Qalaxaye saishet da qollequi ca ltago'q, nacherata da qaucoyeelec na 'alhua 'eeta'am qanqa'eñi na 'etaxat.

Levítico 3:17

Qaq 'era qome da nache 'eetai' lataxac da qoyecỹaxaqui, qataq ca qaỹa'alquipi, qataq cam qami' chegoxogueta, na'aictaxa ca pa'aigue ca qoñiitaña ana 'alhua, qalaq saishet qome da qollequi ca lcheta qataq ca ltago'q ca shiguiỹac».

Jeremías 44:11

Qaq ỹoqo'oye, Aỹem Nataxala' maye Qaica ca Seqalanapec, maye Natamnaxala' na Israel le'ecpi, shenapec: Mashe iuennataxac da ñanacot ca qauem da qami' taleguete ñaqa'en, qataq selaxachigui 'enauac ye Judá.

1 Samuel 14:33

Qalaxaye huo'oi co'ollaxa soua da'aqtaxaarem so Saúl, 'eeta': Na shiỹaxauapi huo'o da lasouaxashet hueto'ot Ñim Nataxala', cha'aye chec so lapat maye ñaq huo'o na ltago'q. Nache so Saúl, 'enapeco': ¡Hua', cha'aye 'enauac da saqaualaqai! Qaq nagui aỹem qanamaqaiua'a ca ỹataqta lta'araic coma' nqalagoqtauo qanqa'eñi.

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Génesis 9:4

Qalaxaye saqata da saishet qome da qolliqui, ca lapat maye ñaq huetagui na ltago'q, cha'aye naua ntago'q nachenaua naua huetaiguilo da achaalataxac.

Ezequiel 44:7

Qami' qanshepaxanaqcheche añi ỹalamaqte atamnaxaqui, cha'aye qaua'aqaita'a da pa'aigui na chegaqauecpi, nam shiỹaxauapi maye saishet da ỹachetac da la'anaxat da ñaỹamaxataxac, saq huetaigui da ntoonaxac qataq da lo'ocỹaxac, namayepi nshepaxanaqchet cha'aye Aỹem ỹanot na lcheta, qataq na ltago'q na lachetaqtaxanaxatpi, nache saiyacnapec da ñaỹamaxataxac souaxat nam ỹo'otpi maye ỹataqta seqaiga.›

Ezequiel 15:7

Aỹem sataỹa'aguet qome namayepi. Namayepi dataueeguesop qome ca norec qalaxaye ca lỹa norec loxonec qome namayepi. Qaq qom sataỹa'aguet namayepi, nache ỹaỹaten da nachaỹem maye Aỹem Nataxala'.

Ezequiel 14:8

Aỹem sataỹa'aguet que'eca ỹale nache sauo'o ca nhuaxanaguec maye naloqnaxanaxat qome, cam ishet da nache 'eetai' da qana'aqtaxaatapigui qataq ñeqateeguesop camaye na ỹalamaxat nhuo' le'ecpi. Qaq huaña nache qami' qauaỹachiñi da nachaỹem maye Aỹem Nataxala'.

Salmos 34:16

Ñim Nataxala' dataỹa'aguet na ỹo'ottac na qauemsat, da yaqto' ỹapalaxat da le'enaxat namayepi da huetalec ana 'alhua.

Deuteronómio 15:23

Qalaxaye ca ltago'q saishet da qollec, nacherata da 'aucorelec na 'alhua 'eeta'am da 'aucorec ca 'etaxat.

Levítico 19:26

Saishet da qollequi ca ñaq huo'o na huetaigui ltago'q. Saishet da qaua'axachiỹaua'a ca saqcha'a nhuennataxac. Qataq saishet da qaunacheetac ca nqui'i, da yaqto' qaua'axachiỹa'aguet ca saqcha'a lataxac.

Ezequiel 33:25

Qaq ỹoqo'oye qonapega qome namayepi, qoneta': Da la'aqtac Ñim Nataxala', 'eeta': Qami' qollequiitac na lapat maye ñaqauo'o na ltago'q, qataq qavio'oxoyiñiitac na nqolacpi, qataq qaualaataxañi, qalaq ¿qaupicheetega peta'a da ishet da qaralamaxache ne'ena 'alhua?

Jeremías 21:10

Cha'aye Aỹem maiche iuennataxa da talec ñaqa'en ca qauem ne'ena huaqta'a't nỹecpi qaq saishet da talec ca 'onaxaic. Aỹem saneguet qome da lhuaqỹaxac ñi nta'a ye Babilonia, qaq ñimaye ỹavigaxat qome. Qaq 'era da ỹa'aqtac, Aỹem Nataxala'.

Hechos 15:20

Nachaqrata da qomi' sauoqo'o aca qorere da taỹa'a namayepi da shenaqapega da ỹaxaañi da chec na nallec maye mashe qoỹanot na ne'enaqtacpi maye qanatameetacotpi, qataq saishet da huo'o ca ncachetague' aca saishet da lhua, qataq saishet da chec na lapat ca choche ichegueuo na lqosot, huo'otaq ca 'ogaxaic maye sa qaicolde'c naua ltago'q qataq saishet da chec na ntago'q.

Hebreos 10:29

Qaq da ỹataqta qauennataxañiilec de'era, nache ¡ỹactec qone' da lchec ca nhuaxanaguec maye ỹaconeguet cam ỹo'otan som Llalec Ñim Lo'onatac 'Enauacna qataq da 'eetega qaica ca naigui da l-leuaxa Somaye! Qaq da nache 'eetec de'era, nache isheueetac som Saqcha'a La'añaxac Ñim Lo'onatac 'Enauacna maye lauotaxat camaye. Nataqa'en da ỹo'otan da l-leuaxa So Cristo qamaq nachera dam chegoqchigui da ipacchigui da naỹamaxataxac Ñim Lo'onatac 'Enauacna qataq chegoqchigui da qaỹapalaxat na lasouaxashetpi.

Hechos 15:29

Saishet qome da qolliqui na lapat cam mashe qoỹanot na ne'enaqtacpi maye qanatameetacotpi, qataq saishet da qolliqui na ntago'q, nache 'eeta'am na lapat na shiguiỹac maye choche ichegueuo na lqosot, qataq saishet da huo'o ca ncachetague' aca sa lhua. Qaq qom qaupaquiitelec da qauo'oche' ne'enaua, nache ỹo'ot da ỹataqta qauamaichiguiñi. Qauacoñiiguet qome da qarquinaxanaxac.»

1 Samuel 14:32

Huaña nache se'eso alleppi ỹacona 'enauac so lalamaxatpi so mpa'aguenaxauapi, nache ỹaconeua'a aso qaguetapi, huacapi, qataq so huaca llalaqpi, nache hueta'aguet naqa'en na 'alhua da ipelecot na lqosot, nache checa'ai' na ltago'q so lapat.

2 Samuel 23:17

nache 'eeta': «¡Ñim Nataxala', aỹem ntelaqna'aguet qome da ñeỹomgui ne'ena 'etaxat! ¡Ten qom 'eco' ñeỹomgui na ltago'q ne'enaua ỹale't maye saire'n da nachaalataxac, souaxat da ỹe'eguenaua'alo ne'ena 'etaxat!» Nache somaye saishet da nỹomgui. Qaq 'era da ỹo'o't co'ollaxa se'esoua tres 'añaxaiqa.

Amós 9:4

Qaq da huo'otaq ca npa'aguenaxauapi da loxonecpi namayepi, nache da ỹauega ca ỹaqa'a 'alhua nache ilem ñaqa'en ca ỹeelonec. Qaq aỹem selota'a qome namayepi qalaxaye saishet da so'otec ca no'on, nacherata da talec ñaqa'en qome ca qauem.»

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»