Levítico 16:8 - La'aqtaqa Ñim Lo'onatac 'Enauacna 2013

⁸ Ime, nache ỹo'ot ca alletaxac ỹauota'a soua coma'yolqa da yaqto' ỹaỹaten ca taỹot Ñim Nataxala', qataq ca taỹot so Azazel, som le'ec ye toolec 'alhua maye 'eeta'am na quetaq.

Levítico 16:8 Referans Kwoze

Jonás 1:7

Nache so lo'opi aso notaxaqui detaqtega't, 'eeta': «Qomi' no'on da ñalletaxa't, yaqto' saỹatenaq chaq negue't ca ỹoqta lasouaxashet de'era souaqaigui.» Nache somayepi ỹo'ot so nalletaxac, nache taalec so Jonás da lasouaxashet damaye.

Proverbios 16:33

Ca ỹale maiche ỹo'ot ca nalletaxac da yaqto' huo'o ca na'achecỹaxac, qalaxaye Ñim Nataxala' nacheñi ñi ỹan ca pa'atec la'aqtac.

Ezequiel 48:29

Qaq 'ena nam 'alhua maye taỹot qome da lalamaxat nam chegoxoguetpi so Israel, qataq 'era da lataxac da qaumiñiiuec qome namaye. Qaq 'era da ỹamaxasoxonaxac Aỹem Nataxala'.

Números 33:54

Qalaxaye da qoỹanec ye 'alhua qalaq qaỹo'ot ca alletaxac da qoỹanoigui na maiche nalamaxat nhuo' le'ecpi, nache na ỹataqta qalota nhuo' le'ecpi lta'araic qanqa'en ca na'alhua, qaq na saq 'amaqtaq nache qapio'olec ca qoỹanem 'alhua. Nache ñi 'oonolec na maiche nhuo' le'ecpi ỹaconeguet ca 'alhua maye taalec da lalamaxat.

Números 26:55

Qaq da 'aỹa'anec na 'alhua, nache 'auo'ot ca alletaxac. Qataq 'aulo'oguet ye lcata na ñiyiguishecpi, ỹataqtac na maiche nalamaxat nhuo' le'ecpi.

Levítico 16:7

Ime, nache ỹaconalo caua dos quetaq, nache ỹanoto Ñim Nataxala', huaña ye ñegueuo ñi npe'l.

Levítico 16:9

Nache ca quetaq maye taalec da taỹot Ñim Nataxala', nacheca ca ỹaneuo ñi Aarón da nachetaqtaxanaxat maye sa imauaq da qaỹavigaxat.

Levítico 16:10

Qaq ca lỹa quetaq maye taalec da taỹot so Azazel, som le'ec ye toolec 'alhua maye 'eeta'am na quetaq, nache nca'altauec naqa'en da ỹanot Ñim Nataxala', da yaqto' camaye ỹache na lasouaxashetpi na Israel le'ecpi da irouga se'eso Azazel.

Levítico 16:26

Qaq ca shiỹaxaua maye ỹo'orauga ye toolec 'alhua ca quetaq, camaye iuen da iỹoi' caua alogo qataq nachel. Ime, nache ishet da inoxoneua'a ca nanataqa' maye qanayeuta'a.