Levítico 16:29 - La'aqtaqa Ñim Lo'onatac 'Enauacna 2013

²⁹ Qaq 'era da nache 'eetai' qome lataxac da qoyecỹaxaqui: Da ivita ca na'a'q diez caua siete ca'agoxoiqa, nache qanqouaqchichi qataq qaica ca do'onataxan 'enauac na Israel le'ecpi qataq na chegaqauecpi maye qami' netaiguilo.

Levítico 16:29 Referans Kwoze

Isaías 58:3

qalaxaye namayepi, 'eeta': ¿Ta'ainco' da ñeqouaqchetaq, ye Ñim Lo'onatac 'Enauacna, qomi' sa ỹauanguilo? ¿Ta'ainco' da sauoqo'o da qanque'eenaxac ye Ñimaye sa qomi' nomalo? Qaq ye na'a'q maye huaigui naxa da qanqouaqchichi, qalaq nache huaigui qanqa'eñi da qanmiñeetac, qataq da qauchoxoyiñi nam qami' do'onataxaatacoto,

Números 29:7

Qaq ca na'a'q diez que'eca ca'agoxoic siete, nataqa'en qauo'oche qome ca ỹo'oxoraq qaraponaxaqui. Qaq que'eca na'a'q qanqouaqchichi qome, qataq qaica ca qauo'oche no'onatac.

Daniel 10:12

Qaq huaña nache somaye aỹem 'enapega, 'eeta': «'Am Daniel saishet da 'añi'i, cha'aye chegoqchiguiña so hua'auchiguiñi na'a'q co'ollaq 'auennataxaalec da yaqto' 'auaỹaten som lataxac maye ỹataqta huo'o da lqalaic, nache 'auacona da qaica ca 'ara'amaqchec da 'auataỹot Ñim 'Anatamnaxala', nache Ñimaye hua'axaỹa co'ollaxa so 'anatamnaxac. Qaq ỹoqo'oye aỹem ñanac.

Isaías 58:5

¿Qalqo' qaupichiitega da saỹamaxareeta da qouaqchetaxac maye qaỹo'ot naxa da naquicoxo, qataq da naqtañi ca shiỹaxaua 'eeta'am aca na'aate, qataq da qoỹaatrañi naua nogo maye sansattegueta da qannaatangui na alo? ¿Qaq nachera peta'a dam qauamachiỹa'ac qouaqchetaxac, qataq na'a'q maye ỹaỹamaxareeta Ñim Nataxala'?

Salmos 35:13

Qaq naxa da sano'on namayepi qalaq lta'araic da iuogoxo souaxat namayepi, nache saayiñi naua anogo sansatte' qataq ñeqouaqchet qataq nache shecto'ot da ñatameetapeguelec namayepi.

Levítico 23:36

Qaq que'ecaua na'axa'te, nache qauavigaxache aca qarachetaqtaxanaqche da qavio'oxoyiñi Ñim Nataxala'. Qaq da ivita ca na'a'q ocho, nache nataqa'en qauo'oche ca naponaxac, qataq qaỹa'añeeuo aca qarachetaqtaxanaqche da qaỹa'añiỹot Ñim Nataxala'. Qaq que'eca na'a'q, nache naponaxac lta'araic, qataq qaica ca qauo'oche na no'onatacpi.

Levítico 23:21

Qataq nacheca que'eca na'a'q da huetoigui nataqa'en da qauo'oche ca naponaxac da yaqto' Aỹem qavio'oxoyiñi, qataq saishet da qauo'oche ca camachaqca nam qapa'atta no'onatacpi. Qaq 'era qome da nache 'eetai' lataxac da qoyecỹaxaqui, qataq cam qami' chegoxogueta, na'aictaxa ca pa'aigue ca qoñiitaña ana 'alhua.

Éxodo 20:10

qalaxaye que'eca na'a'q siete maye mataxaqui, camaye qauỹochiỹauga da ỹataqta ỹalamaxat. Saishet da huo'o ca qauacoñiigui no'onatac que'eca na'a'q, nataqa'en ca qaỹa'alquipi qataq aca qaỹa'alliipi, nataqa'en ca qarlataquipi qataq aca qarlataipi, ivira'a ca 'atetpi qataq ca shiỹaxaua chegaqauec maye qami' netaiguilo.

Hebreos 4:10

Nache que'eca na'a'q nam lalamaxatpi Ñim Lo'onatac 'Enauacna cheta'ague qome da nmateeguesop na lo'onatac, 'eeta'am Ñim Lo'onatac 'Enauacna co'ollaq nmateeguesop na lo'onatacpi.

1 Corintios 11:31

Cha'aye da qomi' ñaỹatenaqtela't, nache Ñim Nataxala' sa iuen da qomi' iuaxa'n.

Daniel 10:3

Nache saishet da sachec ca no'on nallec, qataq saishet da she'eguen ca lapat, qataq ca lataxa, qataq saishet da huo'o ca ñecoyigui coraxat, choche ivitta'a da inoxoore'c se'esoua tres semanas.

Isaías 58:13

Huo'o naq 'enec 'anqa'en ye na'a'q mataxaqui, saishet da 'aume'eguet da 'anmenaxac da huaigui ye ỹalamaxat na'a'q maye qui'itta. Yi'iye na'a'q ỹataqta laloxoqui 'anqa'en da namaicỹaxac, qataq nacheye yem qui'itta na'a'q maye lalamaxat Ñim Nataxala' qataq taiguet da ño'oxonnataxanaxac, ỹataqta huo'o naq naigui 'anqa'en, nache saishet da 'auo'ottac nam 'aro'onatacpi qataq da 'anmittaique nam 'aralamaxatpi qataq da 'auo'ottac da 'anmenaxac.

Salmos 69:10

Da ivita da ñeỹeetac qataq da ñeqouaqchet, nache namayepi aỹem isheueetac.

Esdras 3:1

Qaq co'ollaq ivireuga so ca'agoxoic siete, nache so Israel le'ecpi mashe sogote da netaiguilo soua lma'ate qataq so huaqta'a't nỹecpi maye ỹotta'a't naua nañalo, nache 'enauac se'eso nhuo' le'ecpi, ỹo'ot so laponaxac huaña ye Jerusalén.

1 Reyes 8:2

Qaq nache 'enauac so Israel le'ecpi, taua'a co'ollaxa so laponaxac so nta'a Salomón, qaq se'eso naponaxac huetoigui so laloxoqui da qanayenaigui naxa na npe'lpi, maye huaigui so ca'agoxoic Etanim, maye nacheso so ca'agoxoic siete se'eso vi'i.

Levítico 23:3

Qami' qauo'onataxañi qome caua seis na'axa'te, qalaxaye da ivireuga ca na'a'q siete, nache saishet qome da qauo'oche ca camachaqca no'onatac. Cha'aye que'eca na'a'q mataxaqui qauo'oche ca naponaxac da yaqto' Aỹem qavio'oxoyiñi. Nache na'aictaxa cam qoñiita'ague ana 'alhua, qalaq qauỹochiỹauga que'eca na'a'q mataxaqui, da Aỹem qavio'oxoyiñi.

Éxodo 30:10

Qataq ye 'oonolec vi'i nache huetoigui da ñi Aarón, ỹo'ot aca nachetaqtaxanaqte ỹavigaxat da yaqto' qaỹapalaxat ca lasouaxashet ca dalaxaic ñalaqpi, nache ca ltago'q aca nachetaqtaxanaqte maye qanhuaachigui ỹa'ame'n caua lcoue aca nca'atoxonaxalate. Nache aca'aca nca'atoxonaxalate ỹataqta sa qaishetapec».

Éxodo 12:16

Qaq que'eca la'auaxanec na'a'q qataq nache 'ena'am ca pa'atec na'a'q qom mashe ivi' caua siete na'axa'te, nache huetoiguilo da qaỹo'ot ca lta'araic naponaxac da qavio'oxonnataxañi. Nache que'ecaua na'axa'te qaica ca ishet da do'onataxan. Nachaqrata da iqataxaatai' ca aloq ñi 'oonolec.

Hechos 27:9

Qaq mashe huo'o da lchec da qolaqto'ot da qolaqtangui na 'etaxat, cha'aye mashe nvi' so no'omaxa qataq mashe qaỹoqteguelo soua na'axa'te, qaq ỹoqo'oye so Pablo ỹauo'o so lqataxac da ỹami' 'enauac na netangui aso notaxaqui 'eeta':

Éxodo 31:14

Nache qami' huo'o naq 'enec qanqa'eñi yi'iye na'a'q mataxaqui. Qaq ca saỹalaq qataq qaica ca 'enec naqa'en yi'iye na'a'q mataxaqui, nache camaye qaỹalauat. Qataq ca shiỹaxaua da do'onataxan yi'iye na'a'q, camaye qaỹo'orauec, ca'ai qanqa'en na lauo' le'ecpi.

Éxodo 31:15

Nache seis na'axa'te da huo'o ca qaỹo'ot no'onatacpi, qalaxaye da ivita ye na'a'q siete, nache mataxaqui. Qaq da huo'o ca shiỹaxaua da do'onataxan yi'iye na'a'q mataxaqui nache camaye qaỹalauat›.

Levítico 3:17

Qaq 'era qome da nache 'eetai' lataxac da qoyecỹaxaqui, qataq ca qaỹa'alquipi, qataq cam qami' chegoxogueta, na'aictaxa ca pa'aigue ca qoñiitaña ana 'alhua, qalaq saishet qome da qollequi ca lcheta qataq ca ltago'q ca shiguiỹac».

1 Samuel 7:6

Nache so Israel le'ecpi laỹona'to' hua'a ye Mispá, qaq nache huaña yemaye da nqatsheguem so 'etaxat, nache icorec da ỹanot Ñim Nataxala' da 'eco' lachetaqtaxanaqte da ỹanot Ñimaye, qataq ỹataqta nqouaqchet, qataq ỹa'axatta da huo'o da lasouaxashet hueto'ot Ñim Nataxala'. Qaq nache huaña ye Mispá, da so Israel le'ecpi ỹauo'o lataxala' so Samuel.

Esdras 8:21

Qaq so ñaq sonaqtaña so loigue so tala Ahavá, nache samaxalec somayepi da nqouaqcheela't qataq ỹataqta ñemanaqot Ñim Qanatamnaxala', qataq seỹaxanaqot Ñimaye da qomi' nnaictagueto de'era qoyecỹaxac, qataq da ntela'a so qoyalaqpi, qataq 'enauac so qorogoxoshetpi.

Levítico 25:9

Qaq ca na'a'q diez que'eca ca'agoxoic siete, nache huetoigui da qaỹapalaxat ca nasouaxashet, nache qami' qauashiiyigui aca nasheere peenaq lcoue, que'eca qoñiitaña qana'alhuai.