Levítico 16:28 - La'aqtaqa Ñim Lo'onatac 'Enauacna 2013

²⁸ Nache ca shiỹaxaua maye ỹavigaxat camaye, iuen da iỹoi' caua alogo qataq nachel. Ime, nache ishet da ỹe'eguelaxaua'a ca nanataqa' maye qanayeuta'a.

Levítico 16:28 Referans Kwoze

Números 19:7

Qaq ime, nache so ntaxaỹaxanaxanec iỹoi' caua alogo qataq nachel, qaq da ime, nache ishet da ỹe'eguelaxaua'a ca qanayeetaña, qalaxaye ñaq saxanaxa da qui'itta ivitta'a da pe.

Números 19:8

Qaq nataqa'en que'eca ỹavigaxat aca huaca, iỹoi' qome caua alogo qataq nachel, qalaxaye camaye saxanaxa da qui'itta ivitta'a da pe.

Levítico 11:24

Qaq 'ena na saishet qome da qami' qui'itte' naqa'en: Ca shiỹaxaua da ỹasheleua'a ca shiguiỹac leuaxaic, nache camaye iviraigui ca pe da saishet da qui'itta.

Levítico 11:25

Qaq da huo'o ca ỹacoosop ca 'oonolec na shiguiỹacpi da mashe leuaxaic, nache saishet da qui'itta iviraigui ca pe. Ỹoqo'oye camaye iuen da iỹoi' caua alogo.

Levítico 11:40

Qaq ca chec na lapat que'eca shiguiỹac maye maiche ileu, camaye iuen da iỹoi' caua alogo, qalaxaye saishet da qui'itta iviraigui ca pe, qataq ca ỹacoosop camaye, iuen da iỹoi' caua alogo qalaxaye saishet da qui'itta iviraigui ca pe.

Levítico 15:5

Ỹoqo'oye camachaqca shiỹaxaua da ipoteua'a ca lmala' que'eca sa no'oita, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 16:26

Qaq ca shiỹaxaua maye ỹo'orauga ye toolec 'alhua ca quetaq, camaye iuen da iỹoi' caua alogo qataq nachel. Ime, nache ishet da inoxoneua'a ca nanataqa' maye qanayeuta'a.

Números 8:7

Da lataxac da yaqto' qui'itta namayepi, 'eeta': 'Am 'auquetegaxaalec qome ca 'etaxat maye ishet da qui'itta naqa'en namayepi, qaq da ime, nache namayepi namarec 'enauac ana laso na lo'oc, qataq iỹoi' 'anqa'en naua alogo, nache namayepi ỹataqta qui'itta.

Números 19:10

Nache que'eca shiỹaxaua maye laỹona't ca alo aca huaca, camaye iỹoi' nataqa'en caua alogo, qalaxaye saxanaxa da qui'itta ivitta'a da pe. Qaq 'era lataxac maye nache 'eetai' qome da ỹo'ottac na Israel le'ecpi, qataq ca chegaqauecpi maye ỹalectaigui namayepi.

Juan 13:10

Qalaxaye So Jesús 'enapeco': –Cam ñaq cheta'ague da nacheltac, camaye sa iuen da qaltaq nỹo, nachaqnauate' naua lapia'ate iỹoi', cha'aye camaye sogote da qui'itta. Qaq qami' sogote da qami' qui'itte', na'aictaxa da saishet da imauec da qoñiita.