Levítico 16:21 - La'aqtaqa Ñim Lo'onatac 'Enauacna 2013

²¹ nache ỹashel-lec na lqaic qataq nache ỹa'axat 'enauac na lle'etaxaloxosat na Israel le'ecpi, souaxat da npe'eeleguete naua lataxaco, qataq sa ỹalaxaguet Ñim Nataxala'. Qaq 'era da 'eetec da ỹachelec qome ca quetaq que'eca nasouaxashetpi, nache ca lỹa shiỹaxaua huapegue' da ỹo'orauga ca toolec 'alhua da yaqto' talec naqa'en camaye,

Levítico 16:21 Referans Kwoze

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Salmos 51:3

Cha'aye aỹem ñaỹateetela't da ỹoqta sa salaq, na ỹasouaxashetpi qalaq ỹataqta saq ỹoxouga.

Esdras 10:1

Qaq so Esdras co'ollaq ña nqouagaxaueetac qataq ỹaatac so la'aqtac, souaxat na lasouaxashetpi so lauo' le'ecpi qataq nỹeetac, ỹa'attrañi naua l-llecte, hueta'a aso atamnaxaqui maye lalamaqte Ñim Lo'onatac 'Enauacna, nache anac so qalota ỹalleppi, 'alpi qataq so ñaqpiolec maye Israel le'ecpi. Qaq 'enauac somayepi coleesop somaye, nache nỹeetac souaxat da lta'araic nqui'ic.

Romanos 10:10

Cha'aye da ỹataqta imauec da qarquiyaqteỹaxac da ỹataqta sa'amqaanataxanaq, nache Ñim Lo'onatac 'Enauacna ishet da qomi' ỹaỹamaxareete'; qataq da sa'axataq So Jesús, da nacheso Som Nataxala', nache Ñim Lo'onatac 'Enauacna qomi' nca'alaxatre'c.

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Salmos 32:5

Qalaxaye 'am sa'axatem co'ollaxa na ỹasouaxashetpi, qataq saishet da 'am soxocheesop na qauem maye so'otpi, nache sheeta': «Aỹem sa'axatem na ỹasouaxashetpi Ñim Nataxala'.» Nache 'am 'auapalaxat 'enauac namayepi.

Levítico 26:40

Qalaxaye da qaua'axacheeta ca qarasouaxashichi, qataq ca lasouaxashetpi so qarta'ailpi, qataq da 'eetec da ỹe'eguelaqtalec da Aỹem qauataiỹa'aguet, qataq Aỹem qauatenachichi naxa,

Éxodo 29:10

Qaq da ime, nache 'auauegueua'a ca lasom ca npe'l ca huaca llalec, yaqto' ñi Aarón qataq ñeua llalqa, ỹashel-leguete na lqaic que'eca shiguiỹac,

Levítico 5:5

Qaq da huo'otaq huo'o ca nache 'eeta'am de'era ca npe'enaxac, nache iuen da ỹa'axatta da ỹoqta 'eesa que'eca lasouaxashet.

Levítico 1:4

Qaq nache huaña yemaye da ỹashel-lec na lqaic que'eca shiguiỹac, yaqto' que'eca shiguiỹac qaỹaỹamaxareeta. Qataq nache chegoqchigui da qaỹapalaxat na lasouaxashetpi que'eca shiỹaxaua.

Levítico 16:20

Nache da ime ñi Aarón da iqui'itaxat ye pa'auo ñi lapoxonaxat ñi npe'l maye huaña naxa da qanauane' Ñim Nataxala', qataq añi nca'atoxonaxalate, nache damaxasoxoolec qome da qanauegueuo ca quetaq maye ña nca'altauec,

Levítico 16:22

yaqto' que'eca quetaq da tauga ca toolec 'alhua, nache ỹachetac 'enauac nam qauemsat maye ỹo'ot na Israel le'ecpi.