Levítico 16:18 - La'aqtaqa Ñim Lo'onatac 'Enauacna 2013

¹⁸ Ime, nache ñi Aarón pa'auec, tauga da ỹo'ot da qui'itta naqa'en añi nca'atoxonaxalate maye ỹalamaqte. Nache ỹacona aca laỹe' ca ltago'q ca huaca qataq ca quetaq, nache ỹauota'alo naua llaxaata da ỹa'ame'n naua lsheeneqa naua lcouel qataq icoroto naua laỹel añi nca'atoxonaxalate.

Levítico 16:18 Referans Kwoze

Levítico 4:7

Qataq ỹa'ame'n naua lsheeneqa ñeua lcoue añi lca'atoxolate na nchenaxanaxat maye ama na laita maye netaigui ñi npe'l. Qaq ca no'onañi ltago'q ca huaca llalec, nache icorot na pa'aguiñi añi nca'atoxonaxalate da huo'o na qaỹavigaxat maye netaña ye ñegueuo ñi npe'l.

Levítico 16:16

Qaq 'era da 'eetec da ỹo'ot da qui'itta naqa'en ye pa'auo ñi lapoxonaxat ñi npe'l maye netaña añi laỹe' naua aỹamaxataxaco, souaxat na lle'etaxaloxosat na Israel le'ecpi, qataq da sa ỹalaxaguet Ñim Nataxala', qataq sa iren da qui'itta lataxac. Qaq 'enauac de'era da nache 'eetec naqa'en ñi npe'l.

Levítico 4:18

Qataq nache ỹa'ame'n naua lsheeneqa ñeua lcoue añi lca'atoxolate na nchenaxanaxat ama na laita, maye netaigui ñi npe'l. Qaq ca no'onañi ntago'q, nache icorot na pa'aguiñi añi nca'atoxonaxalate da huo'o na qaỹavigaxat, maye netaña ye ñegueuo ñi npe'l.

Éxodo 30:10

Qataq ye 'oonolec vi'i nache huetoigui da ñi Aarón, ỹo'ot aca nachetaqtaxanaqte ỹavigaxat da yaqto' qaỹapalaxat ca lasouaxashet ca dalaxaic ñalaqpi, nache ca ltago'q aca nachetaqtaxanaqte maye qanhuaachigui ỹa'ame'n caua lcoue aca nca'atoxonaxalate. Nache aca'aca nca'atoxonaxalate ỹataqta sa qaishetapec».

Hebreos 2:11

'Enauac nam ỹauotec qataq ỹalaxaguet Ñim Lo'onatac 'Enauacna, nache nachena nam llalaqpi, qataq lta'a Ñimaye. Qaq So Jesús ye nataqa'en Llalec Ñim Lo'onatac 'Enauacna, Somaye saishet da da'acteguelec namayepi da iỹaxana da ỹataqta lqaỹañecpi,

Juan 17:19

Qataq souaxat naamaye, nache Aỹem ỹataqta 'am ñañanot yaqto' naamaye nataqa'e'n ishet da 'am nañaarot, chegoqchigui dam 'eesa lataxac.

Levítico 4:25

Ime, nache ca ntaxaỹaxanaxanec ỹa'ayingui ana llaxaata ca ltago'q ca quetaq maye nachetaqtaxanaxat maye sa imauaq da qaỹavigaxat, nache ỹa'ame'n naua lsheeneqa ñeua lcoue añi nca'atoxonaxalate da huo'o na qaỹavigaxat. Qaq que'eca no'onañi ntago'q, nache icorot na pa'aguiñi añi nca'atoxonaxalate.

Levítico 16:17

Qataq saishet qome da sa qaỹapeque ca shiỹaxaua ñi npe'l da ñaq pa'ataigui ñi npe'l ñi Aarón da yaqto' qaỹapalaxat na lasouaxashetpi ñimaye, qataq na llalaqpi qataq 'enauac na Israel le'ecpi.

Números 28:22

Qataq qoỹaneuo nataqa'en ca 'oonolec quetaq da yaqto' qaỹapalaxat na nasouaxashetpi.

Ezequiel 43:20

Qaq ime qome nache 'auacona ca ltago'q camaye, nache 'auchegoxoleguete naua cuatro lcoue, qataq naua cuatro laỹel aca nca'atoxonaxalate, qataq 'enauaque naua loiguiye maye coleesop. Qaq 'era da qonetec da 'auqui'itaxat 'enauac nam nasouaxashetpi.

Ezequiel 43:22

Qaq ca lỹa na'a'q, nache 'aỹa'aneuo da nachetaqtaxanaxat ca quetaq llalec maye qaica ca lque'emaxa souaxat na nasouaxashetpi, qaq ca ntaxaỹaxanaxanecpi iqui'itaxat qome aca nca'atoxonaxalate, 'eeta'am naqa'en da 'eetec so huaca llalec.

Ezequiel 45:19

Ca ntaxaỹaxanaxanec ỹacona qome ca laỹe ca ltago'q que'eca shiguiỹac, maye qoỹaneuo da nachetaqtaxanaxat souaxat ca nasouaxashet, nache ỹa'ame'n naua lauoqtel ca lasom aca atamnaxaqui, qataq naua cuatro lamaqail aca nca'atoxonaxalate, qataq caua lauoqtel ca lasom maye naña ca pa'aỹauo qasoxoc.