Levítico 16:17 - La'aqtaqa Ñim Lo'onatac 'Enauacna 2013

¹⁷ Qataq saishet qome da sa qaỹapeque ca shiỹaxaua ñi npe'l da ñaq pa'ataigui ñi npe'l ñi Aarón da yaqto' qaỹapalaxat na lasouaxashetpi ñimaye, qataq na llalaqpi qataq 'enauac na Israel le'ecpi.

Levítico 16:17 Referans Kwoze

Lucas 1:10

qaq 'enauac so shiỹaxauapi nqouagaxaueetac, pa'atauga so nqasoxoc aso no'onaxanaxaqui late'erai.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Éxodo 34:3

Qaq saishet qome da huo'o ca 'annaicapegue', qataq saishet da huo'o ca choche huetalec aña'añi qasoxonaxa, qagueta, huo'otaq huaca da lquia'aqa' ye sa qaỹapeque añimaye.»

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Hebreos 9:7

Qalaxaye so pa'auo Ndaqa' maye sa Qaishetapec, qalaq nda'a't ca lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna ishet da taua'a, qalaxaye 'oonolec na'a'q ye vi'i. Ỹachetrauo naua ltago'q na shiguiỹac da ỹaneuo da yaqto' qaỹapalaxat ca maiche lasouaxashet, qataq nam Israel le'ecpi, qataq iỹaxanot Ñim Lo'onatac 'Enauacna da ỹapalaxat na lasouaxashetpi maye saishet da noma.

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

1 Timoteo 2:5

'Oonolec Ñim Lo'onatac 'Enauacna, qataq nataqa'en 'oonolec so chegoqchigui da ishet da qomi' ỹaueegueta da selagaqtapiguiñi da souaqto'ot Ñim Lo'onatac 'Enauacna: Somaye nacheso So Jesucristo, maye shiỹaxaua.

Hechos 4:12

Qaica ca lỹa ishet da chegoqchigui da nca'alaxa. Cha'aye Ñim Lo'onatac 'Enauacna qaica ca lỹa ne'enaxat da qomi' ỹanema ana 'alhua, da yaqto' ishet da qomi' nca'alaxatre'c, nachaqsota So Jesús.

Daniel 9:24

Iuen qome da inoxonaqchetrec caua Setenta semanas nam 'arhuo' le'ecpi, qataq na qui'itta huaqta'a't nỹecpi maye 'aralamaxat, da yaqto' nache tachiguiña naqa'en da lle'etaxaloxo qataq da lasouaxashet, qataq yaqto' ỹaconeguet ca nchoxonnataguec souaxat nam qauempi, nache chochaq tatec qome naqa'en da na'ayiñi da nalochiguiñi lataxac, yaqto' ipacchigui qome som 'arauanaqchec qataq som 'ara'aqtaxanaxac, qataq da qaiqui'itaxat yem saqaishetapec.

Levítico 16:16

Qaq 'era da 'eetec da ỹo'ot da qui'itta naqa'en ye pa'auo ñi lapoxonaxat ñi npe'l maye netaña añi laỹe' naua aỹamaxataxaco, souaxat na lle'etaxaloxosat na Israel le'ecpi, qataq da sa ỹalaxaguet Ñim Nataxala', qataq sa iren da qui'itta lataxac. Qaq 'enauac de'era da nache 'eetec naqa'en ñi npe'l.

Levítico 16:18

Ime, nache ñi Aarón pa'auec, tauga da ỹo'ot da qui'itta naqa'en añi nca'atoxonaxalate maye ỹalamaqte. Nache ỹacona aca laỹe' ca ltago'q ca huaca qataq ca quetaq, nache ỹauota'alo naua llaxaata da ỹa'ame'n naua lsheeneqa naua lcouel qataq icoroto naua laỹel añi nca'atoxonaxalate.

1 Crónicas 6:34

qataq so Elcana, Jeroán, Eliel, Toaj,