Levítico 16:15 - La'aqtaqa Ñim Lo'onatac 'Enauacna 2013

¹⁵ Qaq da ime, nache ipelecot na lqosot ca quetaq da yaqto' nachetaqtaxanaxat maye sa imauaq da qaỹavigaxat, yaqto' qaỹapalaxat na lasouaxashetpi na ỹalecta'a't nhuo' le'ecpi. Qaq ca ltago'q, nache iroua'a ye pa'auo ñi lapoxonaxat ñi npe'l maye netaña añi laỹe' naua aỹamaxataxaco, qataq nache ichegoqot ñi lapoxot añimaye, nache ỹe'enaxatchigui da 'eetec ca ltago'q ca huaca.

Levítico 16:15 Referans Kwoze

Hebreos 9:7

Qalaxaye so pa'auo Ndaqa' maye sa Qaishetapec, qalaq nda'a't ca lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna ishet da taua'a, qalaxaye 'oonolec na'a'q ye vi'i. Ỹachetrauo naua ltago'q na shiguiỹac da ỹaneuo da yaqto' qaỹapalaxat ca maiche lasouaxashet, qataq nam Israel le'ecpi, qataq iỹaxanot Ñim Lo'onatac 'Enauacna da ỹapalaxat na lasouaxashetpi maye saishet da noma.

Hebreos 9:12

Qaq So Cristo saishet da inoxoneua'a yi'iye ndaqa' da ỹanoto Ñim Lo'onatac 'Enauacna naua ltago'q ca shiguiỹac, nachaqrata da ỹaareuo naua maiche ltago'q qataq 'oonolec da pa'auo, qataq sa iuen da ỹe'eguelaqtalec da huenoxoneuo.

Hebreos 9:3

Qaq dam laỹe so napoxonaxat hualoxolaỹi nataqa'en huo'o so lỹa ndaqa', le'enaxat Ndaqa' sa Qaishetapec,

Hebreos 2:17

Qaq da yaqto' ishet da itauan, nache Somaye, iuen da ỹataqta 'eeta'am naqa'en da lataxac namayepi. Qaq ỹoqo'oye souaxat da chegoqchigui da 'eeta'am naqa'en da shenaqta, nache ivira'a da lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq ishet da qaipi'iỹa'a. Qaq Somaye ỹataqta nlaqchigui da lsoxoyec da do'onataxanot Ñim Lo'onatac 'Enauacna. Qaq 'era da 'eetec Somaye da ỹan da nachaalataxac da 'eeta'am aca nachetaqtaxanaqte yaqto' Ñim Lo'onatac 'Enauacna ỹapalaxat na qarasouaxashetpi.

Hebreos 6:19

Qaq de'era qanaquitaxac, nachera dam qomi' ỹanema da ỹataqta 'eesa de'era. Damaye 'eeta'am acam lcat maye nllañi aso notaxaqui late'erai maye quiguingui na 'etaxat, da yaqto' qaica ca ldaxac ca hueta'a. Qaq de'era qanaquitaxac, damaye qomi' ỹanema So Jesucristo, Som pa'aueegue da laỹe so napoxonaxat maye pa'auo añi lo'onaxanaxaqui late'erai Ñim Lo'onatac 'Enauacna na pa'asheguem, qataq huenoxoneua'a yem ndaqa' maye ỹataqta sa qaishetapec.

Hebreos 5:3

Camaye ỹaneuo ana nachetaqtaxanaqte maye saishet da qaỹavigaxat, qataq ana qaỹavigaxatta, yaqto' Ñim Lo'onatac 'Enauacna ỹapalaxat na lasouaxashetpi na Israel le'ecpi, qataq nataqa'en na maiche lasouaxashet camaye, cha'aye nataqa'en saishet da ỹalaq.

Levítico 16:2

Nache Ñim Nataxala' 'enapega so Moisés, 'eeta': «Qonapega qome ñi 'arqaỹa Aarón da saishet da saq ỹataq ca ñichiguiña añi nala' da huenoxoneua'a ye pa'auo ñi lapoxonaxat ñi npe'l maye netaña añi laỹe' naua ñaỹamaxataxaco, yaqto' da ñachaxan nache saishet da ileu, da sootaigui ca lo'oc maye nalotcheguema ñi lapoxot añi laỹe' naua ñaỹamaxataxaco.

Hebreos 7:27

Qaq Somaye saishet da 'eeta'am na laỹepi ntaxaỹaxanaxanecpi da qaitaxaỹapegue' Ñim Lo'onatac 'Enauacna, cha'aye namayepi ima'ape naua na'axa'te da iuen da ỹalauat ca shiguiỹac da ỹaneuo, da yaqto' ỹavigaxat da ỹanot Ñim Lo'onatac 'Enauacna, qataq iỹaxanot Ñimaye da ỹapalaxat na maiche lasouaxashetpi, ime, qataq jec na lasouaxashetpi na laỹepi Israel le'ecpi. Qaq So Jesús, co'ollaq ileu da yaqto' qaỹapalaxat na qarasouaxashetpi, nache 'oonolec da ỹan da nachaalataxac, nache saishet da qaltaq lỹa da ỹan.

Hebreos 9:13

Ỹoqta 'eesa da la'amqaanataxanaxac na judiopi maye 'eeta': ca shiỹaxaua da nshepaxan da lataxac, nache saishet da ỹañoxot da ỹo'oxoren Ñim Lo'onatac 'Enauacna. Qalaxaye nataqa'en ishet da qui'itta da qaicoreleguete naua ltago'q ca quetaq llalec huo'otaq ca huaca llalec, huo'otaq da qaichegoxolec na alo maye chegaqaigui aca huaca llale maye qaỹavigaxat.

Levítico 4:21

Ime, nache nqateeguesop nataqa'en ye nanataqa' maye qanayeeta'a ca huaca, nache irouec da ỹavigaxat, qataq nache ỹe'enaxatchigui da ỹavigaxat ca hua'auchiguiñi huaca. Cha'aye nachetaqtaxanaxat maye sa imauaq da qaỹavigaxat, yaqto' qaỹapalaxat ca npe'enaxac na ỹalecta'a't Israel le'ecpi.

Levítico 4:5

Ime, nache camaye ỹacona ca laỹe' ca ltago'q ca huaca llalec, nache iroua'a ye pa'auo ñi npe'l maye huaña naxa da qanauane' Ñim Nataxala',

Números 17:11

Nache so Moisés ỹo'ot 'enauac dam ỹamaxalec Ñim Nataxala'.

Números 28:15

Qaq cam nachetaqtaxanaxat maye, qoỹaatapegueuo ye na'a'q, qaq nataqa'en iuen da qoỹoneuo ca quetaq da nachetaqtaxanaxat da yaqto' qaỹapalaxat na nasouaxashetpi.»