Levítico 16:13 - La'aqtaqa Ñim Lo'onatac 'Enauacna 2013

¹³ nache ỹachangui aca laỹe na nchenaxanaxat huaña ye pa'auo, nache ca lmala'q camaye sa yo'oq naqa'en ñi lapoxot añi laỹe' naua aỹamaxataxaco. Qaq da 'eetec de'era ñi Aarón, nache saishet da ileu qome.

Levítico 16:13 Referans Kwoze

Éxodo 25:21

Ime, nache que'eca lapoxot qalapaxalec qome aca'aca laỹe', nache 'auachanguilo acamaye caua nqataxaco maye 'am sanema qome.

Éxodo 30:1

«Nataqa'en 'auo'ot qome aca lca'atoxolate ca nchenaxanaxat, chegaqaigui na qo'oipaq acacia.

Hebreos 9:24

Cha'aye So Cristo saishet da inoxonoigui so npe'l maye lo'onatac so choche shiỹaxauapi, na'aictaxa da se'eso npe'l da somaye choche lqui'i acam ỹoqta 'eesa no'onaxanaxaqui. Cha'aye So Cristo taigue da piguem da yaqto' nqo'oneua'a Ñim Lo'onatac 'Enauacna, da qomi' detaqleguete da yaqto' qomi' ichoxore'n.

Hebreos 7:25

So Jesús ishet da chochaq tatec naqa'en da lca'alaxa nam huotaique da ivira'a da nauochaxaua Ñim Lo'onatac 'Enauacna chegoqchigui Somaye. Cha'aye Somaye, nache 'eetai' da nca'altauec, qataq nache queto'ot da iỹaxaatacot Ñim Lo'onatac 'Enauacna da iỹaxaateguelec namayepi.

Números 16:46

Nache so Moisés 'enapega so Aarón, 'eeta': 'Auacona aca nchenaxanaxat laỹe', nache 'auachangui aca poqo maye chegaqalec añi nca'atoxonaxalate, qataq 'auachangui ca nchenaxanaxat, nache 'anqalgoqta'a qome ye hueta'a da lapoota'a't shiỹaxauapi, nache 'auo'ot ca 'archenaxanaxat da yaqto' qaỹapalaxat na lasouaxashet, ten mashe ỹapacauec da layeloxo Ñim Nataxala', nache talec naqa'en da nhuaxanaguec damayepi.

Números 16:18

Nache ñi 'oonolec ỹacona aca laỹe' ca lchenaxanaxat, nache ỹachangui aca poqo qataq ca nchenaxanaxat, nache namayepi nachaateua'a ye ñegueuo ñi npe'l maye naỹonqa', qaq nataqa'en so Moisés qataq so Aarón.

Números 16:7

nache qauachiỹangui aca poqo, qataq ca nchenaxanaxat, nache qauachiỹaña ye lanataqa' Ñim Nataxala'. Qaq que'eca shiỹaxaua maye lca'ateua'a Ñimaye, nacheca ca iỹotauga. ¡Nache a'aye da qanapagaqaanaxaqui qami' leviitapi!

Levítico 22:9

Nache na ntaxaỹaxanaxanecpi ỹataqta ỹalaxalec qome na ỹamaxasoxonaxacpi, yaqto' qaica ca ileu, souaxat da ỹashaxanec da ỹa'aqtac. Cha'aye Aỹem Nataxala' maye sanem namayepi da Aỹem do'onataxanot.

Éxodo 28:43

yaqto' ñi Aarón qataq ñeua llalqa, nache ỹaatrañi caamaye da taua'alo ca npe'l maye huaña qome da nauaare' Ñim Nataxala', huo'otaq da taua'alo aca nca'atoxonaxalate da ỹacooleguete da lo'onataxanaxa'c, yaqto' qaica ca ne'enaxa'c qataq saishet da ileu'. Qaq 'era da chochaq tatec namaxasoxonaxac maye qoỹanem ñi Aarón, qataq cam chegoxoguetpi.»

Números 4:15

Nache ñi Aarón qataq ñeua llalqa, da ime da laỹona't 'enauac cam nogoxoshetpi maye sa qaishetapec, nache na Israel le'ecpi ishet da jec, nache anac na chegoxoguet so Quehat da ỹache 'enauac ca nogoxoshetpi. Qalaxaye saishet da ỹasheleua'a ca camachaqca que'eca nogoxoshetpi maye sa qaishetapec, yaqto' saishet da ileu. Qaq 'enauac que'eca logoxoshetpi que'eca npe'l maye naỹonqa', da nachena nam chegoxoguetpi so Quehat nam ishet da ỹache camaye.

Números 4:20

Yaqto' namayepi saishet da huo'o ca huaña da pa'auo, da choche imeten ca nogoxoshetpi maye sa qaishetapec, cha'aye da 'eetec de'era nache ileu.»

Deuteronómio 33:10

Qataq somaye ỹapaxaguenec da 'alapaxañi lataxac so Jacob, qataq da 'arapaxaguenataxanaxac so Israel. Qataq 'Am taỹot naqa'en so nchenaxanaxat, qataq 'Am ỹanot so nachetaqtaxanaxat shiguiỹac maye qaỹavigaxatta.