Levítico 15:27 - La'aqtaqa Ñim Lo'onatac 'Enauacna 2013

²⁷ Qaq ca shiỹaxaua da ipoteua'a que'eca nogoxoshetpi, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 15:27 Referans Kwoze

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

Hebreos 9:14

Qaq da 'enauac damaye da 'eesa da huo'o da la'añaxac, nache ỹactec qone' da la'añaxa'c naua ltago'q So Cristo. Cha'aye chegoqchigui som Saqcha'a Na'añaxac maye chochaq tatec, da So Cristo maiche nañanot Ñim Lo'onatac 'Enauacna da 'eeta'am aca nachetaqtaxanaqte maye qaỹavigaxatta qataq ỹataqta qui'itta. Qaq naua ltago'q, nachenaua naua chegoqchiguilo da qomi' qui'itte' qataq chegoqchiguilo da qaỹapalaxa't naua qarasouaxashe'ete qataq da yaqto' ishet da so'onataxanaqot Ñim Lo'onatac 'Enauacna maye nache 'eetai' da nca'altauec.

Zacarías 13:1

Qaq que'eca na'a'q, qalaq huo'o qome, ca npaxaatasheguem 'etaxat, da yaqto' nỹoxoqui da iỹouec na lasouaxashet qataq na lshepaxanaxa nam chegoxoguetpi so David qataq nam netaña na Jerusalén.

Ezequiel 36:29

Qataq seỹouec qome 'enauac na qarshepaxanaqai, qataq so'ot qome da qalota na trigo, nache saishet da qaltaq qami' ñamaxalo ca nqouaxa.

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Levítico 15:21

Qataq camachaqca shiỹaxaua da ipoteua'a ca lmala' acamaye, nache iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 15:13

Qaq da vi'iiguet na lli'i ñi logoxoshet que'eca ỹale, nache camaye iuata'a da inoxoorec caua siete na'axa'te da ỹo'ot da nqui'itaxatta. Ime, nache iỹoi' caua alogo qataq nachel, nachela ca 'etaxat maye qaỹachegoxotangui ca npaxaatasheguem, ime, nache qui'itta.

Levítico 15:26

Ỹoqo'oye 'enauac ca mala'pi maye do'ochiỹalec, qataq ca nso'onqa'pi aca anactac na ltago'q, nache saishet da qui'itta, cha'aye 'eeta'am da ỹataqta huo'o da na'axac.

Levítico 15:28

Qaq da ivita da vi'iiguet na ltago'q acamaye, nache iuata'alo da inoxoorec caua siete na'axa'te, ime nache qaltaq ipactegue da qui'itta.

Levítico 11:24

Qaq 'ena na saishet qome da qami' qui'itte' naqa'en: Ca shiỹaxaua da ỹasheleua'a ca shiguiỹac leuaxaic, nache camaye iviraigui ca pe da saishet da qui'itta.

Números 19:22

Nache 'enauac na ipoteua'a que'eca shiỹaxaua maye saishet da qui'itta, nache nataqa'en saishet da qui'itta, qataq ca ipoteua'a camaye, nataqa'en saishet da qui'itta da lataxac ivitta'a da pe.»