Levítico 15:19 - La'aqtaqa Ñim Lo'onatac 'Enauacna 2013

¹⁹ Qaq aca 'alo da ivita da huo'o da na'axac, nache acamaye saishet da qui'itta inoxootrec caua siete na'axa'te. Qataq camachaqca shiỹaxaua da ipoteua'a acamaye, nache saishet da qui'itta ivitta'a da pe.

Levítico 15:19 Referans Kwoze

Levítico 12:2

«Qonapega qome na Israel le'ecpi, qoneta': Aca 'alo hualaxai, da ỹale ca llalec da ivita da deco'o, nache ivi' siete na'axa'te da saishet da qui'itta, qaq nache 'eeta'am da ivita da huo'o da na'axac.

Marcos 5:25

Qaq se'eso shiỹaxauapi huo'o aso 'alo ca'attaigui somayepi sano'on, qaq asomaye mashe ivi' naua doce vi'iye da anactac na ltago'q.

Ezequiel 36:17

«Na Israel le'ecpi co'ollaq hueta'a ye lalamaxat na'alhua, nache ỹataqta ishepaxanaqchet souaxat nam qauem maye ỹo'ot namayepi. Da lataxac co'ollaxa namayepi, damaye ỹataqta nshepaxan ñaqa'en qataq seqaiga.

Lamentaciones 1:17

Ye Sión ỹachaxaatrashegue'm naua lhuaxaye da nachoxoreetac, qalaxaye qaica ca ỹa'añaqchet. Ñim Nataxala' ỹamaq na lauoreuapi so Jacob da npa'aguene' somaye, nache namayepi ỹataqta deqaiga ye Jerusalén.

Levítico 20:18

Qaq da huo'o ca ỹale da hue'eguet aca 'alo da huo'o da na'axac, nache caamaye qaỹo'oldaue'c, ca'ai qanqa'en na lauo' le'ecpi.

Levítico 12:4

Nache acamaye, iuata'alo caua treinta y tres na'axa'te da mashe nqui'itaxatta. Nache saishet da ỹashelligui na nogoxoshetpi maye sa qaishetapec, qataq saishet da huenoxoneua'a ñi npe'l maye lalamaxat Ñim Nataxala', cha'aye saxanaxa da ivita ca laloqo' da nqui'itaxatta.

Levítico 15:20

Qataq 'enauac ca nnaalecpi huo'otaq ca nso'oolec acamaye, ishet da dalolaqtaxan.

Levítico 22:5

huo'otaq ca ipoteua'a ca shiguiỹac maye saishet da qui'itta, huo'otaq da ipoteua'a ca shiỹaxaua maye saishet da qui'itta, nache camaye saishet da qui'itta,