Levítico 15:16 - La'aqtaqa Ñim Lo'onatac 'Enauacna 2013

¹⁶ Qaq ca ỹale da maiche anactac ana lmale, nache camaye iuen da nachel, iỹota 'enauac na lo'oc ỹauota'a ca 'etaxat, qalaxaye camaye saishet da qui'itta ivitta'a da pe.

Levítico 15:16 Referans Kwoze

Levítico 22:4

Qataq na chegoxoguetpi ñi Aarón, da huo'o ca huetalec na lo'oc ca qauem nhuetaxanaxa, huo'otaq da huo'o na lli'i ñi logoxoshet, nache saishet qome da chec ca nallec maye qoỹaneuo da nachetaqtaxanaxat, nato' qom qui'itta. Qataq ca ipoteua'a ca ỹataqta qaiqaiga souaxat da nhuoiguet ca leuaxaic, huo'otaq ca maiche anactac ana lmale,

Levítico 15:5

Ỹoqo'oye camachaqca shiỹaxaua da ipoteua'a ca lmala' que'eca sa no'oita, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

1 Pedro 2:11

Qami' ñauochaxau' ỹaqaỹarolqa maye sa'amaqtenaqtac So Cristo, qami' qoñiita'am ca chegaqauec maye cara'acolec da hueta'a ana 'alhua. Saisheto' da qoquiitalec da maiche qaralamaxache qarqopitaxanaqtaiqui, cha'aye da qauo'oche damaye, nache qami' iqataqche't.

2 Corintios 7:1

Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.

Levítico 15:17

Qaq da camachaqca nogoxot huo'otaq lo'oc da huagui aca lmale, nache camaye iuen da qaiỹo, qaỹauota'a ca 'etaxat, qalaxaye saishet da qui'itta ivitta'a da pe.

Levítico 15:18

Qataq ca ỹale da hue'eguet aca 'alo, nache caamaye iue'n da nache'l, iỹoi' na lo'o'c ỹauota'a ca 'etaxat, qalaxaye caamaye saishet da qui'itte' iviraiguilo da pe.

Deuteronómio 23:12

Qataq qaỹauo'o qome ca qaiỹotauga na'ataxanaqa', qalaxaye qaỹatauga qanqa'en que'eca qanayeuta'a.