Levítico 15:11 - La'aqtaqa Ñim Lo'onatac 'Enauacna 2013

¹¹ Qaq que'eca dalolaxaic, da sa iỹoi' naua lhua'q, nache 'enauac ca ipoteua'a camaye, iuen da iỹoi' caua alogo qataq nachel, qalaxaye saishet da qui'itta ivitta'a da pe.

Levítico 15:11 Referans Kwoze

Levítico 15:10

Qataq da huo'o ca ipoteua'a ca nogoxoshetpi maye nso'oolec que'eca ỹale, nache saishet da qui'itta ivitta'a da pe. Qataq ca shiỹaxaua da huo'otaq ỹache ca camachaqca que'eca nogoxoshetpi, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 15:12

Qataq 'enauac aca naco'oñapi 'alhua maye ipoteua'a camaye, iuen da qailaxachigui. Qaq ca chegaqaigui na 'epaq, nache choche qaiỹo qaỹauota'a ca 'etaxat.

Levítico 11:24

Qaq 'ena na saishet qome da qami' qui'itte' naqa'en: Ca shiỹaxaua da ỹasheleua'a ca shiguiỹac leuaxaic, nache camaye iviraigui ca pe da saishet da qui'itta.

Números 19:22

Nache 'enauac na ipoteua'a que'eca shiỹaxaua maye saishet da qui'itta, nache nataqa'en saishet da qui'itta, qataq ca ipoteua'a camaye, nataqa'en saishet da qui'itta da lataxac ivitta'a da pe.»

Deuteronómio 23:11

Qalaxaye da mashe avit, nache camaye nachel, qaq da inoxooñi añi nala', nache camaye ishet da huenoxoneua'a que'eca nanataqa'.