Levítico 14:7 - La'aqtaqa Ñim Lo'onatac 'Enauacna 2013

⁷ Ime, nache siete da ichegoxolec ca shiỹaxaua maye huec ca qauem nhuetaxanaxa da yaqto' qui'itta, nache ỹa'axatem da no'oita camaye. Qaq ca qoỹo maye ña nca'altauec, nache ỹaxanec da huaỹo.

Levítico 14:7 Referans Kwoze

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Isaías 52:15

qaq nache 'eetec nataqa'en qome da qalota na ỹotta'a't shiỹaxauapi nam huo'o da la'aalaxa, qaq na nta'alpi qom ila'a nache 'eco' qaicaua naua la'aqtaqa, cha'aye ỹauaachigui qataq ỹaỹaten qome dam sa ỹauanega da hua'aqchigui.

2 Reyes 5:14

Huaña, nache so Namán, taxaama co'ollaxa so tala Jordán, nache siete da huomñigui, ipacchigui da la'aqtac so la'aqtaxanaxanec Ñim Lo'onatac 'Enauacna, nache na lo'oc somaye ỹe'eguelaxa da 'eeta'am na lo'oc ca nogotolec, nache ỹataqta no'oita.

2 Reyes 5:10

Qalaxaye so Eliseo, ỹamaxauec so lamaxashec da 'enapega somaye, 'eeta': «'Anqo'onaxaama qome so tala Jordán, nache siete qome da 'avi'eguelaxañi da 'auomñi, nache no'oita qome na 'aro'oc maye huetalec na lepra.»

Hebreos 9:19

Da hua'auchiguiñi 'eeta': so Moisés da'aqtaxanem 'enauac so lauo' le'ecpi da lamaxasoxonaxac qataq na lqataxacpi. Ime, nache ỹacona so qagueta laue togaxaraic qataq aso lcoue ana huoue le'enaxat hisopo, nache ỹelchiingui so 'etaxat maye ỹaleegueta naua ltago'q so huaca llalec qataq so quetaq. Ime, nache ichegoxolec aso nere maye nanettaleguete naua la'aqtaqa Ñim Lo'onatac 'Enauacna, nataqa'en ichegoxolec 'enauac so Israel le'ecpi.

Hebreos 9:13

Ỹoqta 'eesa da la'amqaanataxanaxac na judiopi maye 'eeta': ca shiỹaxaua da nshepaxan da lataxac, nache saishet da ỹañoxot da ỹo'oxoren Ñim Lo'onatac 'Enauacna. Qalaxaye nataqa'en ishet da qui'itta da qaicoreleguete naua ltago'q ca quetaq llalec huo'otaq ca huaca llalec, huo'otaq da qaichegoxolec na alo maye chegaqaigui aca huaca llale maye qaỹavigaxat.

1 Juan 5:6

So Jesucristo co'ollaq nvira ana 'alhua, nache qanachelaxangui na 'etaxat, qaq co'ollaq ileu, nache icolde'c soua ltago'q. Qaq som Saqcha'a La'añaxac Ñim Lo'onatac 'Enauacna, nacheso som da'aqtaxan, qaq 'enauac nam ỹa'axat Somaye ỹataqta 'eesa.

Hebreos 12:24

Qami' mashe qanquiquiiua'a So Jesús, qataq qantooñita'ac da chegoqchigui Somaye da Ñim Lo'onatac 'Enauacna naralaxat da naỹamaxataxac da naỹamaxatto qami'. Qana'achec da chegoqchiguilo soua ltago'q So Jesús maye huecolde'c co'ollaq qaỹalauat da qaỹapalaxa't naua qarasouaxashe'ete maye chegaqaiguilo da qaye'etaxaloxo. Qaq ỹoqo'oye So Jesús napacalec da la'amaqchec so Abel, cha'aye soua ltago'q so Abel saishet da ỹa'n ca nchoxonnataxanaxa, nachaqrata da iỹaxaatraique ca lvi'.

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

Hebreos 9:26

Qaq So Cristo taxa da nache 'eetec nataqa'en de'era, nache Somaye ỹe'eguelaqtalectaxa da ileu, chegoqchiguiña co'ollaq cheta'ague da ỹo'ot ana 'alhua Ñim Lo'onatac 'Enauacna. Qalaxaye ỹoqta 'eesa da nagui da mashe nayeeta'a ca loga'tna, nache So Cristo 'oonolec da nachaxan, nache sa iuen da ỹe'eguelaxalec da nañan. Somaye nachaxan qataq nañan da 'eeta'am aca nachetaqtaxanaqte maye qaỹavigaxatta da yaqto' Ñim Lo'onatac 'Enauacna ỹapalaxat 'enauac na qarasouaxashetpi.

Hebreos 9:21

So Moisés nataqa'en ichegoxoleguete co'ollaxa soua ntago'q se'eso npe'l qataq nam no'onataxanaxatpi maye qaiueetac naxa da qaỹo'ot da ño'oxonnataxanaxac.

Juan 19:34

Qalaxaye so 'oonolec soua ale't, somaye ỹa'areua'a na laỹe So Jesús aso lataquiaxai, nache anac so ltago'q qataq so 'etaxat.

Miqueas 7:19

Qaq ña 'avi'eguelaxa qome da qomi' 'auchoxore'n, nache 'aulayiñi qome na qaye'etaxaloxosat, nache 'auasaxaña cam ỹataqta pa'aguiñi aso auaxai nam qarasouashetpi.

Daniel 9:24

Iuen qome da inoxonaqchetrec caua Setenta semanas nam 'arhuo' le'ecpi, qataq na qui'itta huaqta'a't nỹecpi maye 'aralamaxat, da yaqto' nache tachiguiña naqa'en da lle'etaxaloxo qataq da lasouaxashet, qataq yaqto' ỹaconeguet ca nchoxonnataguec souaxat nam qauempi, nache chochaq tatec qome naqa'en da na'ayiñi da nalochiguiñi lataxac, yaqto' ipacchigui qome som 'arauanaqchec qataq som 'ara'aqtaxanaxac, qataq da qaiqui'itaxat yem saqaishetapec.

Salmos 51:7

¡Aỹem 'auqui'itaxatta qome, aỹem 'aurolec ana nquetegaxanaqte hisopo yaqto' aỹem qui'itta! ¡Aỹem 'auỹo yaqto' aỹem qui'itta, nache ñapacalec da lapagaxa ana aloñi!

Salmos 51:2

Qataq 'auỹouec qome na ỹe'etaxaloxosat, qataq 'auỹouec na ỹasouaxashetpi.

Levítico 16:22

yaqto' que'eca quetaq da tauga ca toolec 'alhua, nache ỹachetac 'enauac nam qauemsat maye ỹo'ot na Israel le'ecpi.

Levítico 16:19

Ime, nache ỹa'ayingui ana llaxaata ca ntago'q, nache siete da ichegoxolec añimaye. Qaq 'era da 'eetec da qui'itta qanqa'en añi nca'atoxonaxalate, da yaqto' qaiỹouec na qauemsat maye ỹo'ot na Israel le'ecpi, yaqto' ishet da qui'itta.

Levítico 16:14

Ime, nache ỹacona aca laỹe' ca ltago'q ca huaca, nache ỹa'ayingui ana llaxaata, nache ichegoqot na laỹe maye pa'aigue da yo'oxoñi ñi lapoxot añi laỹe' naua aỹamaxataxaco. Qataq siete da ichegoxogue ca ntago'q da pa'aỹa'ague ñi'iñi lapoxot.

Levítico 14:51

Ime, qaq ỹacona ca laỹe aca qo'oipaq pino qataq aca naqta nchegoxosoxonaqte le'enaxat hisopo, qataq ca hualoq laỹe togaxaraic, qataq ca qoỹo maye ña nca'altauec, nache ỹapapiaxa't 'enauaque caamaye iuomaxaayingui ca latago'q ca qoỹo maye ileu, cam ỹalecta'aguet ca 'etaxat maye qaỹachegoxotangui ca npaxaatasheguem 'etaxat, nache siete da ichegoqot ca nỹec.

Levítico 13:17

yaqto' camaye imeten. Qaq da ila'a da ỹe'eguelaxa da ỹapagaq que'eca nhuetac, nache camaye da'aqtaxanem que'eca dalolaxaic da mashe qui'itta.

Levítico 13:13

qaq ca ntaxaỹaxanaxanec, nache imeten que'eca shiỹaxaua. Nache da ỹaỹaten da choche npa'aỹasheguem na hualec na lo'oc, na'aictaxa da imoota, nache ỹa'axat da qui'itta.

Levítico 8:11

Qataq siete da ichegoxolec so aceite aso nca'atoxonaxalate, nataqa'en ichegoxolec 'enauac so nhuenecpi maye chegaqaigui so lcat bronce, qataq so nỹoxonaxaqui qataq so lmala', nache ỹaneuo da ỹataqta qui'itta.

Levítico 4:17

nache ỹa'ayingui ana llaxaata ca ntago'q que'eca shiguiỹac, qataq siete da ỹe'eguelaxalec da ichegoxogue da pa'aỹa'ague ñi napoxonaxat, ỹauaachigui naqa'en Ñim Nataxala'.

Levítico 4:6

nache ỹa'ayingui ana llaxaata ca ntago'q qataq siete da ỹe'eguelaxalec da ichegoxogue da pa'aỹa'ague ñi napoxonaxat, ỹauaachigui naqa'en Ñim Nataxala'.

Números 19:12

Nache camaye nqui'itaxaala't ca na'a'q tres, nachelgui que'eca 'etaxat, qaq ca na'a'q siete nache qui'itta. Qaq da huo'otaq saishet da nỹo que'eca na'a'q tres, nache camaye saishet da qui'itta da lataxac ca na'a'q siete.