Levítico 14:6 - La'aqtaqa Ñim Lo'onatac 'Enauacna 2013

⁶ Ime, qaq ỹacona ca lỹa qoỹo maye ña nca'altauec, qataq ca laỹe ana qo'oipaq pino, qataq ca hualoq laỹe togaxaraic, qataq aca naqta nchegoxosoxonaqte le'enaxat hisopo. Nache ỹapapiaxa't 'enauaque caamaye, qataq ca qoỹo maye ña nca'altauec, nache iuomaxaayingui ca 'etaxat maye qaỹachegoxotangui ca npaxaatasheguem 'etaxat maye ỹaleeguet na ltago'q ca qoỹo maye ỹalauat.

Levítico 14:6 Referans Kwoze

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

Romanos 5:10

Cha'aye co'ollaq ñaq souaqtaigui da sepa'aguenaqtac Ñim Lo'onatac 'Enauacna, nache Ñimaye ỹachegoxotchigui da l-leuaxa So Llalec da ỹauo'o da qarlagaxayec, qaq nache ỹoqta 'itchiguiñi qone' da qomi' nca'alaxatre'c nagui da So Llalec nca'altauec qaq qomi' huo'o da qarlagaxayec da sonaqto'ot Ñimaye.

Romanos 4:25

Ñim Lo'onatac 'Enauacna ỹan So Jesús co'ollaxa da yaqto' qomi' ileualeguete souaxat na qarasouaxashetpi, qataq nca'alaxateeguesop da nleuaxa, da yaqto' ỹapalaxat na qarasouaxashetpi.

Juan 14:19

Qaq mashe yaqta'a da ivita ye laloqo' da na shiỹaxauapi saishet da Aỹem ila'a, qalaxaye qami' qalaq Aỹem qauloita'a. Cha'aye Aỹem na'aictaxa da seleu, qalaxaye qaltaq ñeca'alec, nache qami' so'oteque da nataqa'en qanca'alliiuec.

Zacarías 13:1

Qaq que'eca na'a'q, qalaq huo'o qome, ca npaxaatasheguem 'etaxat, da yaqto' nỹoxoqui da iỹouec na lasouaxashet qataq na lshepaxanaxa nam chegoxoguetpi so David qataq nam netaña na Jerusalén.

Levítico 14:4

nache ca ntaxaỹaxanaxanec ỹamaxalec cam shiỹaxaua maye no'oita, da ndoreuo caua dos qoỹo ña nca'altrauec, qataq qui'itte', qataq ca laỹe aca qo'oipaq pino, qataq ca hualoq laỹe togaxaraic, qataq aca 'oonole naqta na nchegoxosoxonaxat le'enaxat hisopo.

Levítico 14:5

Ime, nache ca ntaxaỹaxanaxanec ỹalauat ca 'oonolec caua qoỹo, nache naloqteetelec aca taxaqui 'alhua maye huetangui na le'ec 'etaxat, maye qaỹachegoxotangui ca npaxaatasheguem 'etaxat.

Salmos 51:7

¡Aỹem 'auqui'itaxatta qome, aỹem 'aurolec ana nquetegaxanaqte hisopo yaqto' aỹem qui'itta! ¡Aỹem 'auỹo yaqto' aỹem qui'itta, nache ñapacalec da lapagaxa ana aloñi!

Levítico 14:50

nache ỹalauat ca 'oonolec qoỹo naloqteetelec aca taxaqui 'alhua maye huetangui ca le'ec 'etaxat maye qaỹachegoxotangui ca npaxaatasheguem 'etaxat.