Levítico 14:57 - La'aqtaqa Ñim Lo'onatac 'Enauacna 2013

⁵⁷ yaqto' ỹataxaraic ca qui'itta qataq ca saishet da qui'itta. Qaq 'era da nqataxac da ivita da huo'o ca huec ca qauem nhuetaxanaxa, huo'otaq ca lcochaxa ca nỹec maye ishet da dalolaqtaxan.

Levítico 14:57 Referans Kwoze

Levítico 10:10

yaqto' ishet da qauaỹaañita da lataxac na npe'l maye sa qaishetapec, qataq naua ỹaqaugalo nanataqa'ate, qataq qauaỹaañita da qui'itta lataxac, qataq da nshepaxan lataxac,

Ezequiel 44:23

Na ntaxaỹaxanaxanecpi iuen da ỹapaxaguen na ỹalamaxat nhuo' le'ecpi, da yaqto' ishet da ỹauatton cam ỹalamaxat, qataq cam lalamaxat ca shiỹaxaua, qataq ỹauatton ca qui'itta qataq ca nshepaxan.

Jeremías 15:19

Qaq huaña nache Ñim Nataxala' aỹem ỹasateguet, 'eeta': «Da Aỹem 'añe'eguelaxa, nache qaltaq 'am saconeguet, nache ishet da Aỹem 'auo'onataxanot. Da 'avita'aguet nam saq 'en ntaxaỹaxacpi, nache ndotec da 'aua'axat nam ntaxaỹaxacpi maye no'on na naigui, qaq nache 'am qome da 'aua'axattac Aỹem. Qaq namayepi nachena nam iuen da 'am ỹe'eguelaxaguet qome, qaq saishet da nache 'am da 'avi'eguelaxaguet namayepi

Deuteronómio 24:8

Qaq da huo'otaq huo'o ca nchega na lo'oc, nache qaupaquiichigui qome ca lapaxaguenataxanaxacpi na ntaxaỹaxanaxanecpi leviitapi. Yaqto' ipacchigui 'enauac da samaxalec namayepi.

Levítico 14:56

qataq na lalaache na no'oc huo'otaq da nasheguem ana ỹataqta nhueta, huo'otaq da nasheguem na chiỹaxatapega't na no'oc,

Levítico 15:1

Ñim Nataxala' 'enapega so Moisés qataq so Aarón, 'eeta':

Levítico 13:59

Qaq 'era da llec ca nogoxoshetpi maye huagui na chegaqaigui na nhuetaxanaxa maye nchega naqa'en na no'oc, ca qagueta laue, huo'otaq ca chegaqaigui ca lino, huo'otaq ca nogoxoshetpi chegaqaigui ca lo'oc, cam ishet da qaỹa'axat da qui'itta huo'otaq saishet da qui'itta.