Levítico 14:46 - La'aqtaqa Ñim Lo'onatac 'Enauacna 2013

⁴⁶ Qataq 'enauac ca huenoxonoigui que'eca nỹec da mashe damaxasoxoolec ca ntaxaỹaxanaxanec da qaỹapogui, nache camaye saishet da qui'itta ivitta'a ca pe.

Levítico 14:46 Referans Kwoze

Levítico 22:6

nache camaye saishet da qui'itta ivitta'a da pe. Ỹoqo'oye camaye saishet qome da chec ca nachetaqtaxanaxat maye qoỹaneuo, da ñaq saxanaxa da nachel da yaqto' nỹola't.

Levítico 17:15

Nache ca Israel le'ec huo'otaq ca chegaqauec, da chec ca lapat ca shiguiỹac leuaxaic, huo'otaq ca lalaatac ca shiguiỹac maye dequi'iỹapec, camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe. Qaq da ime, nache qui'itta.

Levítico 15:10

Qataq da huo'o ca ipoteua'a ca nogoxoshetpi maye nso'oolec que'eca ỹale, nache saishet da qui'itta ivitta'a da pe. Qataq ca shiỹaxaua da huo'otaq ỹache ca camachaqca que'eca nogoxoshetpi, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 11:28

Qaq ca ỹacoosop ca 'oonolec ne'ena shiguiỹacpi da mashe leuaxaic, nache nataqa'en saishet da qui'itta iviraigui ca pe. Qaq ỹoqo'oye camaye iuen da iỹoi' caua alogo.

Levítico 14:47

Qataq da huo'o ca deque'etaigui, huo'otaq do'ochiỹaigui que'eca nỹec, nache camaye iuen da iỹoi' caua alogo.

Levítico 11:27

Nache 'enauac na shiguiỹacpi maye cuatro naua lapia'ate, qalaxaye dapiaxanalo naua lapia' lavi'illi, namayepi nataqa'en saishet da qui'itta. Qaq ca shiỹaxaua da ỹasheleua'a ca mashe leuaxaic ne'ena shiguiỹacpi, nache nataqa'en saishet da qui'itta iviraigui ca pe.

Levítico 11:31

Qaq 'ena na shiguiỹacpiolec maye saishet da qui'itta. Qaq ca shiỹaxaua da ỹasheleua'a ca mashe leuaxaic ne'ena shiguiỹacpiolec, nache camaye saishet da qui'itta iviraigui ca pe.

Levítico 11:32

Qaq ca mashe leuaxaic ne'ena shiguiỹacpiolec maye saishet da qui'itta, da talec ca nogoxoshet 'epaq, nogoxot, nogoxoshet maye chegaqaigui na lo'oc na shiguiỹac, huo'otaq ca machaqca na no'onataxanaxatpi, nache camaye saishet da qui'itta iviraigui ca pe, qaq ỹoqo'oye camaye iuen da qaisheraxangui ca 'etaxat, qaq da ime nache qaltaq qui'itta.

Levítico 11:39

Qalaxaye da huo'otaq huo'o ca maiche ileu nam shiguiỹacpi maye ishet da qanallec, nache ca ipoteua'a camaye, nache saishet da qui'itta iviraigui ca pe.

Levítico 11:40

Qaq ca chec na lapat que'eca shiguiỹac maye maiche ileu, camaye iuen da iỹoi' caua alogo, qalaxaye saishet da qui'itta iviraigui ca pe, qataq ca ỹacoosop camaye, iuen da iỹoi' caua alogo qalaxaye saishet da qui'itta iviraigui ca pe.