Levítico 14:41 - La'aqtaqa Ñim Lo'onatac 'Enauacna 2013

⁴¹ Ime, qataq damaxasoxoolec da qanamarecta 'enauac ca lauel ca nỹec, nache ca namareeguishec lsoche, nache qaỹasaxauga ca saishet da qui'itta maye huauga ca pa'auec ca nỹecpi.

Levítico 14:41 Referans Kwoze

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

1 Timoteo 1:20

Qaq nache 'eetec da huaiguilo soua Himeneo nataqa'en so Alejandro. Ỹoqo'oye soomaye sanegueta so pa'aguenataxanaxaic, yaqto' saishet da nache 'eetra'ac da quetralec da sa iyacna'ape Ñim Lo'onatac 'Enauacna.

Mateo 24:51

nache ỹauo'o ca nhuaxanaguec camaye, 'eeta'am naqa'en da nhuaxanaguec 'enauac nam namaxashecpi maye ỹatenachet ca na'aco'. Huaña, nache nỹeetac, qataq ỹataqta inaga't naua lhue da nqui'ic.

Mateo 8:28

Qaq So Jesús co'ollaq mashe ivittague da le'ego aso lapel late'erai, ivittra yem 'alhua Gadara, nache ana'c soua dos ỹale't maye netaiguilo so saqcha'a na'añaxac leguemaxaic soomaye chegoqtroigui ca napa'alpi da ca'atra'aguet So Jesús. Qaq se'esoua ỹale't ỹataqta chaqaiqa, ỹoqo'oye qaica ca ishet da tateuga se'eso nqa'aic. Qaq se'esoua dos ỹale't co'ollaq nquiguereua'a So Jesús,

Isaías 65:4

qataq nso'ootañi naxa netagui na laiñi ana huachiquipi qataq hueta'a naxa ye pe nam ỹapochiguiñi nanataqa'pi, nache chectac na lapat ana cos late'e, qataq nlaxatchigui ana lataxaquipi nam nallec maye qaiqaiga.

Levítico 14:40

nache camaye damaxasoxoolec da qanqat ca coma'pi maye decoche, qataq qaỹasaxauga ca saishet da qui'itta maye huauga ca pa'auec ca nỹecpi.

Levítico 14:42

Ime, nache qaỹacona ca laỹe coma'pi da yaqto' nmeneguet ca qanqat coma'pi, qataq qanaralaxat ca 'alhua maye na'amnaxanaxat da qaỹa'amiiñi ca coma' que'eca nỹec.

Levítico 14:45

Qaq huaña, nache qanlaxaañi que'eca nỹec, nache 'enauac ca coma', 'epaq qataq ca la'amnaxat 'alhua, nache qaỹasaxauga ca saishet da qui'itta maye huauga ca pa'auec ca nỹecpi.

Ezequiel 26:4

nache ilaxachigui na 'arpaqtaxanaxatpi qataq hua'axañi naqa'en ana 'aralloxolatepi. Qaq ivira'a ca lsoche na coma' da sequeloguec qome, nache ivitta'a da 'eeta'am ñaqa'en aca salleeta coma'.