Levítico 14:39 - La'aqtaqa Ñim Lo'onatac 'Enauacna 2013

³⁹ Nache da ivi' caua siete na'axa'te, nache ca ntaxaỹaxanaxanec qaltaq ỹe'eguelaxalec da imeten ca nỹec, nache da huo'otaq nquictauec ca huaigui na lauel ca nỹec,

Levítico 14:39 Referans Kwoze

Levítico 13:51

Qaq da ivildec caua siete na'axa'te, nache imeten que'eca hualec ca nogoxot, qaq da mashe nquiguec na lcochaxa que'eca nogoxot, huo'otaq ca no'oxonec, huo'otaq ca nogoxoshet chegaqaigui na lo'oc, qache nachera da nhuetaxanaxa maye nchega naqa'en na no'oc, nache que'eca nogoxoshet saishet da qui'itta.

Levítico 13:36

nache ca ntaxaỹaxanaxanec iuen da ỹoltaq imeten camaye. Qaq da nache nquictauec aca lhueta na lqaic, nache sa iuen da imeten da huo'otaq qovialec na laue, cha'aye que'eca shiỹaxaua saishet da qui'itta.

Levítico 13:27

Qaq da inoxoorec caua siete na'axa'te, nache ca ntaxaỹaxanaxanec ỹoltaq imeten, nache da ilalec da huo'o na hualec que'eca lavigaxa qataq nquictauec, nache camaye da'aqtaxanem da saishet da qui'itta que'eca shiỹaxaua.

Levítico 13:22

Qaq da nquictauec aca nasheguem lhueta na lo'oc, nache ca ntaxaỹaxanaxanec nacherata da da'aqtaxanem da saishet da qui'itta que'eca shiỹaxaua.

Levítico 14:38

nache camaye pa'auec, nache damaxasoxoolec da qaỹapogui que'eca nỹec caua siete na'axa'te.

Levítico 14:40

nache camaye damaxasoxoolec da qanqat ca coma'pi maye decoche, qataq qaỹasaxauga ca saishet da qui'itta maye huauga ca pa'auec ca nỹecpi.