Levítico 14:36 - La'aqtaqa Ñim Lo'onatac 'Enauacna 2013

³⁶ Qaq nache qanqatec 'enauac na huetaigui que'eca nỹec da yaqto' saishet da ivira'a nataqa'en da decoche. Qaq da ime, nache ca ntaxaỹaxanaxanec huenoxoneua'a da imeten camaye.

Levítico 14:36 Referans Kwoze

Apocalipsis 18:4

Ime, nache qaltaq sa'axaỹa so lỹa nvilỹaxac, chemqot na piguem, 'eeta': «Qami' ỹalamaxatpi. Qoquiỹa'ai na Babilonia, qataq saishet da qauauo'oi ca qarasouaxashechi da qoñiỹa'am ayemaye, yaqto' saishet da qami' taleguete cam qaica ca 'ena'am da lchec napaxaco maye talec qome.

Hebreos 12:15

Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!

1 Corintios 15:33

Saishet qome da maiche qanatenacheetapeguela't. Cha'aye 'eesa naxa da na'aqtac maye 'eeta': «Ca qauemaic shiỹaxaua na'aqchet ca no'on lataxac ca lỹa.»

Levítico 14:35

nache ca lalamaxat que'eca nỹec, taua'a ca ntaxaỹaxanaxanec da yaqto' dalaxanec camaye, 'eeta': ‹Na lauel ñi ima' huo'o na nasheguem lcochaxa›.

Levítico 14:37

Qaq ca ntaxaỹaxanaxanec, da imeten ca nasheguem lcochaxa que'eca nỹec, nache da ila'a da mashe qaramchiguiñi camaye qataq daralalec, huo'otaq tocalec da lo'oxoỹaxac, qataq mashe sa nsatchiguiñi,

Números 19:15

Qataq 'enauac qome aca naco'oñapi maye nauattangui huo'otaq sa ỹaỹamaxañi ca lapoxot saishet qome da qui'itta.