Levítico 14:34 - La'aqtaqa Ñim Lo'onatac 'Enauacna 2013

³⁴ «Qom mashe qaunoxoñiiua'a ye Canaán, yem 'alhua maye qami' sanema qome da yaqto' qaralamaxache, nache da ivita da huo'o ca nỹec da decoche yi'iye 'alhua maye qoviita'a qome,

Levítico 14:34 Referans Kwoze

Deuteronómio 32:49

«'Asheguema qome aye qasoxonaxapi ye Abarín, nache 'anotsheguema añi qasoxonaxa Nebo, yem huaigui ye na'alhua ye moabiitapi, maye datatta ye Jericó, nache 'auallelec qome ye 'alhua Canaán, maye sanem qome da lalamaxat ñaqa'en na Israel le'ecpi.

Génesis 17:8

Qaq 'am qataq cam 'am chegoxoguetpi, sanem qome 'enauac na 'alhua Canaán, nam qonetaña nagui, da chochaq tatec da lalamaxat qome camayepi, qaq Aỹem nachaỹem natamnaxala' qome camayepi.»

Números 32:22

qataq da mashe ỹacona yi'iye 'alhua, qaq huaña nache ishet da qañe'eguelaqai. Cha'aye mashe ime da qaualaqaiguet Ñim Nataxala' qataq da qautauañi na Israel le'ecpi, nache ne'ena 'alhua qaralamaxache qami' ỹanema Ñim Nataxala'.

Miqueas 6:9

Ñim Nataxala' iỹaxaatega nam huaqta'a't nỹecpi, qaq ca huo'o naq 'enec naqa'en da le'enaxat Ñimaye, qaq nacheca ca ỹaanaxanaxaic. Ña qana'axaỹaxañi qami' nhuo' le'ecpi, qataq qami' shiỹaxauapi maye qaỹa'añiitac nam nqataxacpi.

Amós 6:11

Cha'aye Ñim Nataxala' talec naqa'en qome ca nhuaxanaguec, nam nma' lta'araicpi qataq nam qapio'olecpi, nache ivitta'a da ỹataqta 'enauac qome da nlachiguiñi.

Amós 3:6

Qaq da qaỹashiiyigui aca nasheere da huaña ca huaqta'a't nỹecpi, nache na shiỹaxauapi ỹataqta ỹe'elaq, qaq da huo'o ca qauem talec que'eca huaqta'a't nỹecpi, qache maiche namaq Ñim Nataxala'.

Isaías 45:7

Aỹem so'ot co'ollaxa na yo'oqchiguiñi qataq na napalaxa, qataq so'ot dam ỹaỹamaqchiguiñi qataq dam qauem. Aỹem Nataxala' Aỹem maye so'ot 'enauac namayepi.

Proverbios 3:33

Ñim Nataxala' ỹasaxalec ca qauem ca lma' ca qauemaic, qalaxaye ỹasaxalec da lchoxonnataxanaxa ca lma' ca no'on da lataxac.

1 Samuel 2:6

Ñim Nataxala' ỹan, qataq nqat da achaalataxac, qataq saxangui naqa'en aca huachiqui, qalaxaye nataqa'en ishet da qomi' nqatsheyegue'm.

Josué 13:1

Qaq co'ollaq mashe ỹa'axaiquiolec so Josué, nache Ñim Nataxala' 'enapega somaye, 'eeta': «'Am, mashe 'am ỹa'axaiquiolec, qalaxaye ñaq qalota na no'onañi 'alhuapi maye ñaq saxanaxa da qaiuotaxanec.

Deuteronómio 27:3

da yaqto' qoỹerelec acamaye 'enauac ne'ena na'aqtacpi maye iqataxacpi maye qami' sanema. Qaq namayepi nache qauo'oche qom mashe ime da qaua'axasoxoñiilec ye tala Jordán, da mashe qaunoxoñiiua'a ye 'alhua maye qami' ỹanema Ñim Nataxala' maye Qanatamnaxala'ai da yaqto' qaralamaxache, yem 'alhua maye huaña da sa qoue na huaca lche' qataq na te'esaq lli'i, qaq ipacchigui qome da la'aqtac Ñim Nataxala' maye Qanatamnaxala'ai co'ollaq ỹachaxanapecot so hua'au qarta'ailpi.

Deuteronómio 26:1

Qaq qom ivita da qaunoxoñiiua'a ye 'alhua maye qami' ỹanema qome Ñim Nataxala' maye Qanatamnaxala'ai, da yaqto' qaralamaxache qataq da mashe qoñiỹalec yemaye,

Deuteronómio 19:1

Qaq Ñim Nataxala' maye Qanatamnaxala'ai, qom mashe ime da ilaxachigui ye ỹotta'a't shiỹaxauapi, nache da qami' ỹanaleguete naua lma'ate maye netaleguete nagui, qaq qom mashe qoñiỹaigui yem huaqta'a't nỹecpi maye lalamaxat yemayepi,

Deuteronómio 12:1

Qaq 'ena na nqataxacpi, qataq na qalapaxañi lataxacpi, maye iuen da ỹataqta qaualaqaiguet, qom mashe qoñiitalec ye 'alhua maye qami' ỹanema Ñim Nataxala' maye Natamnaxala' so hua'au qarta'ailpi.

Deuteronómio 7:15

Qataq Ñim Nataxala' ỹataqta qami' ntela'alo qome, saishet da qami' hueque naqa'en na nalolaxasat, qataq na ỹotta'a't napiina maye iuaxanec co'ollaxa so Egipto le'ecpi, nachecata na qami' ipa'agueeta'ape maye huec naqa'en.

Números 35:10

«'Aua'aqtaxanem na Israel le'ecpi, qoneta': Qom qaua'axasoxoñiilec ye tala Jordán da qaunoxoñiiua'a ye 'alhua Canaán,

Números 32:32

Nache ña'ataxagui na qaro'ogoxonaxat da ñeqo'onaxata ye 'alhua Canaán da salaxasoxoguet Ñim Nataxala'. Qalaxaye qomi' saconaxa ne'ena 'alhua maye npa'aitague na le'ego na Jordán da qaralamaxat.

Levítico 25:2

«Qonapega qome na Israel le'ecpi qoneta': Da ivita da qaunoxoñiiua'a ye 'alhua maye qami' sanema qome da yaqto' qaralamaxache, nache yemaye huo'o qome ca laloxoqui da qanmataxanaxañiiuec na 'alhua, souaxat da ỹataqta qavio'oxoyiñi Ñim Nataxala'.

Levítico 23:10

«Qonapega qome na Israel le'ecpi da ivita da qaunoxoñeeua'a ye 'alhua maye qami' sanema qome, nache da ivita da qanqache ca ala ca trigo, nache qaroiua'a qome ca ntaxaỹaxanaxanec aca 'oonole hua'auchiguiñi naqta que'eca nqateguishec.

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Génesis 13:17

Ñaq qoñishiguem, nache 'aucoleelec ne'ena 'alhua, nache 'avira'a qome yem loga't dam lalogaxa, qataq ye lcateueegue namaye, cha'aye Aỹem, 'am sanem qome.»

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Levítico 14:33

Ñim Nataxala' 'enapega so Moisés qataq so Aarón, 'eeta':

Zacarías 5:4

Qaq Ñim Nataxala' maye Qaica ca Ỹaqalanapec da la'aqtac, 'eeta': ‹Aỹem ñamaq ne'ena qauem da yaqto' taigui ca lma' ca cachaxaic, qataq ca lma' cam ỹan ca la'aqtac da datenataxangui da ỹe'enaxat. Qaq de'era qauem nache hueta'a qome ca lma' camaye nache ilaxachigui, cañe' naqa'en na l-llecnaxanaxatpi qataq na coma'pi.›»

Levítico 14:55

huo'otaq ca lcochaxa ca nogoxot, qataq ca lcochaxa ca nỹec maye ishet da dalolaqtaxan,

Levítico 20:24

Qaq ỹoqo'oye qami' sanema da ỹa'aqtac, 'eeta': ‹Yi'iye 'alhua maye lalamaxat yemayepi, qami' sanema qome da yaqto' qaralamaxache, ye 'alhua maye huaña da qaica ca qoue na qanallec›. Qaq 'era da ỹa'aqtac, Aỹem Nataxala' maye Qanatamnaxala'ai maye qami' seỹotaugalo da yaqto' qami' ỹataxaraiqa da qoviitangui na ỹotta'a't shiỹaxauapi.