Levítico 14:32 - La'aqtaqa Ñim Lo'onatac 'Enauacna 2013

³² Qaq 'era da nqataxac ca shiỹaxaua dalolaxaic maye huec ca qauem lhuetaxanaxa na lo'oc, qataq da sa ỹañoxot da late'erai aca lachetaqtaxanaqte da yaqto' qui'itta.

Levítico 14:32 Referans Kwoze

Levítico 14:21

Qaq da huo'otaq choxoraq que'eca dalolaxaic, nache camaye ỹaconeua'a ca 'oonolec qagueta llalec da yaqto' lachetaqtaxanaxat, qataq ca napacttelec na dos kilos na ỹataqta no'on lsoche na ala ca nañiguishec maye qairaqneguet na aceite, da yaqto' lachetaqtaxanaxat, qataq ca ỹaqauga laỹolec ca aceite,

Levítico 14:10

Qaq da ivireuga ca na'a'q ocho, nache camaye ỹaconeua'alo caua dos qagueta llalqa maye qaica ca lque'emaxa, qataq aca 'oonolec qagueta llale maye ñaq 'oonolec vi'i, qataq ca seis kilos y medio ca ỹataqta no'on lsoche na ala na nañiguishec, da yaqto' lachetaqtaxanaqte maye ndaqñiguishec lalegue ca aceite, qataq ca ỹaqauga laỹolec ca aceite.

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Salmos 136:23

Ñim saishet da qomi' icoua'aisalo na'aictaxa da qomi' qaỹachetraiya', cha'aye da lauotaxanaqtaic chochaq tatec.

Levítico 14:2

«Qaq 'era da llec da qaỹa'axat da qui'itta ca shiỹaxaua maye huec da nhuetaxanaxa maye nchega naqa'en na no'oc. Que'eca dalolaxaic iuen da qaỹauegueua'a ca ntaxaỹaxanaxanec,

Levítico 13:59

Qaq 'era da llec ca nogoxoshetpi maye huagui na chegaqaigui na nhuetaxanaxa maye nchega naqa'en na no'oc, ca qagueta laue, huo'otaq ca chegaqaigui ca lino, huo'otaq ca nogoxoshetpi chegaqaigui ca lo'oc, cam ishet da qaỹa'axat da qui'itta huo'otaq saishet da qui'itta.

Levítico 13:2

«Ca shiỹaxaua da huo'o ca lalaache na lo'oc, huo'otaq da nasheguem na lo'oc, huo'otaq da chiỹaxatapega't, nache camaye iuen da qaỹauegueua'a ñi ntaxaỹaxanaxanec Aarón huo'otaq ca 'oonolec nam chegoxoguetpi ñimaye.

Levítico 14:31

Nache ca 'oonolec ỹaneuo da nachetaqtaxanaxat maye sa imauaq da qaỹavigaxat, qaq ca lỹa nache nachetaqtaxanaxat qaỹavigaxatta, qataq aca nachetaqtaxanaqte chegaqaigui na ala ca nañiguishec. Qaq 'era da 'eetec so ntaxaỹaxanaxanec da yaqto' qaỹapalaxat ca lasouaxashet que'eca shiỹaxaua maye nqui'itaxattac».

Levítico 14:33

Ñim Nataxala' 'enapega so Moisés qataq so Aarón, 'eeta':