Levítico 14:3 - La'aqtaqa Ñim Lo'onatac 'Enauacna 2013

³ nache camaye ỹauegueuga ca pa'auec ye nanataqa' maye qanayeetaña da yaqto' imeten. Nache da ila'a da mashe no'oita na lo'oc,

Levítico 14:3 Referans Kwoze

Levítico 13:46

Qaq 'enauaque caua na'axa'te da hueta'ac da nhuetaxanaxa maye nchega naqa'en na lo'oc ca shiỹaxaua, nache saishet da qui'itta. Ỹoqo'oye qaiỹotauga da tauga ca pa'auec ca nanataqa' maye qanayiutaña, qataq nache 'oonolec camaye.»

Lucas 7:22

Ime, nache 'enapegalo' se'esoua dos ỹale't, 'eeta': –Qauesomiỹa qome, qaua'aqtaxañim ca Juan 'enauac nam qauauañiichigui qataq qaua'aqaichigui. Nagui nam qanamaicpi ishet da nauaañi Qataq nam qaica ca lche lỹa qalaq ỹaỹamaxañi da lqueuoxoc. Qataq nam nchega na lo'oc qalaq no'oita qataq nam da'añaigui na lqaic qaltaq ishet da hua'aqa. Qataq nam mashe saqcapi qalaq ỹe'eguelaxalec da nca'alec, qataq nam choxoraqpi qaỹa'aqtaxanem da no'on na'axaỹaxac maye chegaqaigui da nca'alaxa.

Lucas 4:27

Se'eso na'a'q, nataqa'en na lma' na Israel le'ecpi ỹataqta qalota na sa no'on maye nchega na lo'oc, qalaxaye so Eliseo ndotec da nataren so Naamán maye lma' ye 'alhua le'enaxat Siria.

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Mateo 10:8

Qataq qanatayiñi nataqa'en na sa no'onpi. Qataq qanca'alaxacheeuec nam mashe ileupi. Qataq qanatayiñi nam nchega na lo'oc, qataq qauo'oyiỹauec na saqcha'a na'añaxac leguemaxaicpi maye netaigui na shiỹaxauapi. ¡Qataq saishet da qauỹaxañiỹaique aca lasheue nam qauo'oche, cha'aye de'era na'añaxac maye qauo'onataxañiitega damaye chegoqo'ot Ñim Lo'onatac 'Enauacna qataq choche qami' qoỹaatema!

Da na'aqtaguec so Job 5:18

Cha'aye Ñimaye da ỹo'ot ca nque'emaxa, qalaq nataqa'en nataren, qataq da huo'o ca iuaxan qalaxaye nataqa'en nataren.

2 Reyes 5:14

Huaña, nache so Namán, taxaama co'ollaxa so tala Jordán, nache siete da huomñigui, ipacchigui da la'aqtac so la'aqtaxanaxanec Ñim Lo'onatac 'Enauacna, nache na lo'oc somaye ỹe'eguelaxa da 'eeta'am na lo'oc ca nogotolec, nache ỹataqta no'oita.

2 Reyes 5:3

Qaq asa'aso nogotole, 'enapego' co'ollaxa aso na'acoro, 'eeta': So ña'aco' taxa da nqo'ona ñi Eliseo, maye la'aqtaxanaxanec Ñim Lo'onatac 'Enauacna maye netaña ye Samaria, nache ishet da no'oita na lo'oc maye huetalec na lepra.

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Levítico 13:2

«Ca shiỹaxaua da huo'o ca lalaache na lo'oc, huo'otaq da nasheguem na lo'oc, huo'otaq da chiỹaxatapega't, nache camaye iuen da qaỹauegueua'a ñi ntaxaỹaxanaxanec Aarón huo'otaq ca 'oonolec nam chegoxoguetpi ñimaye.

Levítico 14:48

Qalaxaye da pa'auo ca ntaxaỹaxanaxanec da yaqto' imeten, nache da ila'a da saishet da ỹe'eguelaxa da huo'o ca lcochaxa que'eca nỹec da mashe ime da qanaralaxat na la'amnaxat, nache ỹa'axat da qui'itta, cha'aye qaica ca lcochaxa camaye.