Levítico 14:29 - La'aqtaqa Ñim Lo'onatac 'Enauacna 2013

²⁹ Nache ca no'onañi ca aceite, nache ỹa'ameelec na lqaic ca shiỹaxaua maye nqui'itaxattac. Qaq da 'eetec de'era ca ntaxaỹaxanaxanec, nache qaiỹouec ca lalolaxa que'eca shiỹaxaua.

Levítico 14:29 Referans Kwoze

Levítico 14:18

Nache ca no'onañi ca aceite, ỹa'ameelec na lqaic cam shiỹaxaua maye nqui'itaxattac. Qaq 'era da 'eetec ca ntaxaỹaxanaxanec da yaqto' qaiỹouec ca lalolaxa que'eca shiỹaxaua.

1 Juan 5:6

So Jesucristo co'ollaq nvira ana 'alhua, nache qanachelaxangui na 'etaxat, qaq co'ollaq ileu, nache icolde'c soua ltago'q. Qaq som Saqcha'a La'añaxac Ñim Lo'onatac 'Enauacna, nacheso som da'aqtaxan, qaq 'enauac nam ỹa'axat Somaye ỹataqta 'eesa.

Juan 17:19

Qataq souaxat naamaye, nache Aỹem ỹataqta 'am ñañanot yaqto' naamaye nataqa'e'n ishet da 'am nañaarot, chegoqchigui dam 'eesa lataxac.

Levítico 14:20

nache ỹaneuo aca nachetaqtaxanaqte chegaqaigui ana ala ca nañiguishec npa'axatcheguem da ỹachalec añi nca'atoxonaxalate maye mashe huetalec aca lỹa nachetaqtaxanaqte. Qaq 'era da 'eetec ca ntaxaỹaxanaxanec da yaqto' qaiỹouec ca lalolaxa, qataq ỹa'axat da qui'itta que'eca shiỹaxaua.

Levítico 14:28

Qataq ca aceite maye no'onaigui na lhuaq lauel ca ntaxaỹaxanaxanec, nache ỹa'amen aca aloiguishe ltela da'am, qataq aca aloiguishe llaxaata late'erai, qataq aca aloiguishe lqona late'erai ca shiỹaxaua maye nqui'itaxattac, nache pa'aguiñi naqa'en ca ltago'q ca nachetaqtaxanaxat.

Levítico 14:30

Ime, nache ca ntaxaỹaxanaxanec ỹaareuo caua qoto' lta'araiqa, huo'otaq caua qoto' llalqa, cam ỹaareuo cam shiỹaxaua maye nqui'itaxattac.