Levítico 14:11 - La'aqtaqa Ñim Lo'onatac 'Enauacna 2013

¹¹ Nache ca ntaxaỹaxanaxanec ỹauegueua'a camaye ye ñegueuo ñi npe'l maye huaña naxa da qanauane' Ñim Nataxala' qataq ca lachetaqtaxanaxat.

Levítico 14:11 Referans Kwoze

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

Números 8:21

Qaq somayepi nỹota co'ollaxa qataq iỹoi' naua alogo. Nache so Aarón ỹaneuo somayepi da yaqto' nachetaqtaxanaxat, qataq ỹo'ot da lataxac da yaqto' qaỹapalaxat na lasouaxashetpi.

Levítico 8:3

nache 'alaỹona't 'enauac na Israel le'ecpi huaña ye ñegueuo ñi npe'l».

Levítico 14:10

Qaq da ivireuga ca na'a'q ocho, nache camaye ỹaconeua'alo caua dos qagueta llalqa maye qaica ca lque'emaxa, qataq aca 'oonolec qagueta llale maye ñaq 'oonolec vi'i, qataq ca seis kilos y medio ca ỹataqta no'on lsoche na ala na nañiguishec, da yaqto' lachetaqtaxanaqte maye ndaqñiguishec lalegue ca aceite, qataq ca ỹaqauga laỹolec ca aceite.

Levítico 14:12

Ime, nache ca ntaxaỹaxanaxanec ỹaconeua'a ca 'oonolec que'ecaua qagueta, nache ỹaneuo lỹateuo naqa'en ca laỹolec ca aceite da yaqto' lachetaqtaxanaxat maye sa imauaq da qaỹavigaxat, nache ỹaasheguem da ỹanot Ñim Nataxala'.

Levítico 14:23

Qaq da ivireuga ca na'a'q ocho, nache iroua'a ca ntaxaỹaxanaxanec da yaqto' qui'itta, huaña ye ñegueuo ñi npe'l maye huaña naxa da qanauane' Ñim Nataxala'.