Levítico 13:7 - La'aqtaqa Ñim Lo'onatac 'Enauacna 2013

⁷ Qalaxaye da qaltaq nquictauec ca nasheguem na lo'oc ca dalolaxaic, da mashe ime da imeteetac ca ntaxaỹaxanaxanec, qataq mashe da'aqtaxanem da no'oita, nache camaye iuen da qaltaq taua'a ca ntaxaỹaxanaxanec da yaqto' ỹoltaq imeten.

Levítico 13:7 Referans Kwoze

Salmos 38:3

Qaq souaxat de'era 'aralemataic, nache 'enauac da ỹo'ocỹaxac ỹataqta dalola, qataq qaica ca 'oonolec na ipi'inecpi da no'oita, souaxat na ỹasouaxashetpi.

Levítico 13:27

Qaq da inoxoorec caua siete na'axa'te, nache ca ntaxaỹaxanaxanec ỹoltaq imeten, nache da ilalec da huo'o na hualec que'eca lavigaxa qataq nquictauec, nache camaye da'aqtaxanem da saishet da qui'itta que'eca shiỹaxaua.

Levítico 13:2

«Ca shiỹaxaua da huo'o ca lalaache na lo'oc, huo'otaq da nasheguem na lo'oc, huo'otaq da chiỹaxatapega't, nache camaye iuen da qaỹauegueua'a ñi ntaxaỹaxanaxanec Aarón huo'otaq ca 'oonolec nam chegoxoguetpi ñimaye.

Levítico 13:6

Nache da inoxoorec caua lỹa't siete na'axa'te, nache ỹoltaq imeten. Qaq da ila'a da nquictañi qataq saishet da nquictauec que'eca nhuetac, nache ca ntaxaỹaxanaxanec da'aqtaxanem da mashe qui'itta camaye, cha'aye choche nasheguem na lo'oc. Nache que'eca shiỹaxaua iỹoi' caua alogo, qataq nache qui'itta.

Levítico 13:8

Qaq da ime da imeten ca ntaxaỹaxanaxanec que'eca dalolaxaic, nache da ila'a da mashe nquictauec aca nasheguem na lo'oc, nache camaye da'aqtaxanem da saishet da qui'itta que'eca shiỹaxaua, cha'aye huec na nhuetaxanaxa maye nchega naqa'en na lo'oc.

Levítico 14:39

Nache da ivi' caua siete na'axa'te, nache ca ntaxaỹaxanaxanec qaltaq ỹe'eguelaxalec da imeten ca nỹec, nache da huo'otaq nquictauec ca huaigui na lauel ca nỹec,