Levítico 13:47 - La'aqtaqa Ñim Lo'onatac 'Enauacna 2013

⁴⁷ «Qaq da huo'o ca nogoxot chegaqaigui ca qagueta laue, huo'otaq ca lino da decoche,

Levítico 13:47 Referans Kwoze

Judas 1:23

Qanca'alaxacheeuec nam iuen da qanca'alaxateeguesop cam nhuaxanaqa' na 'etaxaloxoicpi, qataq qauchoxoyiñi nam nataqa'en iuen ca nchoxonnataguec. Qalaxaye ỹataqta qarvichiỹa'aguet da qauo'oche nataqa'en nam qauem maye ỹo'ottac namayepi.

Colosenses 3:3

Cha'aye qami' mashe qarleuaxauai So Cristo, qaq nagui da qanachaalataxaqui hueto'ot Somaye da na'attaua'a Ñim Lo'onatac 'Enauacna.

Efesios 4:22

Qaq ỹoqo'oye 'onaxaic da saishet da qoviitaigui huo'otaq qavi'eguelaqaỹa da togoshec qarataxaqui, dam qauem lqopitaxanaqtaic co'ollaxa da qarapachiỹaxaqui maye ỹauectac da qanachaalataxaqui.

Romanos 13:12

¡Mashe yaqta'a da ivita ye laloqo'! Qaq ỹoqo'oye nagui saxanaxañi da so'otaqtac da qaye'etaxaloxo, cha'aye da qaỹo'ottac damaye, nache 'eeta'am da qanayeetaigui na napalaxa. Nachaqrata da so'otaq ca ỹaỹamaqchiguiñi maye 'eeta'am da qanayeetaigui da yo'oqchiguiñi. Ñellaqañi da qarqopitaxanaqtaic maye qomi' ỹauecta'alo da so'otaq ca qauem, ime, nache ño'onaxataq da qarataxac, 'eeta'am da ima'ape naua na'axa'te da souaqtaigui ye na'a'q. Saishet da ñeqo'onaxa ca naponaxac maye huaña da sa qailo'ogue da nataxac, saishet da qomi' taxaiqa qataq saishet da qomi' quisheguetaxaiqa, qataq saishet da qolaqtague' da qaramanaxanaqtaic, qataq saishet da ñimitaqta'a da loquiaxac, qataq saishet da qomi' ca'alaxanaxaiqa. Nachaqrato' da sa'axasoqta'a So Jesucristo da qomi' npaxattaleguete qataq qomi' itauaata'ape da se'enaxataq da maiche lataxac.

Ezequiel 16:16

Qataq 'auo'onataxana aso 'arpoto da 'auo'ot na 'arpe'lpi 'aỹa'analec ana lcomaraxalatepi da 'avio'oxoren na ỹaqa'a atamnaqa'pi, qataq nache huaña da 'anquishestague' namayepi. Qaq saỹauano' da qaỹauaachigui co'ollaxa ca 'ena'am de'era.

Isaías 64:6

'Enauac da shenaqta, shenaqta'am ca ỹale maye nshepaxan da lataxac, qataq 'enauac nam no'on qaro'onatacpi 'eeta'am ca hualoxolaỹi maye ỹataqta nshepaxan, 'enauac da sanataxañi shenaqta'am aca qo'oipaq laue maye deqaqta, qataq da qaralaataxanaxac qomi' ỹauogoleeta'ape 'eeta'am ca la'at.

Isaías 59:6

Qaq nam palachiyaxa lo'oxonec saishet da qaỹo'oxonaxana da qaỹo'ot ca nogoxot, qaica ca ishet da ỹaañi nam lo'oxonec namayepi. Nam ỹo'ottacpi namayepi qalaq nda'a't da nalaataxanaxac, nam lo'onatac naua lhuaxaye qalaq ỹo'ot da qaica ca qairen,

Levítico 13:46

Qaq 'enauaque caua na'axa'te da hueta'ac da nhuetaxanaxa maye nchega naqa'en na lo'oc ca shiỹaxaua, nache saishet da qui'itta. Ỹoqo'oye qaiỹotauga da tauga ca pa'auec ca nanataqa' maye qanayiutaña, qataq nache 'oonolec camaye.»

Levítico 13:48

huo'otaq ca no'oxonec chegaqaigui ca qagueta laue, huo'otaq ca lino, huo'otaq ca nogoxoshet chegaqaigui ca lo'oc,

Levítico 13:52

Qaq ca nogoxoshet da huo'o na lcoche, camaye iuen da qaỹavigaxat, cha'aye damaye nachera da nhuetaxanaxa maye nchega naqa'en na no'oc.

Levítico 13:59

Qaq 'era da llec ca nogoxoshetpi maye huagui na chegaqaigui na nhuetaxanaxa maye nchega naqa'en na no'oc, ca qagueta laue, huo'otaq ca chegaqaigui ca lino, huo'otaq ca nogoxoshetpi chegaqaigui ca lo'oc, cam ishet da qaỹa'axat da qui'itta huo'otaq saishet da qui'itta.

Levítico 14:55

huo'otaq ca lcochaxa ca nogoxot, qataq ca lcochaxa ca nỹec maye ishet da dalolaqtaxan,