Levítico 13:46 - La'aqtaqa Ñim Lo'onatac 'Enauacna 2013

⁴⁶ Qaq 'enauaque caua na'axa'te da hueta'ac da nhuetaxanaxa maye nchega naqa'en na lo'oc ca shiỹaxaua, nache saishet da qui'itta. Ỹoqo'oye qaiỹotauga da tauga ca pa'auec ca nanataqa' maye qanayiutaña, qataq nache 'oonolec camaye.»

Levítico 13:46 Referans Kwoze

2 Reyes 7:3

Qaq huo'oi soua cuatro ỹale't maye huetra'ac na lepra, maye huetra'a som ñegueuo ye huaqta'a't nỹecpi, qaq soomaye nnattega't co'ollaxa, 'eeta': ¿Ta'ainco' taxa da nache souaqta'a ne'ena da seuataqta'a da seleuaq?

2 Reyes 15:5

Qalaxaye Ñim Nataxala', ỹo'ot co'ollaxa da nhuaxanaguec so nta'a Azarías, huec naqa'en so lepra, nache ivitta'a da ileu. Ỹoqo'oye so nta'a, ỹaqauga co'ollaxa naqa'en so lma', nache so llalec Yotán, ilo'ogue co'ollaxa se'eso nma' lta'araic, qataq ilo'ogue 'enauac so nhuo' le'ecpi.

2 Crónicas 26:21

Qaq 'era da 'eetec so nta'a Uzías da huec co'ollaxa so lepra, nache choche ivitta'a da ileu, qaq ỹoqo'oye somaye qaiỹotauga so qoỹanagui nỹec, qataq sa qaỹashenem da taigui aso atamnaxaqui maye lalamaqte Ñim Nataxala', qaq ỹoqo'oye so llalec Yotán, talec da lo'onataxanaxac da ilo'ogue so shiỹaxauapi.

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

Apocalipsis 21:27

Qalaxaye saishet da inoxoneua'a yemaye ca nshepaxan maye sa ỹaỹamaxaren Ñim Lo'onatac 'Enauacna; qataq saishet da inoxoneuo nam ỹo'oxoreetac nam qanatameetacotpi maye saq 'en, nachaqnata na nanettaua'a aso lere Ñim Qagueta Llalec. Asa'aso nere nanettaua'a na le'enaxatpi nam ỹaconeguet cam nca'alaxa maye chochaq tatec.

1 Timoteo 6:5

qataq qaica ca loga't da loquiaxac. Qaq nam shiỹaxauapi maye ỹo'ottac de'era, namayepi ỹataqta sa ỹaỹaten da ỹaỹamaxatchiguiñi ca lhuennataxac, namayepi saishet da ỹaỹaten da 'eesa lataxac. Namayepi ipi'itaxaatega da qaỹachegoxotchigui da na'amqaanataxanaxac da qanauec ca lta'araic nsallaxa.

2 Ts 3:14

Da huo'o ca 'oonolec da qoñiita da saishet da ỹalaxalec da qara'aqtac maye huetalec ana qorere, qaq camaye ỹataqta qauauattoñiita. Nache saishet da qavi'enaxache da lataxac, yaqto' camaye maiche na'aloxon.

2 Ts 3:6

Qami' qarqaỹa't, qami' shenaqapegalo, cha'aye qomi' lamaxa'she So Qarataxala' Jesucristo, da saishet da qavi'enaxache da lataxac ca camachaqca qarqaỹa da saishet da do'onataxan, qataq lamaaxa da saishet da quetegue da qarapaxaguenataxanaxac maye qami' sanaxama.

1 Corintios 5:5

qaq iuen da ñi'iñi ỹale qoỹaneguet so pa'aguenataxanaxaic. Da yaqto' na'aictaxa da so pa'aguenataxanaxaic nlaxaañi da lo'ocỹaxac ñimaye, qalaxaye dam saqcha'a lca'alaxa qanca'alaxatec qom ñe'eguelaq So Qarataxala' Jesús.

Lucas 17:12

Qaq co'ollaq ivita som naña som saq 'amaqtaq nỹecpiolec, nache ỹa'axasoxootegueta Somaye soua diez ỹale't, maye nchega na lo'oc, qalaxaye qaỹata'a ca huetra'a soomaye,

Lamentaciones 1:8

Ye Jerusalén ỹataqta qalota na lasouaxashetpi, qaq nachera da huo'omshe ivira'a da qane'eetapigui. Nam ỹo'oxoreetac co'ollaxa yemaye qaq nagui qalaq ne'eetapigui, souaxat da ỹauaachigui yemaye da qailaxachigui. Qaq ỹoqo'oye nagui nỹeetac, qataq souaxat da la'agaxa nache saỹachaxan na lashec.

Lamentaciones 1:1

¡Choxoraxaso' som huaqta'a't nỹecpi maye nlaqchigui co'ollaxa na shiỹaxauapi! ¡'Eeta'am da lataxac aca pa'ai, som huaqta'a't nỹecpi maye na'attaua'a co'ollaxa nam laỹepi shiỹaxauapi! ¡Qoỹaneguet nagui da ỹo'ottac nam qapa'atta no'onatacpi, asom nate'e maye ilotague' co'ollaxa da no'onataxanaxac!

Proverbios 30:12

Qataq huo'o na ipi'itaxaatega da qui'itta da lataxac, qalaxaye saishet da iỹouec na ishepaxanaqchet da lataxac.

Levítico 13:47

«Qaq da huo'o ca nogoxot chegaqaigui ca qagueta laue, huo'otaq ca lino da decoche,

Levítico 14:3

nache camaye ỹauegueuga ca pa'auec ye nanataqa' maye qanayeetaña da yaqto' imeten. Nache da ila'a da mashe no'oita na lo'oc,

Levítico 23:29

Qaq ca shiỹaxaua, da saishet da ỹo'ot ca na'a'q maye qaỹo'ot da qouaqchetaxac, nache camaye qaỹo'orauec, ca'ai qanqa'en ca lauo' le'ecpi.

2 Samuel 3:29

¡De'era nasouaxashet talec qome so Joab, qataq 'enauac na chegoxoguetpi so lta'a! ¡Nache namayepi qaica qome ca saq hueta'ac da nalolaxa maye anactac na ntago'q, qataq na nchega naqa'en na no'oc, qataq na vi'iỹa'a't, qataq qaỹalauat, huo'otaq da ilem na lqouaxa!»

Lamentaciones 4:15

Nache qaỹa'alaqtalec qoỹeeta': «¡Qoquiỹa'ai namayepi, qoquiỹa'ai namayepi, cha'aye namayepi ỹataqta nshepaxan saishet qome da qaupochiiua'a!» Qaq nam shiỹaxauapi maye ỹaqa'a da la'amqaanataxanaxac 'eeta': Namayepi coleetac cha'aye 'eltaxaicpi, ỹoqo'oye namayepi sa ỹaỹamaxañi da nache hueta'a ne'ena.