Levítico 13:45 - La'aqtaqa Ñim Lo'onatac 'Enauacna 2013

⁴⁵ «Qaq ca shiỹaxaua maye huec da nhuetaxanaxa maye nchega naqa'en na no'oc, camaye iuen da colaqta'ape naqa'en caua alogo, qataq dapoche na laue, qataq qapi da nauattalec na lashec, nache ỹa'alaqtai' da huo'o ca taỹa'ague, 'eeta': ‹¡Aỹem nchega na ỹo'oc!, ¡Aỹem nchega na ỹo'oc!›

Levítico 13:45 Referans Kwoze

Miqueas 3:7

Huaña nache ne'ena na'aqtaxanaxanecpi qataq nam huo'oi naua l-loxoco, ỹataqta huo'o qome da la'aloxo nache 'enauac namayepi da ỹe'emaqtom qome, souaxat da Ñim Lo'onatac 'Enauacna saishet da huo'o ca ỹanem da ỹa'axat namayepi.

Levítico 10:6

Ime, nache so Moisés 'enapega so Aarón qataq soua no'oirañi llalqa, Eleazar qataq so Itamar, 'eeta': «Qami' saishet da huesotagui qanqa'eñi na qaravi, qataq da qaucolaxachiỹa'aguelo naua qorogolli' da la'anaxat da qarasouaxaqui, yaqto' saishet da qaullivi, cha'aye saishet da ivirauga na laỹe Israel le'ecpi da layeloxo Ñim Nataxala'. Nacherata da huo'o da 'eeta namayepi souaxat yeua lauo' lashe', cha'aye Ñim Nataxala' Nacheñi Ñim anacot so norec.

Ezequiel 24:17

Choche 'añe'emaxatte' qome da 'anqui'ic, qataq saishet da 'auachaxan da 'arasouaxac souaxat asomaye. Qataq saishet qome da 'auauattalec na 'arqaic, qataq da qaicaua caua 'arapela'ate, qataq saishet da 'auapotagui na 'arashec da la'anaxat 'anqa'en da 'anqui'ic, qataq saishet da qollec aca nauole maye qanallec naxa da huo'o da nasouaxac.»

Lamentaciones 4:15

Nache qaỹa'alaqtalec qoỹeeta': «¡Qoquiỹa'ai namayepi, qoquiỹa'ai namayepi, cha'aye namayepi ỹataqta nshepaxan saishet qome da qaupochiiua'a!» Qaq nam shiỹaxauapi maye ỹaqa'a da la'amqaanataxanaxac 'eeta': Namayepi coleetac cha'aye 'eltaxaicpi, ỹoqo'oye namayepi sa ỹaỹamaxañi da nache hueta'a ne'ena.

Lucas 17:12

Qaq co'ollaq ivita som naña som saq 'amaqtaq nỹecpiolec, nache ỹa'axasoxootegueta Somaye soua diez ỹale't, maye nchega na lo'oc, qalaxaye qaỹata'a ca huetra'a soomaye,

Ezequiel 24:22

Qataq qonapega qome, qoneta': Qami' nataqa'en qauo'oche qome dam so'ottac: saishet qome da qauapoigui na qarashequi, da la'anaxat da qanqui'iqui, qataq saishet da qollequi aca nauole maye qanallec da huo'o da nasouaxac.

Levítico 21:10

Qaq ca lataxala' na ntaxaỹaxanaxanecpi maye qoỹami' da ỹataqta huo'o da 'enec da ỹaayiñi caua alogo na ntaxaỹaxanaxanec, chegoqta'a co'ollaq qaicorelec na lqaic ca aceite, nache camaye saishet da isotagui na laue, qataq saishet da colaqta'ape naqa'en caua alogo da yaqto' la'anaxat ca lasouaxac.

Lucas 5:8

Qaq co'ollaq ila'a de'era so Pedro, nache ỹa'aroto naua l-llectel So Jesús, nache 'enapega, 'eeta': ¡'Am Ỹataxala' aỹem qoca'ai, cha'aye aỹem ỹataqta aỹem 'etaxaloxoic!

Isaías 64:6

'Enauac da shenaqta, shenaqta'am ca ỹale maye nshepaxan da lataxac, qataq 'enauac nam no'on qaro'onatacpi 'eeta'am ca hualoxolaỹi maye ỹataqta nshepaxan, 'enauac da sanataxañi shenaqta'am aca qo'oipaq laue maye deqaqta, qataq da qaralaataxanaxac qomi' ỹauogoleeta'ape 'eeta'am ca la'at.

Isaías 6:5

Qaq huaña nache shenapec: «¡Choxoraicolec aỹem, yo'oqta da seleu nagui! Cha'aye ỹataqta sauaachigui Ñi Nta'a, Ñim Nataxala' maye Qaica ca Ỹaqalanapec, cha'aye aỹem ỹataqta aỹem 'etaxaloxoic, qataq salectaigui na nhuo' le'ecpi maye ỹataqta qauema naua la'aqtaqa.»

Salmos 51:3

Cha'aye aỹem ñaỹateetela't da ỹoqta sa salaq, na ỹasouaxashetpi qalaq ỹataqta saq ỹoxouga.

Joel 2:13

¡Qataq qavi'eguelaqaỹa Ñim Nataxala' maye Qanatamnaxala'ai, qaumachiỹo'ot da qarquiyaqteỹaxaqui, qaq saishet da nachenaua naua qorogolli' da qancolaxacheeta'alo! Cha'aye Ñimaye soxoraic, hualaxaunaxaic qataq choxonnataxanaxaic, qataq qaỹaloqchiguinguit da lalemataic. Qataq ỹataqta lta'araic da lauotaxanaqtaic, qataq huo'o da nqui'ic da ỹan ca lhuaxanaxanaxac.

Jeremías 36:24

Qaq so nta'a, qataq so 'amaqtaqaicpi ltauapi somaye maye na'axaỹaxaatega co'ollaq qaitaxaỹaxaatac aso nere, somayepi saishettaxa da choche nomteguet ca lcolanaxa, qataq da ỹo'ot ca la'anaxat da nqui'ic.

Jeremías 3:25

Ñaq ñemanaq qome, cha'aye huo'o da qara'agaxa qataq qomi' nlaqchiguilo da qane'enaguec, cha'aye chegoqta'a co'ollaq ñaq qomi' nsoxoppi, nache ivitta'a nagui da qomi' qataq so qarta'alpi huo'o da qarasouaxashet hueto'ot Ñim Nataxala' maye Qanatamnaxala' cha'aye saishet da salaxasoxoguet.»

Salmos 51:5

Cha'aye saỹateeta da qauem da ỹañoxoc, nale'ena da aỹem 'etaxaloxoic, co'ollaq ñaq sootaigui na lauel aso ỹate'e.

Da na'aqtaguec so Job 42:6

Qaq ỹoqo'oye nagui sha'axaneguet da itaxaỹaxac, souaxat na ỹa'aqtacpi co'ollaxa, nache ñeso'ongui qome na namoxoỹaxa, qataq semeelec na ỹaqaic na alo, cha'aye huo'o da ñetogotaxac.»

Da na'aqtaguec so Job 1:20

Nache so Job nachaañi, ỹataqta lta'araic da nqui'ic, nache ncolaxata'aisalo soua alogo, qataq namarecta na lqaic, nache ỹa'alyiñi naua l-llecte da natamen.

2 Samuel 13:19

Nache aso Tamar, ỹacona co'ollaxa so alo, nache imeelec na lqaic, qataq ncolaxata'alo soua alogo maye ỹaatrañi, qataq npataqta'a na lqaic co'ollaq jec, nache nỹeetague' co'ollaq quetague' so nqa'aic.

Génesis 37:29

Qaq so Rubén co'ollaq ỹe'eguelaxa aso nshere, nache so José mashe saishet da huetangui asa'aso nshere. Huaña, co'ollaxa nache somaye ncolaxata'aisalo soua alogo souaxat da nqui'ic.

Isaías 52:11

¡Qoquiỹa'ai, qoquiỹa'ai nagui na Babilonia, nache saishet da qauashilleeua'a ca nshepaxan da lataxac, qoquiỹa'ai nagui na Babilonia! ¡Qanchilỹa'a da qui'itta qarataxaqui qami' maye qauachiitac nam no'onataxanaxatpiolec maye lalamaxat Ñim Nataxala'!

Levítico 13:44

nache camaye ỹaỹaten da que'eca shiỹaxaua ỹoqta 'eesa da hualec na lqaic da nhuetaxanaxa maye nchega naqa'en na no'oc. Nache da'aqtaxanem camaye da saishet da qui'itta.»

2 Reyes 7:3

Qaq huo'oi soua cuatro ỹale't maye huetra'ac na lepra, maye huetra'a som ñegueuo ye huaqta'a't nỹecpi, qaq soomaye nnattega't co'ollaxa, 'eeta': ¿Ta'ainco' taxa da nache souaqta'a ne'ena da seuataqta'a da seleuaq?

Números 5:2

«Qonapega qome na Israel le'ecpi da ca'ai naqa'en ca qanayeuta'a nanataqa', 'enauac na shiỹaxaua maye hueta'ac na nchega naqa'en na lo'oc, qataq na anactac na lli'i ñi logoxoshet, huo'otaq ca ipoteua'a ca leuaxaic.