Qalaxaye na qauemaicpi qataq na tenataxanaxaicpi taỹañicra, nquicta'aguet 'enauac na sa ỹaỹamaxañisat. Namayepi datenataxaatac, qalaxaye nache 'ena'am natenatac.
Qaq da inoxoorec caua siete na'axa'te, nache ca ntaxaỹaxanaxanec ỹoltaq imeten, nache da ilalec da huo'o na hualec que'eca lavigaxa qataq nquictauec, nache camaye da'aqtaxanem da saishet da qui'itta que'eca shiỹaxaua.
Qalaxaye da qaltaq nquictauec ca nasheguem na lo'oc ca dalolaxaic, da mashe ime da imeteetac ca ntaxaỹaxanaxanec, qataq mashe da'aqtaxanem da no'oita, nache camaye iuen da qaltaq taua'a ca ntaxaỹaxanaxanec da yaqto' ỹoltaq imeten.
nache ca ntaxaỹaxanaxanec imeten aca nhueta. Nache da coxongui acamaye, qataq qovialec, qataq ñeuec na laỹe laue, nache ca ntaxaỹaxanaxanec da'aqtaxanem da saishet da qui'itta que'eca shiỹaxaua, cha'aye huec da nhuetaxanaxa maye nchega naqa'en na no'oc.
Qaq da ime caua lỹa't siete na'axa'te, nache ca ntaxaỹaxanaxanec, qaltaq imeten aca nhueta, nache da saishet da nquictauec qataq da saishet da coxongui, nache ca ntaxaỹaxanaxanec da'aqtaxanem da qui'itta qataq 'enapega camaye da iỹoi' caua alogo, cha'aye qui'itta.
nache ca ntaxaỹaxanaxanec iuen da ỹoltaq imeten camaye. Qaq da nache nquictauec aca lhueta na lqaic, nache sa iuen da imeten da huo'otaq qovialec na laue, cha'aye que'eca shiỹaxaua saishet da qui'itta.