Levítico 13:33 - La'aqtaqa Ñim Lo'onatac 'Enauacna 2013

³³ nache ca ntaxaỹaxanaxanec ỹamaxalec da npetec na laue que'eca dalolaxaic, qalaxaye saishet da npetec ca huaña ca lhuetac. Ime, nache iỹotauga camaye caua lỹa't siete na'axa'te.

Levítico 13:33 Referans Kwoze

Levítico 13:4

Qaq da ỹapagaqapeqa't na nasheguem na lo'oc, qalaxaye saishet da coxongui, qataq saishet da lapagaxai ana laso, nache ca ntaxaỹaxanaxanec iỹotauga camaye caua siete na'axa'te.

Levítico 13:30

nache ca ntaxaỹaxanaxanec imeten aca nhueta. Nache da coxongui acamaye, qataq qovialec, qataq ñeuec na laỹe laue, nache ca ntaxaỹaxanaxanec da'aqtaxanem da saishet da qui'itta que'eca shiỹaxaua, cha'aye huec da nhuetaxanaxa maye nchega naqa'en na no'oc.

Levítico 13:32

Nache da inoxoorec caua siete na'axa'te, nache ca ntaxaỹaxanaxanec ỹoltaq imeten aca nhueta, qaq da saishet da nquictauec, qataq saishet da coxongui, qataq saishet da qovialec na laue,

Levítico 13:34

Qaq da ime caua lỹa't siete na'axa'te, nache ca ntaxaỹaxanaxanec, qaltaq imeten aca nhueta, nache da saishet da nquictauec qataq da saishet da coxongui, nache ca ntaxaỹaxanaxanec da'aqtaxanem da qui'itta qataq 'enapega camaye da iỹoi' caua alogo, cha'aye qui'itta.