Levítico 13:32 - La'aqtaqa Ñim Lo'onatac 'Enauacna 2013

³² Nache da inoxoorec caua siete na'axa'te, nache ca ntaxaỹaxanaxanec ỹoltaq imeten aca nhueta, qaq da saishet da nquictauec, qataq saishet da coxongui, qataq saishet da qovialec na laue,

Levítico 13:32 Referans Kwoze

Romanos 2:23

Qaño'oxoreñiitapigui da qami' hueto'oto ana nere maye huetalec na la'aqtacpi Ñim Lo'onatac 'Enauacna, qalaxaye saishet da qaualaqailec anamaye. Nache qami' qauasouaxache da saishet da qaiyacnapec Ñimaye.

Mateo 23:5

Qaq ỹo'ot 'enauac ne'ena namayepi, cha'aye nshetaique da na shiỹaxauapi huo'o da la'aalaxa. Ỹoqo'oye ỹauo'o natai' lereguishecpiolec ỹachegoxotaigui ana nere maye huetalec na la'aqtacpi Ñim Lo'onatac 'Enauacna, ime nache ỹauo'o aso laỹe' lo'ocole qataq ỹauo'o so lquet, nache ishet da ỹaxachigui na lqaic da ỹaatelec na latap huo'otaq na lhuaq. Nache nquigaxattauec ye lcata asa'aso laỹe' qataq ỹo'ot na lasoviaxanatac naua loga'te naua alogo da yaqto' na shiỹaxauapi ipettega da ỹataqta ỹalaxaguet Ñim Lo'onatac 'Enauacna.

Levítico 13:30

nache ca ntaxaỹaxanaxanec imeten aca nhueta. Nache da coxongui acamaye, qataq qovialec, qataq ñeuec na laỹe laue, nache ca ntaxaỹaxanaxanec da'aqtaxanem da saishet da qui'itta que'eca shiỹaxaua, cha'aye huec da nhuetaxanaxa maye nchega naqa'en na no'oc.

Levítico 13:31

Qaq ca ntaxaỹaxanaxanec da imeten que'eca nhuetac, nache da ila'a da saishet da coxongui qataq saxanaxa da ỹe'eguelaxa da maiche lo'oxoỹaxac na laue, nache camaye iỹotauga que'eca shiỹaxaua caua siete na'axa'te.

Levítico 13:33

nache ca ntaxaỹaxanaxanec ỹamaxalec da npetec na laue que'eca dalolaxaic, qalaxaye saishet da npetec ca huaña ca lhuetac. Ime, nache iỹotauga camaye caua lỹa't siete na'axa'te.