Levítico 13:3 - La'aqtaqa Ñim Lo'onatac 'Enauacna 2013

³ Nache ca ntaxaỹaxanaxanec imeten que'eca nasheguem nhuetac. Qaq da ỹapagaq ana laso ca huaña que'eca nhuetac qataq coxongui, qache nachena na nhuetaxanaxa maye nchega naqa'en na no'oc. Qaq da ime da imeten ca ntaxaỹaxanaxanec que'eca shiỹaxaua, nache da'aqtaxanem da saishet da qui'itta.

Levítico 13:3 Referans Kwoze

Hebreos 13:7

Qataq qauennachiỹa'a som qarataxala'aipi maye qami' ỹa'axatema co'ollaxa da la'aqtac Ñim Lo'onatac 'Enauacna, cha'aye somayepi huetaigui da lta'araic lpi'iỹaxac Ñimaye. Qataq saishet da qaỹa'axañiiñi da qauennacheetega somayepi qataq qoquiigue da lataxac.

2 Timoteo 3:13

Qalaxaye na qauemaicpi qataq na tenataxanaxaicpi taỹañicra, nquicta'aguet 'enauac na sa ỹaỹamaxañisat. Namayepi datenataxaatac, qalaxaye nache 'ena'am natenatac.

1 Timoteo 1:20

Qaq nache 'eetec da huaiguilo soua Himeneo nataqa'en so Alejandro. Ỹoqo'oye soomaye sanegueta so pa'aguenataxanaxaic, yaqto' saishet da nache 'eetra'ac da quetralec da sa iyacna'ape Ñim Lo'onatac 'Enauacna.

Romanos 7:7

Qaq ỹoqo'oye ¿chaq hua'ague ca 'eetec ca qara'aqtac? ¿Peta'a qauem na namaxasoxonaxacpi, maye chegoqo'ot so Moisés? ¡'A'i, saishet! Cha'ayectaxa da qaica namayepi, nache saishettaxa da saỹaten chaq negue't dam ñe'etaxaloxo. Saloqnaxana da na nqataxacpi taxa da saishet da 'enapec: «Saishet da qoquiigue da qarqopitaxanaqtaiqui da qauqopichiita'a ca lalamaxat ca qarỹai», nache aỹemctaxa saishet da saỹaten damaye da sa ỹaỹamaxañi.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Juan 20:23

Qaq cam qami' qauapalaxache na lasouaxashetpi, nache Ñim Lo'onatac 'Enauacna ỹapalaxat na lasouaxashetpi. Qaq cam saishet da qauapalaxache na lasouaxashetpi, nache Ñimaye saishet da ỹapalaxat na lasouaxashetpi.

Mateo 16:19

Qaq 'am Pedro, 'am sami' da 'ara'añaxac da qonetaigui da lo'onataxanaxac Ñim Lo'onatac 'Enauacna. Qaq 'enauac nam lataxacpi maye saishet da 'auashen ana 'alhua, qaq nataqa'en Ñim Lo'onatac 'Enauacna maye neto'ot na piguem saishet da ỹashen. Qaq nam lataxacpi maye 'auasheeta, nataqa'en Ñim Lo'onatac 'Enauacna ỹasheeta.

Malaquías 2:7

Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec.

Hageo 2:11

nache ỹamaxalec somaye da ỹa'axa't naua la'aqtaqa Ñim Nataxala' maye Qaica ca Ỹaqalanapec, da inat som ntaxaỹaxanaxanecpi, da denataxanec na nqataxacpi, 'eeta':

Oseas 7:9

Nache na chegaqauec shiỹaxauapi nquicta'a't naqa'en da la'añaxac namayepi, qaq namayepi sa nanoma de'era. Qataq ivira'a na laue da ỹapagaq qalaq sa nanoma damaye.

Ezequiel 44:23

Na ntaxaỹaxanaxanecpi iuen da ỹapaxaguen na ỹalamaxat nhuo' le'ecpi, da yaqto' ishet da ỹauatton cam ỹalamaxat, qataq cam lalamaxat ca shiỹaxaua, qataq ỹauatton ca qui'itta qataq ca nshepaxan.

Ezequiel 16:30

Aỹem Nataxala' da ỹa'aqtac, 'eeta': ¡Ỹataqta qauem co'ollaxa dam 'arquiyaqteỹaxac, ye ỹo'oto' 'enauac nam lataxacpi maye ỹo'ottac aca quisheguetaxai maye qaica ca la'agaxa!

Levítico 13:2

«Ca shiỹaxaua da huo'o ca lalaache na lo'oc, huo'otaq da nasheguem na lo'oc, huo'otaq da chiỹaxatapega't, nache camaye iuen da qaỹauegueua'a ñi ntaxaỹaxanaxanec Aarón huo'otaq ca 'oonolec nam chegoxoguetpi ñimaye.

Levítico 10:10

yaqto' ishet da qauaỹaañita da lataxac na npe'l maye sa qaishetapec, qataq naua ỹaqaugalo nanataqa'ate, qataq qauaỹaañita da qui'itta lataxac, qataq da nshepaxan lataxac,

Génesis 13:3

Qaq chegoqchiguiña co'ollaxa ye Néguev, nache nqocheeta, choche ivitta'a ye Betel, yem hua'auchiguiñi co'ollaxa da lanataqa' maye vichiguinguilo yeua Betel qataq ye Hai.

Levítico 13:4

Qaq da ỹapagaqapeqa't na nasheguem na lo'oc, qalaxaye saishet da coxongui, qataq saishet da lapagaxai ana laso, nache ca ntaxaỹaxanaxanec iỹotauga camaye caua siete na'axa'te.

Levítico 5:3

Qaq da huo'o ca ilamaxata'a da ỹashelagui ca la'atec ca shiỹaxaua, nache camaye saishet da qui'itta. Qaq da ivita da nanoma, nache camaye huo'o ca lasouaxashet.

Levítico 13:8

Qaq da ime da imeten ca ntaxaỹaxanaxanec que'eca dalolaxaic, nache da ila'a da mashe nquictauec aca nasheguem na lo'oc, nache camaye da'aqtaxanem da saishet da qui'itta que'eca shiỹaxaua, cha'aye huec na nhuetaxanaxa maye nchega naqa'en na lo'oc.

Levítico 13:10

Nache ca ntaxaỹaxanaxanec imeten camaye, da huo'o na lalaache na lo'oc, qataq ỹapagaq naqa'en ana laso, qataq chetaña na lapat,

Levítico 13:20

Nache ca ntaxaỹaxanaxanec da ila'a da coxongui ca lliguiñi que'eca nhuetac, qataq ỹapagaq ana laso, nache da'aqtaxanem que'eca dalolaxaic da saishet da qui'itta, cha'aye ỹaỹaten da huec da nhuetaxanaxa maye nchega naqa'en na no'oc.

Levítico 14:37

Qaq ca ntaxaỹaxanaxanec, da imeten ca nasheguem lcochaxa que'eca nỹec, nache da ila'a da mashe qaramchiguiñi camaye qataq daralalec, huo'otaq tocalec da lo'oxoỹaxac, qataq mashe sa nsatchiguiñi,

Levítico 14:54

Qaq 'era da llec da ivita da nasheguem na qauem nhuetaxanaxa ca no'oc,

Levítico 14:56

qataq na lalaache na no'oc huo'otaq da nasheguem ana ỹataqta nhueta, huo'otaq da nasheguem na chiỹaxatapega't na no'oc,