Levítico 13:20 - La'aqtaqa Ñim Lo'onatac 'Enauacna 2013

²⁰ Nache ca ntaxaỹaxanaxanec da ila'a da coxongui ca lliguiñi que'eca nhuetac, qataq ỹapagaq ana laso, nache da'aqtaxanem que'eca dalolaxaic da saishet da qui'itta, cha'aye ỹaỹaten da huec da nhuetaxanaxa maye nchega naqa'en na no'oc.

Levítico 13:20 Referans Kwoze

2 Pedro 2:20

Cha'aye nataqa'en nam mashe ỹauatton So Qarataxala' qataq Qarca'alaxaqui Jesucristo, namayepi saishet da quetague' da lataxac na 'etaxaloxoicpi maye huetalec ana 'alhua. Qalaxaye da maiche nasheeteuo da ỹe'eguelaxa da ỹatenachet ne'ena lataxacpi qataq hua'aqta'a da ỹauectac da ñe'etaxaloxo, nache namayepi ỹataqta ỹactec da ỹo'ot sa ỹaỹamaxañi saq 'ena'am so hua'auchiguiñi.

Juan 5:14

Qaỹata'ague co'ollaxa de'era, nache So Jesús ilalec somaye huaigui aso no'onaxanaxaqui late'erai, nache 'enapego', 'eeta': –Nagui da mashe 'am no'oita, qaq no'on da saishet da qaltaq huo'o 'anqa'en ca 'arasouaxashet, yaqto' saishet da 'avira'aguet ca ỹapac qauem.

Mateo 12:45

Ime, nache ỹe'eguelaqtec da ỹe'eguena'alo soua lỹa't siete saqcha'a na'añaxac leguemaxaiqa maye ỹataqta napacaleguete somaye, nache taigui que'eca shiỹaxaua. ¡Huaña, nache que'eca shiỹaxaua ỹataqta ỹactec da aloic, saq 'ena'am so hua'auchiguiñi co'ollaq 'oonolec so netaigui saqcha'a na'añaxac leguemaxaic! Qaq 'era da 'eetec nataqa'en qome ca qaviyeeguet, cha'aye qami' qauemaiqa.

Levítico 13:3

Nache ca ntaxaỹaxanaxanec imeten que'eca nasheguem nhuetac. Qaq da ỹapagaq ana laso ca huaña que'eca nhuetac qataq coxongui, qache nachena na nhuetaxanaxa maye nchega naqa'en na no'oc. Qaq da ime da imeten ca ntaxaỹaxanaxanec que'eca shiỹaxaua, nache da'aqtaxanem da saishet da qui'itta.

Levítico 13:2

«Ca shiỹaxaua da huo'o ca lalaache na lo'oc, huo'otaq da nasheguem na lo'oc, huo'otaq da chiỹaxatapega't, nache camaye iuen da qaỹauegueua'a ñi ntaxaỹaxanaxanec Aarón huo'otaq ca 'oonolec nam chegoxoguetpi ñimaye.

Levítico 13:19

qalaxaye da ñaq huo'o na lalaache, qataq huesottega't, huo'otaq ỹapagaqalec ca lliguiñi, nache camaye iuen da taua'a ca ntaxaỹaxanaxanec.

Levítico 13:21

Qaq da ila'a da qaca aca laso lapagaxai que'eca lliguiñi aca'aca nhueta, qataq saishet da coxongui, nacherata da maiche nquictañi da imiguiñi, nache camaye iỹotauga que'eca shiỹaxaua caua siete na'axa'te.