Levítico 13:2 - La'aqtaqa Ñim Lo'onatac 'Enauacna 2013

² «Ca shiỹaxaua da huo'o ca lalaache na lo'oc, huo'otaq da nasheguem na lo'oc, huo'otaq da chiỹaxatapega't, nache camaye iuen da qaỹauegueua'a ñi ntaxaỹaxanaxanec Aarón huo'otaq ca 'oonolec nam chegoxoguetpi ñimaye.

Levítico 13:2 Referans Kwoze

Deuteronómio 24:8

Qaq da huo'otaq huo'o ca nchega na lo'oc, nache qaupaquiichigui qome ca lapaxaguenataxanaxacpi na ntaxaỹaxanaxanecpi leviitapi. Yaqto' ipacchigui 'enauac da samaxalec namayepi.

Levítico 14:56

qataq na lalaache na no'oc huo'otaq da nasheguem ana ỹataqta nhueta, huo'otaq da nasheguem na chiỹaxatapega't na no'oc,

Levítico 14:3

nache camaye ỹauegueuga ca pa'auec ye nanataqa' maye qanayeetaña da yaqto' imeten. Nache da ila'a da mashe no'oita na lo'oc,

Lucas 17:14

Nache So Jesús co'ollaq ila'alo soomaye, nache 'enapegalo, 'eeta': –Qauesomiỹa, qanachaxañeeua'a cam ltaxaỹaxanaxanecpi nam shiỹaxauapi da qaitaxaỹapegue' Ñim Lo'onatac 'Enauacna. Qaq co'ollaq quetrague' soomaye ca nqa'aic, nache maiche no'oite'.

Lucas 5:14

Ime, nache So Jesús 'enapega somaye, 'eeta': –Saishet qome da huo'o ca 'aua'aqtaxanem de'era. Nachaqrata da 'am qojec, 'anachaxaneua'a ñi ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna. Ime, qaq 'aỹa'aneuo aca 'arachetaqtaxanaqte maye damaxasoxoolec co'ollaxa so Moisés, yaqto' na ntaxaỹaxanaxanecpi ỹaỹaten da mashe qaica so 'aralolaxa.

Marcos 1:44

–Saishet qome da huo'o ca 'aua'aqtaxanem da 'am qaỹo'otec. Nachaqrato' da qojec, nache 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, da yaqto' 'am imeten. Ime, nache 'aỹa'aneuo qome ca 'arachetaqtaxanaxat maye damaxasoxoolec co'ollaxa so Moisés da ỹan cam mashe no'oita, yaqto' 'enauac da qaỹaỹaten da mashe 'am no'oita.

Mateo 8:4

Nache So Jesús 'enapega somaye, 'eeta': –¡Ỹataqta 'ana'axaỹaxaachigui qome de'era shenapec! Saishet qome da huo'o ca 'aua'axatem de'era. Nachaqrata da 'am qojec, 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, qataq 'aỹa'aneuo qome aca 'arachetaqtaxanaqte maye damaxasoxoolec co'ollaxa so Moisés, yaqto' qaỹaỹaten da mashe 'am no'oita.

Malaquías 2:7

Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec.

Isaías 3:17

Ñim Nataxala' ỹo'otec qome da qui'it na lqaic anamayepi, qataq ỹachaxan qome da huetauec anamayepi.»

Isaías 1:6

Qaq ỹataqta 'enauac da qaro'ocỹaxaqui da qaica ca no'oita, 'enauac da que'emaq, nalauat qataq huo'o na lli'i na qarque'emaqai, nache qaica ca anac da qami' natare'n qataq da ỹaxachigui nam qarque'emaqai, huo'otaq da qami' ỹa'ame'n ca aceite da yaqto' ỹa'axaneguet da qanqui'iqui.

2 Reyes 5:27

Qaq ỹoqo'oye so lepra maye huetalec co'ollaxa na lo'oc so Namán, 'am talec qome, qataq cam 'am chegoxoguetpi chochaq tatec qome da hueta'ac. Nache so Guejazí, co'ollaq choche ca'ai so Eliseo, nache hualec na lo'oc so lepra, nache ỹataqta ỹapagaq, 'eeta'am ana aloñi.

2 Reyes 5:1

So Namán maye lataxala' so nalleppi so nta'a ye Siria, qaq se'eso Namán ỹataqta 'amaqtaqaic, ỹoqo'oye so nta'a ỹataqta lauotaxat somaye, cha'aye Ñim Nataxala' ỹachegoxotchigui somaye da qalota da dauegaxan naqa'en ye Siria. Qaq se'eso ỹale, ỹataqta 'añaxaic co'ollaxa, qalaxaye dalola, hueta'ac na lepra.

2 Samuel 3:29

¡De'era nasouaxashet talec qome so Joab, qataq 'enauac na chegoxoguetpi so lta'a! ¡Nache namayepi qaica qome ca saq hueta'ac da nalolaxa maye anactac na ntago'q, qataq na nchega naqa'en na no'oc, qataq na vi'iỹa'a't, qataq qaỹalauat, huo'otaq da ilem na lqouaxa!»

Deuteronómio 28:27

Ñim Nataxala' ỹo'ot qome da 'am ique'ete'n aca na'agotaqtepi, cagaxai, nhuetapi, qataq ca nquesaxa maye qaica ca lata', 'eeta'am co'ollaq huaña ye Egipto.

Números 12:10

Nache so lo'oc co'ollaq ca'ai so npe'l, nache aso María nchega na lo'oc qataq ỹataqta ỹapagaq. Qaq so Aarón co'ollaq ỹamata'a aso María, nache ila'a da mashe huec na nchega naqa'en na lo'oc,

Levítico 14:35

nache ca lalamaxat que'eca nỹec, taua'a ca ntaxaỹaxanaxanec da yaqto' dalaxanec camaye, 'eeta': ‹Na lauel ñi ima' huo'o na nasheguem lcochaxa›.

Números 12:12

Saishet qome da 'aua'aqta'a aramaye, da 'eeta'am ca nogotolec maye nleuauec da chegaqaigui na lauel aca late'e da ñiguiñi, da nlatañi na lo'oc.»

Levítico 13:1

Nache Ñim Nataxala' 'enapega so Moisés qataq so Aarón, 'eeta':

Levítico 13:3

Nache ca ntaxaỹaxanaxanec imeten que'eca nasheguem nhuetac. Qaq da ỹapagaq ana laso ca huaña que'eca nhuetac qataq coxongui, qache nachena na nhuetaxanaxa maye nchega naqa'en na no'oc. Qaq da ime da imeten ca ntaxaỹaxanaxanec que'eca shiỹaxaua, nache da'aqtaxanem da saishet da qui'itta.

Levítico 13:8

Qaq da ime da imeten ca ntaxaỹaxanaxanec que'eca dalolaxaic, nache da ila'a da mashe nquictauec aca nasheguem na lo'oc, nache camaye da'aqtaxanem da saishet da qui'itta que'eca shiỹaxaua, cha'aye huec na nhuetaxanaxa maye nchega naqa'en na lo'oc.