Levítico 13:18 - La'aqtaqa Ñim Lo'onatac 'Enauacna 2013

¹⁸ Qaq ca shiỹaxaua da huo'o ca lalaache na lo'oc, da ivira'a da maiche no'oita,

Levítico 13:18 Referans Kwoze

Éxodo 9:9

Qaq que'eca alo nañigui qome na namoxoỹaxa, nache nlaxattelec 'enauac na 'alhua, yaqto' nasheguem na lquesaxa 'enauac na shiỹaxauapi, qataq nam shiguiỹacpi maye hueta'a ne'ena 'alhua Egipto.»

Isaías 38:21

Nache so Isaías damaxasoxoolec da qailaxachigui aso hiigo da yaqto' qalapaxalec so lque'emaxa so nta'a, nache so nta'a no'oita.

Da na'aqtaguec so Job 2:7

Nache so Pa'aguenataxanaxaic ca'ai Ñim Nataxala', nache namaxa so Job, so nalolaxa maye nchega naqa'en na lo'oc, nache ỹataqta imoota 'enauac da lo'ocỹaxac.

2 Reyes 20:7

Nache so Isaías, damaxasoxoolec da qailaxachigui aso higopi. Ime, nache qaỹa'ameelec som vichiguiiña so lhuetac so nta'a, nache no'oita.

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Levítico 13:17

yaqto' camaye imeten. Qaq da ila'a da ỹe'eguelaxa da ỹapagaq que'eca nhuetac, nache camaye da'aqtaxanem que'eca dalolaxaic da mashe qui'itta.

Levítico 13:19

qalaxaye da ñaq huo'o na lalaache, qataq huesottega't, huo'otaq ỹapagaqalec ca lliguiñi, nache camaye iuen da taua'a ca ntaxaỹaxanaxanec.

Levítico 13:25

nache ca ntaxaỹaxanaxanec imeten camaye. Nache da ỹapagaq ana laso que'eca huaña ca lavigaxa, qataq da coxongui, nache ca ntaxaỹaxanaxanec da'aqtaxanem da saishet da qui'itta camaye, cha'aye huec da nhuetaxanaxa maye nchega naqa'en na no'oc.