Levítico 11:47 - La'aqtaqa Ñim Lo'onatac 'Enauacna 2013

⁴⁷ yaqto' ỹataxaraic na shiguiỹac maye qui'itta, qataq na saishet da qui'itta, qataq nam ishet da qanallec qataq nam saishet da qanallec.

Levítico 11:47 Referans Kwoze

Levítico 10:10

yaqto' ishet da qauaỹaañita da lataxac na npe'l maye sa qaishetapec, qataq naua ỹaqaugalo nanataqa'ate, qataq qauaỹaañita da qui'itta lataxac, qataq da nshepaxan lataxac,

Ezequiel 44:23

Na ntaxaỹaxanaxanecpi iuen da ỹapaxaguen na ỹalamaxat nhuo' le'ecpi, da yaqto' ishet da ỹauatton cam ỹalamaxat, qataq cam lalamaxat ca shiỹaxaua, qataq ỹauatton ca qui'itta qataq ca nshepaxan.

Malaquías 3:18

Huaña qome, nache qami' qaltaq ỹataqteguet qanqa'eñi ca no'on qataq ca qauem, qataq cam ỹo'oxoreetac Ñim Lo'onatac 'Enauacna, qataq cam saishet da ỹo'oxoren Ñimaye.»

Levítico 11:46

Qaq 'era da llec na shiguiỹacpi, na maỹopi, nam hualectapigui' ana 'alhua, qataq 'enauac na 'etaxat le'ecpi,

Levítico 12:1

Nache Ñim Nataxala' 'enapega so Moisés, 'eeta':

Ezequiel 22:26

Qaq na ltaxaỹaxanaxanecpi qalaq ỹashaxaarec naua ỹapaxaguenataxanaxaco, qataq nshepaxanaqchet nam ỹalamaxat ndaqa'pi maye sa qaishetapec, qataq saishet da ỹataqta naqa'en nam saqaishetapec qataq nam nshepaxan, qataq saishet da ỹapaxaguen ca lỹa da yaqto' ỹauatton ca qui'itta qataq ca nshepaxan. Qataq saishet da qochetega ye na'a'q mataxaqui maye ỹalamaxat, qataq saishet da Aỹem ỹo'oxoren.

Daniel 1:8

Qalaxaye so Daniel, lhuennataxac co'ollaxa da saishet da nshepaxanaqcheela't, da chec so nallec qataq so lataxa maye qoỹaata'am naxa so nta'a, qaq ỹoqo'oye dequiguiỹo'ot som ilotague' so nma' lta'araic, da saishet da ỹamaqtalec da chec se'eso nallec da yaqto' saishet ishepaxanaqchet somaye.

Génesis 7:2

Qataq 'auaconeua'alo qome caua siete nauaxaỹaxau', ỹale qataq 'alo 'enauac na shiguiỹacpi maye qui'itta. Qalaxaye 'oonolec ca ỹale qataq 'oonole aca 'alo nam shiguiỹacpi maye saishet da qui'itta.