Levítico 11:45 - La'aqtaqa Ñim Lo'onatac 'Enauacna 2013

⁴⁵ Aỹem Nataxala', maye qami' ñeqateeguesopa co'ollaxa ye Egipto, da yaqto' nache Aỹem Qanatamnaxala'ai. Qaq ỹoqo'oye qami', iuen da ỹataqta qui'itta da qarataxaqui. Cha'aye Aỹem, ỹataqta qui'itta da ỹataxac.»

Levítico 11:45 Referans Kwoze

Levítico 11:44

Cha'aye Aỹem, Nachaỹem Nataxala' maye Qanatamnaxala'ai. Aỹem, ỹataqta qui'itta da ỹataxac, qaq ỹoqo'oye qami', iuen da ỹataqta qui'itta da qarataxaqui. Nache saishet qome da qami' na'aqche't ne'ena shiguiỹacpi maye hualectapigui'.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

1 Ts 4:7

Cha'aye Ñim Lo'onatac 'Enauacna saishet da qomi' iỹaxanalo da qolaqto'ot da qaye'etaxaloxo, nachaqrata da qomi' iỹaxanalo da qolaqtaigui da qui'itta achaalataxac.

Oseas 11:1

Co'ollaq ñaq saxanaxa da ỹe na Israel le'ecpi, nache Aỹem ỹataqta ỹauotaxat, qataq sachegoxotchiguiña co'ollaxa ye Egipto da seỹaxana na ỹalaqpi.

Levítico 25:38

Qaq 'era da ỹa'aqtac, Aỹem Nataxala' maye Qanatamnaxala'ai, maye qami' ñeqateeguesopa co'ollaxa ye Egipto da yaqto' qami' sanema ye 'alhua Canaán da yaqto' Aỹem Qanatamnaxala'ai.

Génesis 17:7

Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.

Éxodo 19:10

Nache Ñim Nataxala' 'enapeco' da la'aqtac: «'Aue, ña naỹamaxat 'anqa'en ye shiỹaxauapi, da yaqto' aỹem ỹo'oxoren nagui qataq qonte'. Qataq qonapega da iỹoi' naua alogo,

Levítico 11:46

Qaq 'era da llec na shiguiỹacpi, na maỹopi, nam hualectapigui' ana 'alhua, qataq 'enauac na 'etaxat le'ecpi,

Levítico 19:2

«Qonapega qome na Israel le'ecpi da ỹa'aqtac, 'eeta': Ỹataqta qui'itta qome da qarataxaqui, cha'aye Aỹem Qarataxala'ai maye Qanatamnaxanala'ai, ỹataqta qui'itta da ỹataxac.

Levítico 22:33

qataq qami' ñeqateeguesopa co'ollaxa ye Egipto da yaqto' nache Aỹem Qanatamnaxala'ai. Qaq 'era da ỹa'aqtac, Aỹem Nataxala'.»

Levítico 26:45

Nacherata da sepagaqchigui qome da ñaỹamaxataxac co'ollaq ñaỹamaxate' so qarta'ailpi, maye ñeqateeguesop co'ollaxa ye Egipto, ỹauaachigui ñaqa'en na lma' naua lỹa't 'aleu' da yaqto' Aỹem Qanatamnaxala'ai. Qaq 'era da ỹa'aqtac, Aỹem Nataxala'.»

Números 15:40

Yaqto' ntoueeta'ac qataq ỹo'ot 'enauac na iqataxacpi, qataq ỹataqta Aỹem ỹalaxaguet, yaqto' namayepi qui'itta da lataxac, cha'aye Aỹem Lataxala'.

1 Samuel 6:20

Nache se'esopi lma' ye Bet Semes, 'enapeco': «¿Negue'tom ca ishet da nachaateua'a Ñim Nataxala', Ñim Lo'onatac 'Enauacna maye ỹataqta sa qaishetapec? ¿Qataq hua'ago' ca samaxasoxogue añi arca maye laỹe' da aỹamaxataxac?»

Éxodo 19:6

Nache qami' ltaxaỹaxanaxanecpi ñaqa'en na ỹotta'a't shiỹaxauapi da Aỹem qaitaxaỹapegue', qataq qami' nhuo' le'ecpi maye seỹotauga da Aỹem do'onataxanot. Qaq 'era qome da 'aua'axatem na Israel le'ecpi».

Éxodo 22:30

nache 'ena'am ca la'auaxanec llalec aca 'arelo huaca, qataq qagueta, qalaxaye 'aua'axaỹa'a da siete na'axa'te da neto'ot aca late'e, qaq ca na'a'q ocho nache Aỹem 'aỹa'anem.

Levítico 19:36

Nacherata da qauo'ogoxoñiỹa aca naloqnaxaqui ca 'etaxat, qataq ca naloqnaxanaxat, qataq aca naloqnaxanaxaqui maye ỹataqta nalochiguiñi da huo'o ca qanaloqten. Qaq 'era da ỹa'aqtac, Aỹem Nataxala' maye Qanatamnaxala'ai maye qami' ñeqateeguesopa co'ollaxa ye Egipto.

Levítico 20:7

Ỹataqta qanañañi qome da yaqto' qami' ỹalamaqa'ate, qataq ỹataqta qui'itta da qarataxaqui. Qaq 'era da ỹa'aqtac, Aỹem Nataxala' maye Qanatamnaxala'ai.

Josué 24:19

Huaña, nache so Josué 'enapego' se'eso nhuo' le'ecpi, 'eeta': «Qami' yo'oqta da saishet qome da qauañoxoche da qauo'onataxañiỹot Ñim Nataxala', cha'aye Ñimaye Atamnaxala' maye ỹataqta qui'itta, qataq ca'alaxanaxaic, qataq sa ishetaxateguet na sa ỹaỹamaxañisat qataq na qarasouaxashichi.

1 Samuel 2:2

¡Qaica ca Qui'itta da 'eeta'am 'Am, Nataxala'! ¡Qaica ca qomi' npaxattaleguete, da 'eeta'am 'am Qanatamnaxala'! ¡Qaica ca lỹa nachaq'amta!