Levítico 11:44 - La'aqtaqa Ñim Lo'onatac 'Enauacna 2013

⁴⁴ Cha'aye Aỹem, Nachaỹem Nataxala' maye Qanatamnaxala'ai. Aỹem, ỹataqta qui'itta da ỹataxac, qaq ỹoqo'oye qami', iuen da ỹataqta qui'itta da qarataxaqui. Nache saishet qome da qami' na'aqche't ne'ena shiguiỹacpi maye hualectapigui'.

Levítico 11:44 Referans Kwoze

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Levítico 19:2

«Qonapega qome na Israel le'ecpi da ỹa'aqtac, 'eeta': Ỹataqta qui'itta qome da qarataxaqui, cha'aye Aỹem Qarataxala'ai maye Qanatamnaxanala'ai, ỹataqta qui'itta da ỹataxac.

Levítico 20:7

Ỹataqta qanañañi qome da yaqto' qami' ỹalamaqa'ate, qataq ỹataqta qui'itta da qarataxaqui. Qaq 'era da ỹa'aqtac, Aỹem Nataxala' maye Qanatamnaxala'ai.

1 Ts 4:7

Cha'aye Ñim Lo'onatac 'Enauacna saishet da qomi' iỹaxanalo da qolaqto'ot da qaye'etaxaloxo, nachaqrata da qomi' iỹaxanalo da qolaqtaigui da qui'itta achaalataxac.

Levítico 20:26

Nache qami' qome ỹataqta qui'itta da qarataxaqui, qaq 'era da ỹa'aqtac, Aỹem Nataxala' maye ỹataqta qui'itta da ỹataxac. Ỹoqo'oye qami' seỹotaugalo da yaqto' qami' ỹalamaqa'ate qataq qami' ỹataxaraiqa ñaqa'en da qoviitangui na ỹotta'a't shiỹaxauapi.

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

Levítico 21:8

Ỹoqo'oye namayepi ỹataqta ntela'aguet na ishet da ishepaxanaqchet, cha'aye namayepi nachena na ỹaneuo ca nallecpi maye qoỹanot Ñim Atamnaxala'. Qaq ỹoqo'oye namayepi iuen da qui'itta da lataxac, cha'aye Aỹem Nataxala', qui'itta da ỹataxac, qataq qami' so'oteque da qami' qui'itte' da qarataxaqui.

Deuteronómio 14:2

Cha'aye Ñim Nataxala' maye Qanatamnaxala'ai ỹataqta qami' iỹotaugalo, Ñimaye qami' lca'agui'she co'ollaq lca'agui na shiỹaxauapi ana 'alhua da yaqto' ỹataqta qami' lalamaqa'ate.

Apocalipsis 22:11

'Aua'aqta'a ca 'etaxaloxoic da queto'ot da ỹo'ottac ca qauem; qaq ca nshepaxan da ntoonaxac, nache queto'ot da ỹo'ottac nam lataxacpi maye nshepaxan. Qaq cam ỹo'ottac cam ỹaỹamaqchiguiñi, nache 'aua'aqta'a da queto'ot da ỹo'ottac, qaq cam ỹanot da nachaalataxac Ñim Lo'onatac 'Enauacna, nache 'aua'aqta'a da ỹataqta nañanot Ñimaye.» Nache So Jesús 'enapeco':

Salmos 99:9

Qavio'oxoyiñi qome Ñim Nataxala' maye Qanatamnaxala', qataq qaua'ayiỹoto naua qarllectelli' qom qoviita'a añi qui'itta nqasoxonaxa, cha'aye ỹataqta qui'itta Ñim Nataxala' maye Qanatamnaxala'.

Salmos 99:5

¡Qavio'oxoyiñi qome Ñim Nataxala' maye Qanatamnaxala', qataq qaua'ayiỹoto naua qarllectelli'! ¡Ñimaye ỹataqta qui'itta!

Mateo 5:48

Ỹoqo'oye qami' iuen da ỹataqta nalochiguiñi da qarataxaqui, qoñiita'am Ñim Lo'onatac 'Enauacna maye Qarta'ai maye neta'ague da piguem da ỹataqta nalochiguiñi da lataxac.

Levítico 10:3

Qaq co'ollaq mashe lcopa'ague de'era, nache so Moisés 'enapega so Aarón, 'eeta': «'Era, da 'eetega Ñim Nataxala' co'ollaq 'eeta': ‹Da huo'o ca Aỹem naua'a na ntaxaỹaxanaxanecpi, nache ñachaxana da ỹataqta Aỹem sa qaishetapec, qataq 'enauac na Israel le'ecpi sachaxana da qaica ca 'ena'am ỹo'oxoyec.›» Nache so Aarón choche ñe'emaxat.

Éxodo 23:25

Nacherata da Aỹem qanatamñiitacot, Aỹem Nataxala' maye Qanatamnaxala'ai, yaqto' qami' sechoxonneque ca ỹotta'a't nallec qataq ca qaraquipi. Qataq aỹem seỹotauga qome nam nalolaxapi,

Éxodo 19:6

Nache qami' ltaxaỹaxanaxanecpi ñaqa'en na ỹotta'a't shiỹaxauapi da Aỹem qaitaxaỹapegue', qataq qami' nhuo' le'ecpi maye seỹotauga da Aỹem do'onataxanot. Qaq 'era qome da 'aua'axatem na Israel le'ecpi».

Isaías 43:3

Cha'aye Aỹem Nataxala' maye Aỹem Qui'itta Natamnaxala' na Israel le'ecpi, 'am ñeca'alaxatec qome, Aỹem 'am sesheenaxana, nache sanec ye Egipto, Etiopía qataq ye Sabá da nmenegueta ñaqa'en 'am,

1 Samuel 6:20

Nache se'esopi lma' ye Bet Semes, 'enapeco': «¿Negue'tom ca ishet da nachaateua'a Ñim Nataxala', Ñim Lo'onatac 'Enauacna maye ỹataqta sa qaishetapec? ¿Qataq hua'ago' ca samaxasoxogue añi arca maye laỹe' da aỹamaxataxac?»

Levítico 11:43

Qaq ỹoqo'oye, saishet qome da qami' na'aqche't ne'ena shiguiỹacpiolec, cha'aye saishet da qui'itta.

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

Amós 3:3

Da huo'oi caua dos da nnaictega't, qaq damaye ỹa'axat da caamaye naỹamaxareeta't.

Isaías 51:15

Cha'aye Aỹem Nataxala' maye Aỹem 'anatamnaxala' da ỹe'enaxat 'eeta': Nataxala' maye Qaica ca Ỹaqalanapec. Aỹem seraxan aso auaxai, nache ỹataqta dauaxan ana lapaxa.

Éxodo 16:12

«Aỹem sa'aqtega da qauem ltaxaỹaxac na Israel le'ecpi. Qaq qonapega namayepi, qoneta': Qom mashe napalchiguiñi, nache qami' qollequi qome ca lapat, qaq qonte' nte'eta, qalaq qollequi ca nallec, nache ivitta'a da ỹataqta qami' comaraxaiqa. Yaqto' qami' qauaỹaañita da Aỹem Nachaỹem Nataxala' maye Qanatamnaxala'ai.»

Éxodo 19:10

Nache Ñim Nataxala' 'enapeco' da la'aqtac: «'Aue, ña naỹamaxat 'anqa'en ye shiỹaxauapi, da yaqto' aỹem ỹo'oxoren nagui qataq qonte'. Qataq qonapega da iỹoi' naua alogo,

Éxodo 22:31

Qataq qami' maye qaiỹotaugalo da ỹataqta qami' ỹalamaqa'ate. Saishet qome da qollequi na lapat ca ltoc ca shiguiỹac maye dequi'iỹapec, nacherata da qauasaqaiỹot ca pioxoppi.»

Levítico 18:2

«Qonapega qome na Israel le'ecpi da Aỹem, Nachaỹem Nataxala' maye Qanatamnaxala'ai.

Levítico 19:3

Ñi 'oonolec ỹataqta huo'o da 'enec naqa'en ca lta'a, qataq aca late'e. Qataq ỹataqta huo'o naq 'enec qanqa'eñi ye na'a'q mataxaqui, cha'aye Nachaỹem Nataxala' maye Qanatamnaxala'ai.

Números 15:40

Yaqto' ntoueeta'ac qataq ỹo'ot 'enauac na iqataxacpi, qataq ỹataqta Aỹem ỹalaxaguet, yaqto' namayepi qui'itta da lataxac, cha'aye Aỹem Lataxala'.

Éxodo 22:30

nache 'ena'am ca la'auaxanec llalec aca 'arelo huaca, qataq qagueta, qalaxaye 'aua'axaỹa'a da siete na'axa'te da neto'ot aca late'e, qaq ca na'a'q ocho nache Aỹem 'aỹa'anem.

Levítico 19:4

Saishet da qanqo'oñiỹa da huo'o ca qoñiitapeguec ca ne'enaqtac lqui'ipi na atamnaxala'pi, qataq saishet da huo'o ca ỹo'ot ca le'enaqtac lcat, cha'aye Nachaỹem Nataxala' maye Qanatamnaxala'ai.

Levítico 19:10

Qataq saishet da qanmacheeta aca ala aca qa'añiguishe uva, qataq saishet da qanatoi aca lli'ishe. Qauaqaita'a da yaqto' natosheguem na choxoraqpi, qataq ca ỹaqa'a ca chegaqa'ague. Qaq 'era da ỹa'aqtac, Aỹem Nataxala' maye Qanatamnaxala'ai.

Josué 24:19

Huaña, nache so Josué 'enapego' se'eso nhuo' le'ecpi, 'eeta': «Qami' yo'oqta da saishet qome da qauañoxoche da qauo'onataxañiỹot Ñim Nataxala', cha'aye Ñimaye Atamnaxala' maye ỹataqta qui'itta, qataq ca'alaxanaxaic, qataq sa ishetaxateguet na sa ỹaỹamaxañisat qataq na qarasouaxashichi.

1 Samuel 2:2

¡Qaica ca Qui'itta da 'eeta'am 'Am, Nataxala'! ¡Qaica ca qomi' npaxattaleguete, da 'eeta'am 'am Qanatamnaxala'! ¡Qaica ca lỹa nachaq'amta!