Levítico 11:35 - La'aqtaqa Ñim Lo'onatac 'Enauacna 2013

³⁵ Nache 'enauac ca talec que'eca shiguiỹacolec leuaxaic, na'aictaxa da qatelaxanaxaqui huo'otaq norec lma', nache saishet da qui'itta. Ỹoqo'oye camaye iuen da qailaxachigui. Cha'aye saishet da qui'itta.

Levítico 11:35 Referans Kwoze

Levítico 15:12

Qataq 'enauac aca naco'oñapi 'alhua maye ipoteua'a camaye, iuen da qailaxachigui. Qaq ca chegaqaigui na 'epaq, nache choche qaiỹo qaỹauota'a ca 'etaxat.

Levítico 11:33

Qaq da huo'otaq tangui aca naco'oña 'alhua, nache 'enauac ca huetangui acamaye saishet da qui'itta. Qaq ỹoqo'oye acamaye iuen da qailaxachigui.

Levítico 6:28

Qaq aca taxaqui 'alhua maye qaiuoshigui da qoỹaneuaq aca'aca nachetaqtaxanaqte, acamaye qailaxachigui. Qalaxaye da qaiuoshigui aca taxaqui lcat bronce, nache acamaye ỹataqta qaiqueuocta qataq qaiỹota, qaỹauota'a ca 'etaxat.

Levítico 11:34

Qaq ca le'ec 'etaxat acamaye da talec ca nallec, nache que'eca nallec saishet da qui'itta, qataq ca 'etaxat maye huetagui acamaye, saishet da qui'itta.

Levítico 11:36

Nachecata ca 'etaxat maye npaxaatasheguem, huo'otaq aca ñi'illoxoqui maye qaỹachegoxottapiguingui ca naquip maye qui'itta, acamaye saishet da na'axat ca le'ec, qalaxaye na nogoxoshetpi da huo'o ca nhuoiguet ca shiguiỹac leuaxaic, nache camaye saishet da qui'itta.

Da na'aqtaguec so Job 39:8

Nache queuotapeguelec na comarelecpi da nmittaique na 'auaqpi, qataq nmittaique ca camachaqca 'auaqpi darala da yaqto' chec.

Levítico 13:52

Qaq ca nogoxoshet da huo'o na lcoche, camaye iuen da qaỹavigaxat, cha'aye damaye nachera da nhuetaxanaxa maye nchega naqa'en na no'oc.