Levítico 11:25 - La'aqtaqa Ñim Lo'onatac 'Enauacna 2013

²⁵ Qaq da huo'o ca ỹacoosop ca 'oonolec na shiguiỹacpi da mashe leuaxaic, nache saishet da qui'itta iviraigui ca pe. Ỹoqo'oye camaye iuen da iỹoi' caua alogo.

Levítico 11:25 Referans Kwoze

Números 31:24

Nataqa'en qauỹoi' qome naua qorogolli' ca na'a'q siete, yaqto' qami' qui'itte'. Ime nache ishet da qauanaiua'a na nanataqa' maye qanayeuta'a.

Levítico 15:5

Ỹoqo'oye camachaqca shiỹaxaua da ipoteua'a ca lmala' que'eca sa no'oita, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 14:8

Nache que'eca shiỹaxaua maye nqui'itaxattac, camaye iuen da iỹoi' caua alogo, qataq nachel, qataq npetec 'enauac na laue. Qaq 'era da 'eetec camaye da yaqto' qui'itta. Qaq da ime, nache ishet da inoxoneua'a ca nanataqa' maye qanayeetaña, qalaxaye saishet da netaña ca maiche lpe'l caua siete na'axa'te.

Levítico 11:40

Qaq ca chec na lapat que'eca shiguiỹac maye maiche ileu, camaye iuen da iỹoi' caua alogo, qalaxaye saishet da qui'itta iviraigui ca pe, qataq ca ỹacoosop camaye, iuen da iỹoi' caua alogo qalaxaye saishet da qui'itta iviraigui ca pe.

Números 19:10

Nache que'eca shiỹaxaua maye laỹona't ca alo aca huaca, camaye iỹoi' nataqa'en caua alogo, qalaxaye saxanaxa da qui'itta ivitta'a da pe. Qaq 'era lataxac maye nache 'eetai' qome da ỹo'ottac na Israel le'ecpi, qataq ca chegaqauecpi maye ỹalectaigui namayepi.

Levítico 16:28

Nache ca shiỹaxaua maye ỹavigaxat camaye, iuen da iỹoi' caua alogo qataq nachel. Ime, nache ishet da ỹe'eguelaxaua'a ca nanataqa' maye qanayeuta'a.

Apocalipsis 7:14

Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

1 Pedro 3:21

Qaq se'eso 'etaxat, nacheso so naigui dam seuenaqtac naxa nagui da so'otaq da achelaxac dam chegoqchigui da Ñim Lo'onatac 'Enauacna qomi' nca'alaxatre'c. Qaq de'era achelaxac maye ỹataqta 'eesa saishet da iỹo da yo'oqchigui qaro'ocỹaxac, nachaqrata da seỹaxanaqot Ñim Lo'onatac 'Enauacna da iỹouec na qarasouaxashetpi, yaqto' saishet da seuennaqtega da huo'o ca qarasouaxashet. Qaq Ñim Lo'onatac 'Enauacna qomi' nca'alaxatre'c, chegoqchigui naqa'en da saxaigui dam qanachelaxac, cha'aye So Jesucristo nca'aleeguesop da nleuaxa, ime, nache taigue da piguem, da nso'ooñi, neta'ague da aloic Ñim Lo'onatac 'Enauacna hueta'a yem ỹataqta ỹo'oxoraq qataq huaña da ilo'ogue 'enauac nam lamaxashecpi Ñim Lo'onatac 'Enauacna qataq 'enauac nam laỹepi maye saqcha'a, maye nataqa'en huo'o da la'añaxac qataq da 'enec.

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

Hebreos 9:10

'Enauac ne'ena lataxacpi, damaye ỹa'axat da yo'oqchigui nquia'axac qataq ỹomaxac qataq dam qaỹo'ot ca nỹoxoc da qanaỹamaxateguet ca ño'oxonnataxanaxac. De'era lataxac ỹachaxan ca 'eetec cam qaỹo'ot, qalaxaye saishet da qomi' itaua'n da naralaxat da maiche qarataxac. Qaq de'era lataxac da qaỹo'oxoren Ñim Lo'onatac 'Enauacna, huo'o da naigui, choche ivitta'a da Ñimaye nmeneguet naqa'en dam ỹataqta ỹactec da lyac.

Hechos 22:16

Qaq nagui, ¿negue't cam 'auatta'a? Qoñisheguem qome, nache 'am qanachelaxan, ỹataqta 'aupi'iỹa'a da le'enaxat So Qarataxala', yaqto' ishet da qaỹapalaxat na 'arasouaxashetpi.»

Juan 13:8

Qalaxaye so Pedro 'enapeco': –'A'i, saishet da 'am sashenem da 'auỹoi' naua ỹapia'ate. Nache So Jesús 'enapega somaye, 'eeta': –Da saishet da seỹoi' naua 'arapia'ate, nache saishet da 'am ỹapaxaguenatac.

Zacarías 13:1

Qaq que'eca na'a'q, qalaq huo'o qome, ca npaxaatasheguem 'etaxat, da yaqto' nỹoxoqui da iỹouec na lasouaxashet qataq na lshepaxanaxa nam chegoxoguetpi so David qataq nam netaña na Jerusalén.

Salmos 51:7

¡Aỹem 'auqui'itaxatta qome, aỹem 'aurolec ana nquetegaxanaqte hisopo yaqto' aỹem qui'itta! ¡Aỹem 'auỹo yaqto' aỹem qui'itta, nache ñapacalec da lapagaxa ana aloñi!

Salmos 51:2

Qataq 'auỹouec qome na ỹe'etaxaloxosat, qataq 'auỹouec na ỹasouaxashetpi.

Números 19:19

Qataq que'eca shiỹaxaua maye qui'itta da lataxac, camaye ichegoxolec nataqa'en ca shiỹaxaua maye saishet da qui'itta da lataxac, ca na'a'q tres qataq ca na'a'q siete. Qaq ca na'a'q siete nache mashe qui'itta naqa'en que'eca shiỹaxaua, qalaxaye que'eca shiỹaxaua maye saishet da qui'itta da lataxac iuen da iỹoi' caua alogo qataq nachel, qalaxaye saxanaxa da qui'itta ivitta'a da pe.

Números 19:8

Qaq nataqa'en que'eca ỹavigaxat aca huaca, iỹoi' qome caua alogo qataq nachel, qalaxaye camaye saxanaxa da qui'itta ivitta'a da pe.

Levítico 15:13

Qaq da vi'iiguet na lli'i ñi logoxoshet que'eca ỹale, nache camaye iuata'a da inoxoorec caua siete na'axa'te da ỹo'ot da nqui'itaxatta. Ime, nache iỹoi' caua alogo qataq nachel, nachela ca 'etaxat maye qaỹachegoxotangui ca npaxaatasheguem, ime, nache qui'itta.

Levítico 14:47

Qataq da huo'o ca deque'etaigui, huo'otaq do'ochiỹaigui que'eca nỹec, nache camaye iuen da iỹoi' caua alogo.

Levítico 11:28

Qaq ca ỹacoosop ca 'oonolec ne'ena shiguiỹacpi da mashe leuaxaic, nache nataqa'en saishet da qui'itta iviraigui ca pe. Qaq ỹoqo'oye camaye iuen da iỹoi' caua alogo.

Éxodo 19:14

Nache so Moisés huenoteeguesop aso qasoxonaxa da naỹamaxat naqa'en so shiỹaxauapi, da yaqto' ỹo'oxoren Ñim Lo'onatac 'Enauacna, qaq so shiỹaxauapi nataqa'en ỹataqta iỹote' naua alogo.

Éxodo 19:10

Nache Ñim Nataxala' 'enapeco' da la'aqtac: «'Aue, ña naỹamaxat 'anqa'en ye shiỹaxauapi, da yaqto' aỹem ỹo'oxoren nagui qataq qonte'. Qataq qonapega da iỹoi' naua alogo,

Levítico 11:24

Qaq 'ena na saishet qome da qami' qui'itte' naqa'en: Ca shiỹaxaua da ỹasheleua'a ca shiguiỹac leuaxaic, nache camaye iviraigui ca pe da saishet da qui'itta.

Levítico 11:26

Qataq 'enauac na shiguiỹacpi maye saishet da colaxara'ache naua nna'ache, qataq saishet da ye'eguelaqtaxan, nataqa'en saishet da qui'itta. Qaq ca shiỹaxaua da ỹasheleua'a camaye, nache nataqa'en saishet da qui'itta.

Levítico 13:6

Nache da inoxoorec caua lỹa't siete na'axa'te, nache ỹoltaq imeten. Qaq da ila'a da nquictañi qataq saishet da nquictauec que'eca nhuetac, nache ca ntaxaỹaxanaxanec da'aqtaxanem da mashe qui'itta camaye, cha'aye choche nasheguem na lo'oc. Nache que'eca shiỹaxaua iỹoi' caua alogo, qataq nache qui'itta.

Levítico 16:26

Qaq ca shiỹaxaua maye ỹo'orauga ye toolec 'alhua ca quetaq, camaye iuen da iỹoi' caua alogo qataq nachel. Ime, nache ishet da inoxoneua'a ca nanataqa' maye qanayeuta'a.

Levítico 14:46

Qataq 'enauac ca huenoxonoigui que'eca nỹec da mashe damaxasoxoolec ca ntaxaỹaxanaxanec da qaỹapogui, nache camaye saishet da qui'itta ivitta'a ca pe.

Levítico 15:15

Nache camaye ỹaneuo ca 'oonolec da yaqto' nachetaqtaxanaxat maye sa imauaq da qaỹavigaxat, qaq ca lỹa nache nachetaqtaxanaxat qaỹavigaxatta, qataq ỹauaachigui naqa'en Ñim Nataxala' da ỹo'ot da qui'itta naqa'en que'eca ỹale.

Levítico 17:15

Nache ca Israel le'ec huo'otaq ca chegaqauec, da chec ca lapat ca shiguiỹac leuaxaic, huo'otaq ca lalaatac ca shiguiỹac maye dequi'iỹapec, camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe. Qaq da ime, nache qui'itta.

Levítico 22:6

nache camaye saishet da qui'itta ivitta'a da pe. Ỹoqo'oye camaye saishet qome da chec ca nachetaqtaxanaxat maye qoỹaneuo, da ñaq saxanaxa da nachel da yaqto' nỹola't.

Números 19:7

Qaq ime, nache so ntaxaỹaxanaxanec iỹoi' caua alogo qataq nachel, qaq da ime, nache ishet da ỹe'eguelaxaua'a ca qanayeetaña, qalaxaye ñaq saxanaxa da qui'itta ivitta'a da pe.