Levítico 11:24 - La'aqtaqa Ñim Lo'onatac 'Enauacna 2013

²⁴ Qaq 'ena na saishet qome da qami' qui'itte' naqa'en: Ca shiỹaxaua da ỹasheleua'a ca shiguiỹac leuaxaic, nache camaye iviraigui ca pe da saishet da qui'itta.

Levítico 11:24 Referans Kwoze

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

Hebreos 9:26

Qaq So Cristo taxa da nache 'eetec nataqa'en de'era, nache Somaye ỹe'eguelaqtalectaxa da ileu, chegoqchiguiña co'ollaq cheta'ague da ỹo'ot ana 'alhua Ñim Lo'onatac 'Enauacna. Qalaxaye ỹoqta 'eesa da nagui da mashe nayeeta'a ca loga'tna, nache So Cristo 'oonolec da nachaxan, nache sa iuen da ỹe'eguelaxalec da nañan. Somaye nachaxan qataq nañan da 'eeta'am aca nachetaqtaxanaqte maye qaỹavigaxatta da yaqto' Ñim Lo'onatac 'Enauacna ỹapalaxat 'enauac na qarasouaxashetpi.

Colosenses 2:20

Qaq 'eesa da qami' qana'ayeetaua'a So Cristo, chegoqchigui da l-leuaxa co'ollaq qaiuaxaneguet so npe'enaxaqui, qaq ỹoqo'oye mashe saishet da qami' ilatta'ape nam saq cha'api maye ilotague' ana 'alhua. Qalaxaye ¿ta'ainco' da qarataxaqui da 'eeta'am da ñaq qoviito'ot da la'añaxac namayepi? ¿Ta'ainco' ye qaualaqaitapeeguet naxa nam 'eeta' da la'aqtac:

Efesios 5:11

Qataq saishet qome da qa'aitegueua'a nam ỹo'ottacpi nam sa ỹauatton Ñim Lo'onatac 'Enauacna, cha'aye nam ỹo'ottacpi qaica ca naigui. Nachaqrata da qauachaxañiỹa nam npe'enaxacpi.

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

1 Corintios 15:33

Saishet qome da maiche qanatenacheetapeguela't. Cha'aye 'eesa naxa da na'aqtac maye 'eeta': «Ca qauemaic shiỹaxaua na'aqchet ca no'on lataxac ca lỹa.»

Isaías 22:14

Qaq Ñim Nataxala' maye Qaica ca Ỹaqalanapec, aỹem ỹa'axaỹaqchetec de'era, 'eeta': «Aỹem saishet da sapalaxat de'era nasouaxashet, choche ivitta'a qom qaullivi.» Qaq 'era da la'aqtac Ñim Nataxala' maye Qaica ca Ỹaqalanapec.

Levítico 11:31

Qaq 'ena na shiguiỹacpiolec maye saishet da qui'itta. Qaq ca shiỹaxaua da ỹasheleua'a ca mashe leuaxaic ne'ena shiguiỹacpiolec, nache camaye saishet da qui'itta iviraigui ca pe.

Levítico 11:8

Qaq saishet qome da qollequi ca lapat ne'ena shiguiỹacpi, qataq saishet da qaupocheeua'a da mashe ileu. Cha'aye saishet da qui'itta.

Levítico 11:23

Qalaxaye na laỹe ato' le'ecpiolec maye ishet da huaỹo qataq petañi, qauqaiquiỹa qome.

Levítico 11:25

Qaq da huo'o ca ỹacoosop ca 'oonolec na shiguiỹacpi da mashe leuaxaic, nache saishet da qui'itta iviraigui ca pe. Ỹoqo'oye camaye iuen da iỹoi' caua alogo.

Levítico 22:4

Qataq na chegoxoguetpi ñi Aarón, da huo'o ca huetalec na lo'oc ca qauem nhuetaxanaxa, huo'otaq da huo'o na lli'i ñi logoxoshet, nache saishet qome da chec ca nallec maye qoỹaneuo da nachetaqtaxanaxat, nato' qom qui'itta. Qataq ca ipoteua'a ca ỹataqta qaiqaiga souaxat da nhuoiguet ca leuaxaic, huo'otaq ca maiche anactac ana lmale,

Levítico 5:2

Qataq nache 'ena'am da huo'o ca shiỹaxaua da ilamaxata'a da ỹasheleua'a ca shiguiỹac leuaxaic maye saishet da qui'itta, huo'otaq ca 'atet leuaxaic, qataq ca huauec, nataqa'en ca hualectapigui' maye saishet da qui'itta, nache que'eca shiỹaxaua saishet da qui'itta, cha'aye huo'o ca lasouaxashet.

Levítico 7:21

Qaq ca shiỹaxaua da ỹashelagui ca la'atec ca shiỹaxaua, huo'otaq ca shiguiỹac maye qaiqaiga, huo'otaq ca camachaqca nam qaiqaigapi, da chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.»

Levítico 14:46

Qataq 'enauac ca huenoxonoigui que'eca nỹec da mashe damaxasoxoolec ca ntaxaỹaxanaxanec da qaỹapogui, nache camaye saishet da qui'itta ivitta'a ca pe.

Levítico 15:5

Ỹoqo'oye camachaqca shiỹaxaua da ipoteua'a ca lmala' que'eca sa no'oita, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 15:6

Qataq 'enauac ca nso'oolec ca nso'onqa' que'eca ỹale, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 15:7

Qataq camachaqca shiỹaxaua, da ipoteua'a que'eca ỹale maye huo'o da lalolaxa ñi logoxoshet, camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 15:8

Qaq que'eca ỹale maye huo'o na lli'i ñi logoxoshet da huo'otaq nqaigoqot ca shiỹaxaua maye no'oita, nache que'eca shiỹaxaua iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 15:10

Qataq da huo'o ca ipoteua'a ca nogoxoshetpi maye nso'oolec que'eca ỹale, nache saishet da qui'itta ivitta'a da pe. Qataq ca shiỹaxaua da huo'otaq ỹache ca camachaqca que'eca nogoxoshetpi, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 15:11

Qaq que'eca dalolaxaic, da sa iỹoi' naua lhua'q, nache 'enauac ca ipoteua'a camaye, iuen da iỹoi' caua alogo qataq nachel, qalaxaye saishet da qui'itta ivitta'a da pe.

Levítico 15:15

Nache camaye ỹaneuo ca 'oonolec da yaqto' nachetaqtaxanaxat maye sa imauaq da qaỹavigaxat, qaq ca lỹa nache nachetaqtaxanaxat qaỹavigaxatta, qataq ỹauaachigui naqa'en Ñim Nataxala' da ỹo'ot da qui'itta naqa'en que'eca ỹale.

Levítico 15:21

Qataq camachaqca shiỹaxaua da ipoteua'a ca lmala' acamaye, nache iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 15:22

Qataq ca shiỹaxaua da ipoteua'a ca nogoxoshetpi maye nso'oolecpi acamaye, nache iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 15:23

Qataq ca shiỹaxaua maye ipoteua'a ca huetalec ca lmala', huo'otaq ca nso'onqa' acamaye, nache camaye saishet da qui'itta ivitta'a da pe.

Levítico 15:27

Qaq ca shiỹaxaua da ipoteua'a que'eca nogoxoshetpi, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 16:26

Qaq ca shiỹaxaua maye ỹo'orauga ye toolec 'alhua ca quetaq, camaye iuen da iỹoi' caua alogo qataq nachel. Ime, nache ishet da inoxoneua'a ca nanataqa' maye qanayeuta'a.

Levítico 16:28

Nache ca shiỹaxaua maye ỹavigaxat camaye, iuen da iỹoi' caua alogo qataq nachel. Ime, nache ishet da ỹe'eguelaxaua'a ca nanataqa' maye qanayeuta'a.

Levítico 22:5

huo'otaq ca ipoteua'a ca shiguiỹac maye saishet da qui'itta, huo'otaq da ipoteua'a ca shiỹaxaua maye saishet da qui'itta, nache camaye saishet da qui'itta,

Levítico 22:6

nache camaye saishet da qui'itta ivitta'a da pe. Ỹoqo'oye camaye saishet qome da chec ca nachetaqtaxanaxat maye qoỹaneuo, da ñaq saxanaxa da nachel da yaqto' nỹola't.

Números 19:7

Qaq ime, nache so ntaxaỹaxanaxanec iỹoi' caua alogo qataq nachel, qaq da ime, nache ishet da ỹe'eguelaxaua'a ca qanayeetaña, qalaxaye ñaq saxanaxa da qui'itta ivitta'a da pe.