Levítico 11:2 - La'aqtaqa Ñim Lo'onatac 'Enauacna 2013

² «Qoñiỹapega qome na Israel le'ecpi, qoñeeta': 'enauac na shiguiỹacpi maye huetalec ana 'alhua ishet da qollequi,

Levítico 11:2 Referans Kwoze

Hebreos 9:10

'Enauac ne'ena lataxacpi, damaye ỹa'axat da yo'oqchigui nquia'axac qataq ỹomaxac qataq dam qaỹo'ot ca nỹoxoc da qanaỹamaxateguet ca ño'oxonnataxanaxac. De'era lataxac ỹachaxan ca 'eetec cam qaỹo'ot, qalaxaye saishet da qomi' itaua'n da naralaxat da maiche qarataxac. Qaq de'era lataxac da qaỹo'oxoren Ñim Lo'onatac 'Enauacna, huo'o da naigui, choche ivitta'a da Ñimaye nmeneguet naqa'en dam ỹataqta ỹactec da lyac.

Mateo 15:11

Saishet da nachena nam chec ca shiỹaxaua da ishepaxanaqchet da nachaalataxac da datato'ot Ñim Lo'onatac 'Enauacna. Dam ishepaxanaqchet da nachaalataxac ca shiỹaxaua nachera dam lsheunaxanaxac qataq naua qauema la'aqtaqa maye chegaqaiguilo na alap.

Levítico 11:11

Qataq saishet da qanallequi ca lapat namayepi, cha'aye saishet da qui'itta, nache 'ena'am da mashe leuaxaic.

Hebreos 13:9

Qaq ỹoqo'oye saishet da qauqocheetega na napaxaguenataxanaxacpi maye sa qaỹauanapega, maye ỹataqta sa nateneguet dam qomi' ỹapaxagueneque So Jesucristo. Ỹactec da 'onaxaic da saconaxaguet da qara'añaxac maye nachera da lsoxoyec Ñim Lo'onatac 'Enauacna, qaq saishet da nachena na qalapaqtañipi maye ỹa'axat cam qanallec qataq cam saishet da qanallec, cha'aye damaye qaica ca ltaunaxanaxac.

Daniel 1:8

Qalaxaye so Daniel, lhuennataxac co'ollaxa da saishet da nshepaxanaqcheela't, da chec so nallec qataq so lataxa maye qoỹaata'am naxa so nta'a, qaq ỹoqo'oye dequiguiỹo'ot som ilotague' so nma' lta'araic, da saishet da ỹamaqtalec da chec se'eso nallec da yaqto' saishet ishepaxanaqchet somaye.

Ezequiel 4:14

Qaq huaña nache, sheeta': «'Agai, 'Am Nataxala' maye Ñatamnaxala', aỹem ỹataqta saỹauano' da sacootapigui ca nshepaxan, qataq saỹauano' da sachec ca lapat ca shiguiỹac leuaxaic, huo'otaq ca icolaxattac ca shiguiỹac maye dequi'iỹapec, qataq saỹauano' da she'eguen da sachec ca lapat nshepaxan.»

Levítico 11:39

Qalaxaye da huo'otaq huo'o ca maiche ileu nam shiguiỹacpi maye ishet da qanallec, nache ca ipoteua'a camaye, nache saishet da qui'itta iviraigui ca pe.

Levítico 11:34

Qaq ca le'ec 'etaxat acamaye da talec ca nallec, nache que'eca nallec saishet da qui'itta, qataq ca 'etaxat maye huetagui acamaye, saishet da qui'itta.

Levítico 11:29

Qaq 'ena na shiguiỹacpiolec maye saishet da qui'itta: 'al, chegoxonaxa, qataq na 'enauac ỹotta'a't maye hualectapigui',

Levítico 11:21

qalaxaye ishet da qollequi nam huo'oi naua laua't, nam petañi, qataq nam huo'oi naua lasotaxanaqte:

Levítico 11:13

Qaq na maỹopi maye saishet da qollequi qome nacherata da qauqaiquiỹa: na ỹanegralo, huole, qataq na vi'ic,

Levítico 11:9

Qaq na 'etaxat le'ecpi, qalaxaye ishet da qollequi na huo'oi naua laua'tole qataq ana lso, auaxai le'ec, huo'otaq tala le'ec.

Levítico 11:4

qalaxaye saishet qome da qollequi ne'ena shiguiỹacpi: Ana nauanaxanaxa maye ishet da ye'eguelaqtaxan qalaxaye saishet da colaxara'ache naua nna'ache. Cha'aye saishet da qui'itta.

Levítico 11:1

Nache Ñim Nataxala' 'enapega so Moisés qataq so Aarón, 'eeta':

Levítico 11:3

ca ishet da ye'eguelaqtaxan qataq ca colaxara'ache naua nna'ache,