Levítico 10:9 - La'aqtaqa Ñim Lo'onatac 'Enauacna 2013

⁹ «'Am qataq naua 'aỹa'alqa, da ivita da qaunoxoñiiua'a ñi npe'l, nache saishet da hua'auñi da qanỹomiigui na lataxa huo'otaq ca lỹa maye ishet da qantaxac, ten qom qaullivi. Qaq 'era qome da nache 'eetai' lataxac da qoyecỹaxaqui qataq cam qami' chegoxogueta,

Levítico 10:9 Referans Kwoze

Lucas 1:15

Que'eca 'aỹa'alec camaye ỹataqta 'amaqtaqaic qome naqa'en Ñim Lo'onatac 'Enauacna. Camaye saishet da nỹomgui na lataxa, cha'aye So Saqcha'a Na'añaxac Qui'itta netaigui camaye qom saxanaxa da ñiguiñi.

1 Timoteo 3:3

Qataq saishet da taxaic, qataq saishet da sa ncherapec qataq saishet da nmitta'a da cotaxac. Nachaqrata da iuen da soxoraic qataq saishet da sa lhuanguit qataq saishet da quetaigui da latenataxanaxac da nmitta'a ana anom.

Tito 1:7

Cha'aye ca qaipataxalec da ilo'ogue na 'amqaanataxanaxaicpi, camaye ilo'ogue 'enauac na lo'onataxanaxacpi Ñim Lo'onatac 'Enauacna. Ỹoqo'oye, iuen da qui'itta naqa'en da nachaalataxac. Saishet da na'amqaanaxaic, qataq saishet da qauemaic, saishet da taxaic, saishet da sa ncherapec, qataq saishet da quetaigui da latenataxanaxac da nmitta'a ana anom.

Efesios 5:18

Qataq saishet qome da qami' taxaiqa, cha'aye damaye ỹaueca'a da nlaxaañi ca shiỹaxaua. Chaqrato' da ỹataqta qami' nlaqchiguilo So Saqcha'a Na'añaxac Qui'itta.

Ezequiel 44:21

Qataq na ntaxaỹaxanaxanecpi qaica qome ca ishet da nỹomgui na lataxa, da mashe taua'a ye pa'aỹauo qasoxoc.

Isaías 28:7

Qalaxaye nataqa'en huo'o na laỹepi maye ỹe'egottapigui' souaxat da nỹomaxac na lataxa, qataq pogolaxaateguiñi souaxat na ỹataqta chem lataxa, na ntaxaỹaxanaxanecpi qataq na na'aqtaxanaxanecpi qalaq ỹe'egottapigui' souaxat na ỹataqta chem lataxa, qaica ca laỹaanataxanaxac souaxat na lataxa, qataq pogolaxaateguiñi souaxat na ỹataqta chem lataxa, qataq ỹe'egottapigui' da huo'o na l-loxocpi, qataq taxaicpi da huo'o ye nmit nasouaxashet.

1 Timoteo 3:8

Nache 'eetec nataqa'en na ltauapi ca nataxala' iuen da no'on da na'aqtaguec, qataq huesota da lataxac qataq saishet da taxaic. Qataq saishet da quetaigui da latenataxanaxac da nmitta'a ana anom.

Números 6:3

nache camaye saishet qome da nỹomgui na lataxa, huo'otaq na 'euaxaic lataxa, huo'otaq na lli'i ana uva, huo'otaq aca ñaq no'oitai' ala ana uva, huo'otaq aca nqaxaỹaqta.

1 Timoteo 5:23

Qaq cha'aye 'am nache 'eetai' da huo'o da 'auet na 'arhuel, ỹoqo'oye saishet da ndotec na 'etaxat da 'anỹomtagui, nataqa'en iuen da 'anỹomgui ca lataxa, qalaxaye sa 'amaqtaq 'anqa'en.

Oseas 4:11

De'era quisheguetaxac qataq na lataxa, ỹo'ot da deqat da no'on nataxac.

Proverbios 20:1

Na lataxa ỹo'ot da sancherapec ca ỹale, qataq na no'on lataxa ỹo'ot da cotaxac, qaq ca itaqchet namaye qalaq saishet da ỹaỹateetegue ca ỹo'ot.

Números 6:20

Qaq da ime 'enauac de'era, nache ca ntaxaỹaxanaxanec ỹaasheguem que'eca nachetaqtaxanaxat da ỹanot Ñim Nataxala'. Cha'aye camaye sa qaishetapec, qataq qaiỹotauga da lalamaxat ca ntaxaỹaxanaxanec, qaq nache 'ena'am ca ltogue lapat maye qoỹaasheguem, qataq ca ltele'eta maye qaiỹotauga. Qaq da imeta 'enauac de'era, nache que'eca shiỹaxaua maye qoỹaneuo, ishet da nỹomigui ca lataxa.

Levítico 3:17

Qaq 'era qome da nache 'eetai' lataxac da qoyecỹaxaqui, qataq ca qaỹa'alquipi, qataq cam qami' chegoxogueta, na'aictaxa ca pa'aigue ca qoñiitaña ana 'alhua, qalaq saishet qome da qollequi ca lcheta qataq ca ltago'q ca shiguiỹac».

Levítico 10:8

Nache Ñim Nataxala' 'enapega so Aarón, 'eeta':

Éxodo 27:21

Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».